dëgjoni

Në vitin 1932, atleti i vrapimit me distancë të shkurtër, kinezi Liu Changchun duke kapërcyer vështirësi të shumta, si i vetmi përfaqësuesi i Kinës mori pjesë në Lojërat e 10-ta Olimpike të Los Anxhelos. Më 16 maj, u organizua në Pekin premiera e filmit artistik " Olimpiada e një njeriu", filmi i parë kinez me temë olimpike që pasqyron një histori të vërtetë. Duke filluar nga 17 maji, ky film u vu në qarkullim në mbarë Kinën dhe u organizua në Pekin një simpozium mbi këtë film.

Do të dëgjoni tani reportazhin me titull: "U organizua premiera e filmit të parë me temë të Lojërave Olimpike të Kinës".

Në vitin 1908, revista e atëhereshme me ndikim në Kinë " Rinia e Tiancinit" parashtroi 3 pyetje : Kur do të marrin pjesë kinezët në Lojërat Olimpike? Kur do të fitojë Kina një medalje në Lojërat Olimpike? Kur do të organizojë Kina Lojërat Olimpike? Filmi i parë kinez me temë olimpike " Olimpiada e një njeriu" na dha përgjigje për pyetjen e parë.

Në vitin 1931 në prag të incidentit të "18 shtatorit", Liu Changchun ishte një stundent i Universitetit të Kinës verilindore. Ai lindi në qytetin Dalian. Kishte talent për vrapimin në distancë të shkurtër dhe gjatë një gare ai mposhti atletin japonez duke fituar titullin kampion në spartakiadën e Kinës veriore. Pas incidentit të 18 shtatorit, Liu Changchun u detyrua të hiqte dorë nga stërvitjet dhe garat, kurse biseda që ai bëri me trajnerin gjerman gjatë dhënies së lamtumirës i ngjalli dëshirën e zjartë Liu Changchunit për të marrë pjesë në Lojërat Olimpike. Me përkrahjet e palëve të ndryshme, ai u ngjit në vaporin postar për në Los Anxhelos. Në ceremoninë e hapjes së Lojërave Olimpike të LosAnxhelos në vitin 1932 u shfaq për herë të parë tabela orientuese me mbishkrimin " China".

Në film, Liu Changchun për arsye të lodhjes gjatë udhëtimit, në garën paraprake të vrapimit 100 metra, u tejkalua nga kundërshtarët dhe mbeti i fundit në grup. Kurse në garën paraprake të vrapimit 200 metra, ai kaloi nga vendi i dytë në të katërtin dhe kështu nuk pati mundësi të hynte në raundin e dytë të garave.

Liu Changchun nuk pati mundësi të hynte në garat e raundit të dytë, por rezultati nuk ishte aq i rëndësishëm, spektatorët u prekën nga ndjenjat olimpike të personazhit kryesor të filmit Liu Changchun...

" Ky film na jep një frymëzim të madh. Ai shkoi i vetëm në Lojërat Olimpike gjë që përfaqësoi vullnetin e çeliktë të kinezëve. Me anën e këtij filmi, dëshirojmë tu transmetojmë ngushëllimet tona banorëve të zonave të prekura nga tërmeti, në mënyrë që ata të ngrihen sa më parë në këmbë dhe të rindërtojnë vatrat e tyre. "

" Jam e mendimit se si brezi i ri i kinezëve, jam frymëzuar shumë nga ky film. Në kohën kur fryma olimpike është transferuar në Kinë, unë uroj që cdo kinez, i zonave të prekura nga tërmeti dhe të gjithë të jenë të fortë duke u inkurajuar nga fryma olimpike"

Në simpoziumin mbi filmin " Olimpiada e një personi", shumë komentatorë me sy kritik thanë se në të kaluarën, shumë pak nga filmat me temë sportive i kanë prekur, kurse filmi " Olimpiada e një njeriu" u dha atyre një të papritur. Një funksionar i Drejtorisë Shtetërore të Radio-Film-Televizionit të kinës tha se ky film me anën e hollësirave pasqyron në mënyrë të natyrshme frymën kombëtare të luftës së bashkuar të kinezëve duke arritur në një nivel të lartë. Komentatori profesionist, zv-kryeredaktor i revistës " Kinematografia" Won Yan i tha korrespondentit se krahas emocionit, ky film i ka ngjallur atij edhe mendim të thellë.

" Ky film ka shtjelluar historinë shpirtërore të një atleti, në fakt ai ishte përfaqësuesi i një kombi. Ne pamë procesin e rritjes së një atleti në Kinën e dobët, në sfondin historik kur Kina është marrë në qafë nga të tjerët. Jam shumë i emocionuar nga ky film, vecanërisht duke parë atë në vrapimin 100 metra, desha të vrapoja së bashku me të. Më vjen shumë keq që ai mbeti i fundit. Nuk di si ishte rezultati i vërtetë, ai ishte në të parët, por nga lodhja e tepërt ai u kalua nga të tjerët. Ndoshta ky është një trajtim artistik i bërë me qëllim nga regjisori ". ( Zhai)

\