dëgjoni

Pak kohë më parë, u shfaq në Pekin pjesa e operës Kunqu "Pallati Changsheng". Aktori kryesor i kësaj pjese Cai Zhengren është një nga aktorët më të famshëm të operës Kunqu në Kinë.

"Pallati Changsheng" është vepra përfaqësuese e dramaturgut të famshëm kinez të shekullit të 17-të Hong Sheng dhe përshkruan dashurinë midis perandorit të dinastisë Tang Li Longji dhe konkubinës perandorake Yang Yuhuan. Yang Yuhuan është shumë e bukur dhe është e aftë të këndojë dhe të kërcejë duke fituar dashurinë e thellë të perandorit Li Longji. Perandori është zhytur në dashurinë duke lënë pas dore qeverisjen, me këtë rast disa forca të armatosura nisën rebelimin. Nën presionin e madh, perandori u detyrua ta vrasë Yang Yuhuanin. "Pallati Changsheng" nuk është një operë e thjeshtë dashurie, përkundrazi paraqet sfondin e gjerë shoqëror e politik të dinastisë Tang.

Që nga fillimi i mësimit të operës Kunqu, Cai Zhengreni e ka interpretuar mbi 100 herë perandorin Li Longji në pjesën "Pallati Changsheng". Ai e kupton thellë për këtë personazh:

"Në zemrën e shumë kinezëve, perandorët nuk kishin mundësi të mbanin dashurinë e vërtetë për një konkubinë. Por jam i mendimit se dashuria midis Li Longjit dhe Yang Yuhuanit ishte e sinqertë. Unë e interpretoj këtë personazh sipas kuptimit tim."

68-vjeçari Cai Zhengren është drejtori i trupës së operës Kunqu të Shangait. Babai i tij ishte një dashamirës i operës Kunqu, kur Cai Zhengreni ishte i vogël, babai e sillte shpesh në teatër për të shikuar shfaqje. Nën ndikimin e të atit, Cai Zhengrenit të vogël filloi t'i pëlqente ky art i lashtë kinez. Atë kohë, Cai Zhengreni dhe shokë të tij përshtatën shpesh tregime në tekstet mësimore në pjesë opere dhe interpretuan personazhe në to. Në vitin 1954, Cai Zhengreni hyri në shkollën e operës të Shangait për të mësuar operën Kunqu duke filluar jetën e aktorit të kësaj opere. Në fillim të viteve '60 të shekullit të kaluar, u krijua trupa e Operës së Pekinit dhe e operës Kunqu e Shangait. Me talentin e lartë të interpretimit, Cai Zhengren u bë shpejt një nga aktorët kryesorë të kësaj trupe. Në vitin 1961, kjo trupë shkoi në Hong-Kong për shfaqje dhe Cai Zhengreni interpretoi personazhin kryesor Xu Xian të pjesës "Gjarpri i bardhë". Shikuesit e Hong-Kongut vlerësuan se Cai Zhengreni kishte zotëruar plotësisht mjeshtërinë e mësuesit të tij ? mjeshtrit të operës Kunqu Yu Zhengsheng. Cai Zhengreni u quajt trashëgimtari i shquar i operës Kunqu.

Në qarqet e operës Kunqu, Cai Zhengreni quhet "perandori i gjallë Li Longji". Kur ai hyri në shkollën e operës të Shangait, pjesa e parë e mësuar ishte "Pallati Changsheng". Deri sot kjo pjesë është shfaqur herë pas here dhe ka ende magji shumë të madhe. Cai Zhengreni tha:

"Nuk më shkonte në mendje që shikuesit e operës Kunqu do të shtoheshin nga dita në ditë, veçanërisht janë shtuar shumë shikues të rinj. Megjithëse jam i moshuar, kam përgjegjësinë ta përhap këtë art të bukur."

Duke folur për përhapjen e operës Kunqu, Cai Zhengreni është i mendimit se opera Kunqu është trashëgimi kulturore jomateriale e njerëzimit dhe nevojitet përkrahja e qarqeve të ndryshme. Cai Zhengreni është i kënaqur për gjendjen e tanishme të zhvillimit të kësaj opere:

"Tani gjendja e zhvillimit është shumë e mirë. Vitet e fundit, shikuesit e rinj të operës Kunqu në Shangai janë shtuar nga dita në ditë. Këtë herë ne shfaqëm 32 herë pjesën 'Pallati Changsheng', ndër shikuesit, 66.7% ishin të rinj 19 deri 35 vjeç. Kjo është një përqindje shumë e lartë. Mund të themi se në Shangai, shikuesit e operës Kunqu janë më të rinj se ata të operave të tjera."

Vitin e kaluar, Cai Zhengreni u përcaktua nga Ministria e Kulturës e Kinës si mësues i operës Kunqu. Ai ka përgatitur shumë aktorë të rinj të shquar. Ai u kërkon atyre të studiojnë seriozisht dhe të kopjojnë interpretimin e mësuesit. Sepse vetëm pas përgatitjes së mjeshtërisë bazë të interpretimit, aktorët e rinj do të kenë aftësi të krijojnë risi në skenë. (Fani)