Një skemë për hyrjen falas nëpër muzeumet e gjithë Kinës po hap dyert e kulturës dhe historisë për të gjithë publikun.

"Të them të drejtën isha pak e habitur kur pashë se nuk kishte rradhë të gjata përpara muzeut sic e kisha menduar," tha Yuan Hong, një qytetare e Pekinit gjithashtu dhe një fanse ushtarake. Yuan po vizitonte Muzeun Ushtarak të Revolucionit të Popullit Kinez në Pekin me rastin e 1 Majit, ditës së parë të tre ditëve pushim me rastin e festës së puntorëve.

"Isha e shqetësuar se do të prisja për një ose dy orë në rradhë për tu futur në muze, por nuk kishte fare rradhë dhe s'kishte dhe aq shumë zhurmë në muze," tha Yuan.

Yuan po shijonte ditën e parë të hyrjes pa pagesë në muze, i cili ndodhet në zonën veri-perëndimore të rrugës Fuxing, i projektuar për të shtyrë që më shumë njerëz të vizitojnë muzeumin dhe monumentet.

Edhe 33 muzeume të tjerë në Pekin, duke përfshirë muzeun e kryeqytetit, 20 muzeume në Provincën Gansu në veri-perëndim të kinës dhe nëntë muzeume në provincën Guangdong gjithashtu aplikuan hyrjen e lirë që nga 28 Marsi, dhe që kur kjo skemë është bërë më e famshme numri i vizitorëve është rritur në mënyrë dramatike.

Sipas planit të qeverisë, numri i muzeumeve që kanë hyrje të lirë në gjithë kinën arriti në 600 më 1 Prill të këtij viti dhe 800 të tjerë do ti shtohen kësaj liste vitin tjetër.

"Unë besoj se bërja e hyrjes falas do të tërheqë më shumë njerëz për të vizituar muzeumet, cka do të ndihmojë në përmirësimin e njohjes së kulturës nga publiku," tha Xiao Yonggao, duke folur për një revistë lokale në Pekin. Xiao ishte një vizitor nga provinca verilindore Liaoning e kinës dhe kishte ardhur për të vizituar Muzeun e Pekinit në ditën e parë të hyrjes falas.

Shpenzimet operative e të gjithë muzeve kombëtarë dhe holleve memoriale do të mbulohen nga buxheti qëndror, ndërsa institucionet në nivele provincash do të mbulohen bashkarisht nga pushteti qëndror dhe ai lokal, sipas zëvendës ministrit të financave Zhang Shaochun.

Sipas buxhetit të qeverisë qëndrore në mars, ajo do të investojë 1.2 miliardë juanë($171 milion) në muzetë e lirë, holle përkujtimore dhe baza për edukimin patriotik.

" Hyrja e lirë në muzeume dhe qendra përkujtimore duhet të garantohet dhe në asnjë mënyrë të mos pengohet nga mungesa e fondeve," tha Zhang.

Qeveria lëshoi një qarkore më 23 Janar ku thuhej se të gjithë muzeumet, qëndrat përkujtimore dhe bazat kombëtare për edukimin patriotik do të kenë hyrje të lirë përpara vitit 2009, duke përjashtuar disa relike kulturore dhe pika historike.

Kina ka mbi 2300 muzeume, të cilët pritën 150 milionë vizitorë vitin që shkoi, tha Zhang Bai, Drejtori i Administrimit të Trashgimisë Kulturore.

Turmat e papërmbajtshme

Vizitorë t e muzeumeve e kanë mirëpritur hyrjen falas, por kjo skemë nuk ishte pa probleme. Në ditën e parë me hyrje falas, Muzeu Ushtarak i Revolucionit të Popullit Kinez priti rreth 12,000 vizitorë, gjashtë herë më shumë se e njëjta ditë vitin që shkoi. Në muajin e parë që nga 1 Marsi muzeu pati një total prej 400,000 vizitorësh, me një mesatare prej 13,000 cdo ditë, ndërsa në të shkuarën përpara se të aplikohesh hyrja falas muzeu vizitoheshe afërsisht nga 1,250 vizitorë në ditë, tha Gao Yulin, një anëtar i stafit të lajmeve në muze.

"Ne e prisnim vërshimin e menjehershëm të njerëzve dhe u përgatitëm paraprakisht për të," tha Gao, duke shtuar se ngarkesa e punës e punonjësve është në rritje si pasojë e shtimit të numrit të vizitorve.

Ekzistonte shqetësimi se rritja e numrave mund ti sillte dëme muzeumeve. Sipas raporteve në një muze në provincën Fujian duke marrë pjesë në hyrjen falas turma dëmtoi disa ekspozita në hyrje të muzeut. Si pasojë muzeu ishte mbyllur.

"Kur një muze është falas, të gjitha grupet e njerëzve nga klasa të ndryshme mund të vijnë për ta vizituar. Ne nuk mund të zgjedhim se kush do të jetë audienca, kështu që ajo që mund të bëjmë është të përmirësojmë menaxhimin dhe të përballemi me sfidën," tha Gao.

Adam Minter nje shkrimtar Amerikan në Shangai shfaqi konfidencën e tij në hyrjen falas. "Ata që mund t'i shkaktojnë dëme koleksioneve janë një minoritet i vogël në krahasim me ata që vijnë për të shijuar artin," thoshte ai në diskutimin e titulluar Skrapi i Shangait. "Kuriozët do të jenë gjithnjë në minorancë me artdashësit. Kina nuk do të ndryshoj, dhe unë parashikoj se ditët me turma të papërmbajtshme që vizitojnë muzeumet e niveleve shtetërore kineze së shpejti do të mbarojnë."

Problemi që ndodhi gjatë ditëve të para të hyrjes falas në Fujian ishte një rast i izoluar, ndërsa gjendja e përgjithshme ishte e mirë, tha Zhang i Administrimit të Trashgimisë Kulturore.

Zhang theksoi se muzeumet duhet të rregullojë shërbimet e tyre, menaxhimin dhe mjetet e sigurisë për t'u përballur me sfidën e një numri më të madh vizitorësh. Në të njëjtën kohë, përsa u përket vizitorëve ata duhet të respektojnë rregulloret e muzeumeve dhe të sillen denjësisht kur i vizitojnë ato, shtoi ai. (Klajd Toska)