dëgjoni

Më 12 maj një tërmet i fuqshëm ra në distriktin Wenchuan të provincës Sichuan. Pas ndodhjes së fatkeqësisë, qeveria kineze dhe qarqet e ndryshme shoqërore zhvilluan shpejt punët e shpëtimit kundër tërmetit. Yjet e fushës së artit të Kinës krijuan një grup këngësh të sinqerta për të kënduar shpirtin atdhetar të shfaqur nga personat e qarqeve të ndryshme në luftën kundër fatkeqësisë.

Kënga që po dëgjoni titullohet "Ne jemi kinezë" dhe interpretohet nga këngëtarët e rinj Li Yuchun, Su Xing, He Jie etj. Me vargjet e gjalla dhe melodinë e butë, kjo këngë tregon bashkimin dhe forcën e kinezëve në fatkeqësi.

Pas rënies së tërmetit, yjet e fushës së artit të Kinës, ashtu si njerëzit e thjeshtë, dëshirojnë të japin kontribut për masat popullore të prekura nga fatkeqësia. Këngëtarët Yin Xiangjie, Diao Han dhe grupi muzikor "e-mail" kënduan së bashku këngën për shpëtim "Zemra dhe duart lidhen". Ata kënduan ndjenjat e tyre në këtë këngë, për të ngushëlluar zemrat e njerëzve të prekur nga fatkeqësia. Le ta dëgjojmë "Zemrat dhe duart lidhen".

Këngëtarja Siqingerile e ka pasur gjithmonë pasion çështjen e mirëbërësisë. Pasi ra tërmeti në Wenchuan, ajo krijoi menjëherë këngën "Vështirësinë e madhe kalojmë së bashku", për të inkurajuar vëllezërit e motrat e mbijetuar të përballin në mënyrë të fortë jetën. Ata do të fitojnë mbi fatkeqësinë dhe do të krijojnë të ardhmen e bukur.

Lidhur me mendimet e saj kur krijoi këtë këngë, Siqingerile tha:

"Shkoj në vijën e parë të shpëtimit, nuk kam njohuri profesionale. Si një artiste, çfarë duhet të bëj? Të kompozoj. Prandaj krijova këtë këngë. Më duket se në këtë fatkeqësi të madhe, duhet të bashkohemi të gjithë."

Pas ra tërmeti, Kryqi i Kuq i Kinës, si një organizatë shoqërore për punët e ndihmës humanitare, ka organizuar aktivitetet e dhënies së parave dhe të materialeve dhe ka dërguar personat e shpëtimit në zonat e prekura nga tërmeti. Përveç këtyre, Kryqi i Kuq i Kinës zgjodhi këngën "Shtëpia e re", që tregon zërin e zemrave të masave popullore, si këngën me temën kryesore të "Projektit të rindërtimit të shtëpive dhe të dritës së zemrës". Ajo këndohet nga këngëtarja kineze Chen Hong dhe këngëtari nga Singapori Adu për të inkurajuar besimin e banorëve të prekur nga fatkeqësia në rindërtimin e shtëpive të reja. Le ta dëgjojmë këngën "Shtëpia e re".

Adu tha:

"Fatkeqësia nuk ka dashuri, por njerëzit kanë dashuri. Kënga 'Shtëpia e re' është dhënë për njerëzit e fortë në fatkeqësi."

Cheng Hong tha:

"Ju lutem, besojmë që dhembjet do të kalojmë, ne do të përqafojmë shpresën dhe do të përkrahim njëri-tjetrin."

Tani po zhvillohen punët e rindërtimit pas tërmetit. Koha që kalon mund të marrë me vete dhembjen e humbjes së shtëpisë dhe të humbjeve ekonomike, por s'mund të largojë dhembjen e humbjes së të afërmve dhe të miqve. Kënga "Malli u bë dhembja" do të sjellet për njerëzit që humbën të afërmit. Shpresojmë se kënga mund t'i ngushëllojë ata dhe t'u japë forcën të përballin jetën.

Në këngë thuhet: "E di që të kam humbur. Kur të kujtoj, në zemër kam gjithmonë një mungesë. Marr të gjitha kujtimet dhe ndjenjat për ty. Kur vjen dhembja, qaj me vete. Kur vjen dhembja, më merr malli për ty."

Përveç këtyre këngëve nga artistët kinezë, edhe shumë profesionistë kanë ofruar ndihmë psikologjike për popullin në zonat e prekura nga fatkeqësi. Me njohuritë profesionale dhe zemrën plot dashuri, ata i ndihmojnë banorët e prekur nga fatkeqësia të kalojnë vështirësitë e të rindërtojnë besimin për jetën. Jemi të bindur se dashuria e sinqertë mund të zhdukë të gjitha fatkeqësitë dhe të heqë të gjitha dhëmbjet. Në fund të programit, le ta dëgjojmë këngën "Dashuria rreth ty" të kënduar nga këngëtari Junchen. (Çang Çuo)