Të dashur dëgjues, jam Shy Guan. Kohët e fundit, në qytezën Wenchuan të provincës Sichuan të Kinës jugperëndimore, ra një tërmet i madh me fuqi 8 ballë. Kjo katastrofë natyrore ka shkaktuar dhjetëra mijë jetë njerëzore dhe shtëpi të humbura, na ka sjellë dhimbje të paharrueshme dhe lot të panumërt. Por, pas ndodhjes së kësaj katastrofe, shumë miq nga bota na kanë dhënë shumë ndihmë materiale dhe shpirtërore. Në programin e sotëm të posaçëm, do t'ju flasim për letrat e ngushëllimit dhe përshëndetjen nga miqtë shqiptarë.

Më 13 maj, dita e dytë pas rënies së këtij tërmeti, miku ynë Dugagjin Mullahasani na ka dërguar një letër ngushëllimi, e cila është një përkrahje e fortë për ne.

Letra nga Dugi

Ju përshëndes

Këtë mesazh po e shkruaj që së pari të shpreh ngushëllimet e mia për të gjitha ngjarjet që ndodhën këto ditë në Kinë! Kjo tragjedi më theu thellë në shpirt, ashtu si me pas ndodhur në shtëpinë time! Jam i tronditur dhe me keqardhje e prita këtë lajm të keq nga TV-ja. Shpresoj të përfundoj mirë në të ardhmen çdo gjë. Ju dëshiroj fat dhe suksese në të ardhmen.

Me keqardhje shumë për Kinën

nga DUGI !

Pasi lexuam letrën nga Dugi, ndiem një mbështjetje të fortë. Më vonë, na vjen letra e dytë e ngushëllimit nga kryetari i klubit të dëgjuesve tanë, Daut Kryemadhi. Në letër, ai na dha shumë informacione botërore për këtë ngjarje të rëndë.

Të dashur miq!

Tërmeti shkatërrues, 8 ballësh, në Kinën Jugperëndimore i shkaktoi vendit tuaj dëme të pallogaritshme në jetë njerëzish dhe materiale.

Ngushëllimet më të sinqerta për të gjitha familjet që kanë humbur njerëzit e tyre më të dashur.

Kam dëgjuar me vëmendje informacionet nga e gjithë bota për këtë ngjarje të rëndë. Nga njëra anë bashkohem me keqardhjen që shprehin udhëheqësit e vendeve të ndryshme dhe nga ana tjetër ndihem krenar kur dëgjoj se të gjithë vlerësojnë lart aftësitë e popullit e të udhëheqjes së Kinës, potencën e gjithanshme të shtetit kinez, për të përballuar me sukses dhe eleminimin sa më shpejt të pasojave të kësaj fatkeqësie të madhe.

Në emër të të gjithë anëtarëve të Klubit "Miqësia"

Daut KRYEMADHI

Nga leximi i letrës së Kryemadhit, morëm një mesazh të rëndësishëm, që jemi në të njëjtën familje botërore. Në këtë botë ka shumë miq që janë së bashku me ne.

Letra e 3-të e zgjedhur është nga miku ynë Petrit Mavriqi. Fjalët e tij ngushëlluese janë shumë të sinqerta. Ai dëshiron që të lehtësojë dhimbjen tonë nëpër kësaj letre.

Të nderuar

Ju përshëndes miqtë e mi nga Kina, si jeni? si e kaloni ?

Ju shpreh ngushllimet e mia për të gjithë të vdekurit nga tërmeti ne Kinë, pranoni ngushëllimet e mia më të thella, edhe unë jam me të njëjtin pikëllim si i gjithë populli kinez për të vdekurit nga tërmeti, njëherazi ju dëshiroj shërim të shpejtë të gjithë të lënduarve nga ky tërmet. Ky është "ligj i natyrës", andaj duhet të pajtohemi me të dhe ju uroj që ta kaloni sa më lehtë këtë katastrofë natyrore dhe e lus Zotin që të mos përsëriten askund këto katastrofa. Përshëndetje dhe uroj që herë të tjera t'ju shkruaj vetëm për gëzime.

Përveç këtyre letrave të ngushëllimit, shumë shqiptarë të tjerë i shprehën ngushëllimet e tyre në mënyra të ndryshme. Ditët e fundit, një gazetar shqiptar i televizionit "Klan", Arben Vata, po viziton Kinën. Me këtë rast, i kam marrë atij një intervistë të shkurtër. Ai foli për njoftimet pozitive të mediave shqiptare për këtë tragjedi.

(intervistë e 2 minutave)

Të dashur dëgjues, dhamë programin e posaçëm me ngushëllimet nga miqtë shqiptarë për tërmetin në Kinë. Në mikrofon për ju, Shy Guan. (Shy Guan)