Profesori i Universitetit të Pekinit Pan Shiwen, që ka ardhur para 10 vjetësh në Chongzuo për studimin dhe mbrojtjen e majmunëve kokëbardhë, na tha se në fillim të viteve '90 të shekullit të kaluar, në Chongzuo kishte të paktën 2000 majmunë kokëbardhë. Kurse më pas kjo lloj kafshe u pakësua shumë, deri në vitin l996, kishin mbetur vetëm 90. Profesori Pan tha: "Kur të ndalohen gjuetia e fshehtë dhe të rivendosen rezervatet e rritjes së kafshëve, kjo lloj kafshe do të shtohet. "

Ai i tregoi korrespondentit se jeta e majmunëve është shumë e rregullt, ata hanë dhe lozin në mëngjes dhe mbrëmje në mes të maleve, kurse në drekë bëjnë pushim, natën e kalojnë në shpella. Për të shtuar sasinë e këtyre majmunëve që janë në prag të zhdukjes, më e rëndësishmja është të rivendosen hapësirat ku jetojnë ata.

Për të rivendosur mjedisin e jetesës të majmunëve kokëbardhë, bashkia e qytetit Chongzuo ka bërë një punë të madhe. Z.Wei Xin i drejtorisë turistike të qytetit Chongzuo tha : "Për të mbrojtur mjedisin ekologjik, qeveria e ndihmoi çdo shtëpi të ndërtojë rezervuarin e gazit metan, duke i dhënë 50 % të parave për shtojcë dhe orientim teknik. Tani shumë banorë përdorin gazin metan për dritë dhe për gatim. Në prodhim, ne i orientojmë fshatarët të mbjellin disa kultura ekonomike, në mënyrë që ata të marrin të ardhura ekonomike pa prishur mjedisin ekologjik".

Qysh nga vitet '90 të shekullit të kaluar, bashkia e qytetit Chonzuo ka ndaluar djegien e maleve, hapjen e tokave malore dhe prerjen e drurëve, duke inkurajuar fshatarët të mbjellin kallam, misër, oriz etj. Kështu fshatarët i shtuan të ardhurat dhe jeta e tyre është përmirësuar, duke shmangur rrëmbimin e horizontit të jetesës të majmunëve kokëbardhë dhe gjendja ekologjike është përmirësuar shumë. Krahas rivendosjes së horizontit të jetesës, numri i majmunëve kokëbardhë është shtuar vazhdimisht dhe deri tani ka arritur në më se 700.

Fshatari Zhao tha: "Tani nuk shkojmë në male për të prerë drurë. Duhet të mbrojmë mirë burimet ekologjike dhe t'u krijojmë majmunëve kokëbardhë kushte të mira të jetesës. "

Qysh nga ndërtimi i parkut ekologjik të majmunëve kokëbardhë në vitin 2002, në atë zonë filloi të zhvillohet turizmi ekologjik.

Profesori Pan tha se zhvillimi i turizmit ekologjik do t'u japë fshatarëve vendas raste të reja pune, do të përmirësohet jeta e banorëve dhe më tej do të zgjerohet sfera e mbrojtjes së mjedisit dhe do të shtohet shumëllojshmëria e kafshëve.

"Si shkencëtar, unë e përkrah shumë zhvillimin e turizmit në zonën Chongzuo dhe zonat përreth. Turizmi ekologjik do ta zbukurojë më tej këtë zonë dhe brezi i ardhshëm do të ketë një jetë më të mirë se jona."

Profesori Pan theksoi se në zhvillimin e turizmit ekologjik duhet të ketë një organizim të përshtatshëm, në mënyrë që mjedisi ekologjik të ruhet vazhdimisht.

 Majmunët kokëbardhë janë miq të njeriut. Në Chongzuo të Guanxisë, bashkëjetesa e harmonishme midis fshatarëve vendas dhe majmunëve kokëbardhë ka formuar një tablo të bukur ekologjike.

Në fund të këtij emisioni, përsërisim edhe një herë pyetjet : 1. Përveç provincës Guanxi të Kinës, në botë a ka vende të tjera ku jetojnë majmunë kokëbardhë?

2. Deri tani sa majmunë kokëbardhë jetojnë ende?

Letrat mund t'i dërgoni në adresën: Shijingshanlu jia 6 hao Beijing. China, Redaksia e gjuhës shqipe të Radios së Jashtme të Kinës. Kodi postar: 100040

Adresa e e-mail-it: albanian@chinabroadcast.cn

Përgjigjet e letrave duhet të dërgohen para 6 tetorit 2008, kurse përgjigjet në internet duhet të dërgohen para orës 24 të 6 tetorit 2008.