Dihet nga të gjithë se vinçi, si një lloj mekanizmi modern ndërtimi, mund të çojë betonarmenë në çdo pikë të ndërtimit me anë të krahut të tij, i cili është pjesa e tij thelbësore, dhe sa më i gjatë është krahu i vinçit, aq më larg çohet betonarmeja. Vinçi është mjeti i domosdoshëm për ndërtimin e godinave të larta moderne. Para disa kohësh, Shoqëria Aksionare San-yi, një ndërmarrje e njohur kineze për prodhimin e mekanizmave të ndërtimit, shënoi rekordin botëror të gjatësisë së krahut të vinçit të ndërtimit.

Një ditë vjeshte, koha ishte e mrekullueshme, qielli ishte i kaltër dhe dielli ndriçonte. Në uzinën e Shoqërisë Aksionare San-yi, që gjendet në zonën e zhvillimit ekonomik dhe teknik të qytetit Çangsha të provincës Hunan, të gjithë vizitorët, që qëndronin rreth e për qark, shikonin të mahnitur një vinç me krah 66 metra të gjatë. Ata u mahnitën sepse ky është vinçi me krahun më të gjatë deri tani në botë. Inxhinierja e lartë e kësaj shoqërie, zonja Zhu Hong, tha se zgjatja e krahut të vinçit të ndërtimit është një punë e vështirë, sepse zgjatja e krahut të vinçit sjell shtimin e ngarkesës së tij dhe shtimi sado pak i ngarkesës ndikon në karakteristikat e tij kundër lëkundjes dhe në qëndrueshmërinë e tij. Prandaj në sektorin e prodhimit të vinçave është përhapur thënia se "Krahu i vinçit zgjatet për një metër, vështirësia rritet sikur të ngjitesh në qiell". Pikërisht për këtë arsye, para vitit 1998, detalet përkatëse të vinçave të ndërtimit vendi ynë i importonte gjithmonë nga jashtë.

"Më parë në vendin tonë nuk prodhoheshin krahë vinçash, sepse nuk kishim teknologjinë përkatëse. Por ne duhet të bëjmë përpjekje, sepse vetëm kështu mund të krijojmë produkte të markave të kualitetit të parë."

Në atë kohë, gjatësia më e madhe e krahëve të vinçave të ndërtimit, që vendi ynë importonte, ishte 36 metra. Pas një anlize dhe studimi të hollësishëm, Shoqëria Aksionare San-yi, si një ndërmarrje e prodhimit të pajisjeve të mëdha mekanike në Kinë, vendosi që të eksperimentojë dhe të prodhojë vinça ndërtimi me krahë të gjatë dhe me patentë kineze. Deri tani, vinçi i ndërtimit me krahun më të gjatë, që është përdorur gjerësisht në botë, ka qenë me krah 56 metrash. Me lindjen e vinçit të ndërtimit me krah 66 metra të gjatë, rekordi botëror në këtë drejtim është rritur për 10 metra.

Në fushën e industrisë së mekanizmit inxhinierik, krahu 66 metra i gjatë i vinçit të ndërtimit njihet nga të gjithë si i pari tani në botë. Para pak kohësh, Shqëria Aksionare San-yi mori certifikatën e dërguar nga Drejtoria e Përgjithshme e Guinesit Botëror, ku dëshmohet vërtetësia se vinçi i ndërtimit me krah 66 metra të gjatë është vinçi me krahun më të gjatë tani në botë. Për karakterin e novacionit të vinçit me krah 66 metra të gjatë, foli profesor Shi Laide, kryetari i Këshillit të Ligës Kineze të Mekanizmave Inxhinierikë. 

"Lindja e vinçit me krah 66 metra të gjatë në shoqërinë tonë, që është rekordi botëror, tregon se industria tradicionale kineze e mekanizmave të betonarmesë bëri një hop të madh nga 'prodhimi kinez' në 'krijimin kinez'."

Duke krijuar produkte të reja të teknologjive me patentat e saj, Shoqëria Aksionare San-yi ka rritur shumë fitimet e saj. Në vitin 2006, vëllimi i fitimeve të saj kaloi 4 miliardë e 500 milionë juanë, shifër kjo që u rrit 80 % në krahasim me vitin 2005. Zv-drejtori i përgjithshëm i Shoqërisë Aksionare San-yi, Hë Zhen-lin, thotë se gjatë 13 vjetëve të kësaj ndërmarrjeje, prodhimi i saj është rritur mesatarisht çdo vit 50 % dhe biznesi i saj është shtrirë në shumë vende të botës.

"Zhvillimi i shpejtë i ndërmarrjes sonë vjen nga krijimi i të rejave. Investimet tona të mëdha në kërkimet shkencore kanë sjellë në mënyrë të pashmangshme grumbullimin e kuadrove të nivelit të lartë te ne. Si rezultat, shpejtohet krijimi i të rejave dhe kjo gjë ka sjellë mbrojtjen e të drejtave të pronësisë intelektuale. Të gjitha këto sjellin lindjen e produkteve tona të markave të njohura. Meqë puna jonë ecën në mes të një qarkullimi të mirë, rruga jonë bëhet gjithnjë e më e gjerë."

Në fushën e demonstrimit të vinçit me krah 66 metra të gjatë, ky mekanizëm gjigant binte në sy veçanërisht nën rrezet e ndritura të diellit. Ai do të ekspozohet në 9 qytete të mëdha të Kinës, si Guangzhou, Nankin, Shangai, Hanzhou, Pekin etj dhe pastaj do të dalë jashtë vendit për të marrë pjesë në ekspozita në SHBA, Gjermani, Spanjë, Emiratet e Bashkuara Arabe dhe vende të tjera, duke i treguar botës bukurinë e tij.

Inxhinierja e lartë e Shoqërisë Aksionare San-yi, Zonja Zhu Hong thotë se prodhimi me sukses i vinçit me krah 66 metra të gjatë është një nismë e re për të dhe për shoqërinë e tyre. Ajo merr pjesë çdo vit në 2 ose 3 objekte të kërkimeve shkencore. Krijimi i pandërprerë i të rejave është bërë një besim i tyre i përbashkët. (Zheng)