Në programin e kaluar ju fola për guzhengun, një nga velgat muzikore të lashta kineze me tela, i cili lëshon tingujt "zheng zheng", prandaj iu vu emri zheng. Kjo vegël muzikore ka timbër elegant dhe të bukur dhe ka forcë të pasur shprehëse. Melodia që ndoqët titullohet "Bambuja Xiangfei", interpretuar në guzheng nga Yuan Sha. Kjo melodi lirike dhe e bukur përshkruan peizazhin e vjeshtës në brigjet e liqenit Dongting pas shiut dhe bambutë e mbuluara me vesë, duke u kënduar virtyteve fisnike të bambusë.

Gjatë studimit në Konservatorin Qendror të Kinës, Yuan Sha tregoi talentin e shquar muzikor dhe arriti rezultate të shkëlqyeshme. Pas diplomimit si aspirante në vitin 2001, Yuan Sha arriti suksese të mëdha, si p.sh. ajo zuri vendin e parë në konkursin e parë ndërkombëtar të veglës muzikore popullore guzheng dhe në konkursin e veglave muzikore popullore kineze, duke vendosur pozitën e saj në interpretimin e guzhengut. Para konkurseve ajo bënte ushtrime në guzheng çdo ditë 12 orë, si rezultat ajo kuptonte shumë mirë dhe prekej thellë nga përmbajtjet e veprës muzikore. Ajo tha se veprat muzikore i interpreton me zemër e ndjenja, interpretimi pa ndjenja është mjeshtëri e jo muzikë. Më poshtë do të shijojmë së bashku melodinë me titull " Yunshangsu", me të cilën Yuan Sha mori pjesë në konkurs.

Kjo melodi melankolike përshkruan dashurinë tragjike midis perandorit Tang Xuazong dhe konkubinës së tij Yang Guifei.

Si një instrumentiste e re e njohur, Yuan Sha aktivizohet në skenat brenda e jashtë vendit. Ajo organizoi koncertin recital të interpretimit në guzheng dhe ka shkuar për vizitë e shfaqje në mbi 30 vende e rajone të botës, si në Gjermani, Angli, Zvicër, Japoni etj. Mediat e huaja e vlerësuan kështu interpretimin e saj: "Meloditë e interpretuara prej saj janë jashtzakonisht të mrekullueshme, të cilat kanë bërë që njerëzit të ndjejnë bukurinë e madhe të muzikës së lëshuar nga veglat muzikore të lashta kineze."

Në të njëjtën kohë, si një pedagoge Yuan Sha ka grumbulluar përvoja të pasura në praktikën e interpretimit dhe mësimdhënies, ka përgatitur shumë instrumentistë të guzhengut, shumë prej tyre kanë fituar medalje në konkurse të ndryshme në vend. Para disa vjetëve, Yuan Sha hapi shkollën e parë të lartë të guzhengut. Tani dëshira e saj më e madhe është që fëmijët kinezë të jenë në gjendje t'i bien guzhengut dhe do të vijë një ditë që çdo familje kineze të ketë një guzheng, ashtu si shumë të huaj që kanë piano në shtëpi. Për këtë ideal të madh ajo ka besim të plotë.

Të dashur dëgjues, në fund të programit do të shijojmë së bashku melodinë "Urrejtja në Linan", interpretuar nga Yuan Sha. Kjo melodi shpreh urrejtjen e heroit kombëtar Yue Fei të dinastisë Song (vitet 1127 - 1279), i cili punoi e luftoi me besnikëri të madhe për atdheun, por në fund u vra pa realizuar shpresën e vet. (pina)