dëgjoni

Tani po vazhdon puna e shpëtimit në zonat e prekura nga tërmeti në Sichuan të Kinës. Janë zhvilluar thellësisht transferimi i masave popullore të prekura nga tërmeti, puna kundër epidemisë në zonat e prekura nga tërmeti dhe punë të tjera. Në disa zona të prekura nga tërmeti, të mbijetuarit kanë rifilluar gradualisht prodhimin dhe administrata vendore ka rifilluar hartimin e planit për punën e rindërtimit pas tërmetit.

Distrikti Hanwang i qytetit Mianzhu ndahet vetëm nga një mal me distriktin Wenchuan, epiqendra e këtij tërmeti. Pjesa dërrmuese e masave popullore të prekura nga tërmeti në këtë distrikt janë strehuar në Mianzhu dhe Chengdu. Duke folur për gjendjen e shpëtimit, zv/sekretari i komitetit të partisë të këtij distrikti Sy Wenchun që vazhdon punën atje, tha: "Krahas ndryshimit të punës së shpëtimit kundër tërmetit, theksi kryesor i punës në zonave e prekura nga tërmeti është vënë në parandalimin e epidemisë, rindërtimin e zonave të prekura nga tërmeti, strehimin e banorëve të prekur nga tërmeti dhe në punë të tjera pas tërmetit."

Ai tha gjithashtu se punonjësit e parandalimit të epidemisë kanë bërë dezinfektimin në tërë distriktin dhe kanë trajtuar në kohë kufomat e viktimave.

Zv/drejtori i Qendrës së parandalimit dhe të kontrollit të epidemisë të qytetit Mianzhu Zhou Daoxing që drejton në distriktin Hanwang punën e parandalimit të epidemisë tha se përveç punonjësve vendorë të parandalimit të epidemisë, edhe punonjësit e parandalimit të epidemisë të ardhur nga provincat ose qytetet e tjera marrin pjesë aktivisht në punën e parandalimit të epidemisë në Mianzhu.

"Tani të gjithë punonjësit e parandalimit të epidemisë marrin pjesë plotësisht në punën e shpëtimit dhe të parandalimit të epidemisë. Punët konkrete janë zhvilluar në distriktet dhe fshatrat e ndryshme. Puna e dezinfektimit është zhvilluar plotësisht në 53 pika strehimi të banorëve të prekur nga tërmeti të qytetit Mianzhu. Përveç kësaj pune, ne kemi forcuar edukimin shëndetësor të masave popullore të prekura nga tërmeti dhe punën e trajtimit të kufomave të viktimave e të parandalimit të epidemisë për të siguruar që të mos ketë epidemi pas tërmetit."

Siç mësohet, përveç Mianzhusë, edhe në Wenchuan, Qingchuan dhe në zona të tjera të prekura nga tërmeti është zhvilluar gjithashtu kjo punë dezinfektimi, duke evituar ndodhjen e gjendjes epidemike. Sektorët përkatës kanë forcuar edhe kontrollin e higjienës publike në burimet ujore të zonave të prekura nga tërmeti, prodhimin e ushqimeve, ngritjen e pikave të strehimit të masave popullore të prekura nga tërmeti etj.

Duke bërë si duhet punën e parandalimit të epidemisë, në disa zona të prekura nga tërmeti ka filluar vetëprodhimi. Për shkak të mungesës së krahëve të punës në zonat e prekura nga tërmeti, një pjesë e vullnetarëve, oficerëve dhe ushtarëve kanë marrë pjesë aktivisht në korrjen e kulturave bujqësore. Disa ndërmarrje industriale në zonat e prekura nga tërmeti kanë filluar punën e rindërtimit. Uzina e prodhimit të turbogjeneratorëve "Dongfang" që ndodhet në distriktin Hanwang, është një ndërmarrje e madhe shtetërore. Në këtë tërmet ajo pësoi humbje shumë të mëdha. Një përgjegjës i kësaj ndërmarrjeje për punën e shpëtimit tha:

"Ne kemi filluar shumë shpejt punën e rindërtimit pas tërmetit. Kemi filluar të bëjmë të gjitha gjërat. Kohët e fundit ne transportuam në kohë një grup gjeneratorësh me energji nga era në përdoruesit e mbarë vendit."

Duke filluar vetëprodhimin, në shumë shkolla fillore dhe të mesme të zonave të prekura nga tërmeti të krijuara në mënyrë të përkohshme në çadra rifilloi mësimi. Më 21 maj shkolla fillore Xiwang që ndodhet në distriktin Zundao të qytetit Mianzhu, filloi zyrtarisht mësimin. Drejtori i kësaj shkolle tha: "Krijimi i kësaj shkolle u ka sjellë fëmijëve shpresën e rifillimit të mësimeve. Mjedisi brenda shkollës sonë është më i mirë se mjedisi jashtë. Ky mjedis favorizon shumë rritjen e shëndetshme të fëmijëve. Përsa i përket familjes, kjo është një ndihmë e madhe. Kur fëmijët vijnë në shkollë, prindërit e tyre mund të marrin pjesë në punën e rindërtimit."

Me fillimin e vetëprodhimit dhe të rindërtimit të shtëpive të banorë të prekur nga tërmeti, Këshilli i Shtetit i Kinës bëri një mbledhje të posaçme, duke përcaktuar masat për rindërtimin e zonave të prekura nga tërmeti. Sivjet financat qendrore dhanë 70 miliardë juanë për rikrijimin e fondit. (Sihai)