Pas tërmetit të madh më 12 maj në Wenchuan të Sichuanit të Kinës, për të siguruar prodhimin e mallrave të përdorimit të përditshëm të zonave të prekura nga tërmeti dhe furnizimin me materiale të shpëtimit, Ministria e Tregtisë e Kinës vuri në zbatim menjëherë projektin e përballimit të incidentit të papritur për të siguruar me të gjitha forcat furnizimin e tregut në zonat e prekura nga tërmeti. Nëpërmjet të forcimit të transportit të materialeve, furnizimi i tregut në zonat e prekura nga tërmeti dhe çmimi i mallrave po shkon drejt stabilizimit.

Në një konfrencë shtypi të organizuar nga Zyra e Shtypit e Këshillit të Shtetit të Kinës, ministri i Tregtisë i Kinës Chen Dëming tha se pas tërmetit, Ministria e Tregtisë e Kinës vuri në zbatim menjëherë sistemin për përballimin e incidentit të papritur dhe transportoi me të gjitha forcat mallrat e përdorimit të përditshëm dhe materialet e shpëtimit për të siguruar furnizimin e tregut në zonat e prekura nga tërmeti. Ai tha gjithashtu se tani Ministria e Tregtisë e Kinës ka dy prioritete:

"Së pari është sigurimi i furnizimit të pandërprerë të Sichuanit me materiale. Së dyti është rifillimi sa më parë i pikave tregtare. Në Sichuan, Gansu dhe Chongqin kanë rifilluar në përgjithësi pikat tregtare."

Ai tha gjithashtu se tani në disa qytete të mëdha, furnizimi i tregut është i mjaftueshëm. Kanalet e qarkullimit të mallrave janë hapur. Tani puna kryesore është që materialet dhe mallrat më të nevojshme të transportohen në duart e masave popullore të fshatrave të prekura nga tërmeti.

"Sektorët tregtarë duhet të organizojnë forcat e ndryshme të transportojnë mallrat e nevojshme në dorën e banorëve të thjeshtë të zonave të prekura nga tërmeti."

Ministri i Tregtisë Chen Dëming tha se sipas gjendjes së fatkeqësisë, Ministria e Tregtisë i përcaktoi mbi 3100 fshatra të zonave të prekura nga tërmeti si pika kryesore tregtare të rifillimit.

Duke siguruar furnizimin e tregut në zonat e prekura nga tërmeti, Ministria e Tregtisë e Kinës ka marrë përgjegjësinë për punën e pranimit të ndihmës ndërkombëtare. Drejtori i degës ndërkombëtare pranë Ministrisë së Tregtisë të Kinës Zhang Këning tha: "Pas tërmetit Ne morëm fonde të kontributeve nga organizatat ndërkombëtare përkatëse. Këto fonde po përdoren për blerjen e mallrave të nevojshme të zonave të prekura nga tërmeti."

Ai tha gjithashtu se në procesin e rindërtimit, Ministria e Tregtisë do të vazhdojë bashkëpunimin e ngushtë me institucionet ndërkombëtare për ndihmën e zonave të prekura nga tërmeti dhe do të vazhdojë furnizimin me materiale të nevojshme të zonave të prekura nga tërmeti.

Në këtë konferencë shtypi, ky ministër tha gjithashtu se tërmeti që ra në Sichuan, shkaktoi me të vërtetë humbje shumë të mëdha, por ai nuk ndikon në përgjithësi eksportin e Kinës. (Sihai)