dëgjoni

Të hënën e para dy javëve, më 12 maj, në distriktin Wenchuan të provincës Sichuan të Kinës jug-perëndimore ra tërmeti me fuqi 8 ballë, që ka shkaktuar humbje të mëdha në njerëz dhe në materiale.

Të hënë e kaluar, më 19 maj Kina filloi 3 ditë zie kombëtare.

Yin Denghong, kuzhinier nga provinca Sichuan, po punon në Shqipëri në një kompani kineze. Atë ditë, pasi u ngrit në mëngjes, ai nuk përgatiti ushqimin për punonjësit e kompanisë, ashtu si në ditët e zakonshme, sepse ai ka një punë më të rëndësishme.

Në orën 8 e 28 minuta sipas orës së Tiranës, ose orën 14 e 28 minuta sipas orës së Pekinit, Yin-i dhe punonjësit e tjerë të kësaj kompanie, qëndruan përpara televiziorit. Ai së bashku me të gjithë kinezët mbajtën 3 minuta heshtje për bashkatdhetarët e vdekur në tërmetin e Wenchuanit. Pastaj, Yin-i shkoi me nxitim në ambasadën e Kinës në Shqipëri për të marrë pjesë në aktivitetet e zisë, sepse ai ishte shumë i shqetësuar. Mos vallë ai nuk kishte akoma lidhje me familjen e tij në Sichuan?

"Në ditën e rënies së tërmetit, e mora vesh lajmin në internet. Reagimi im i parë ishte t'i telefonoja familjes sime në Sichuan. Në fillim nuk po lidhesha dot dhe e humba mendjen fare atë çast. Pas gjysmë ore telefonata u realizua. Babai dhe nëna më thanë se ndien vetëm pak goditje. Kështu u qetësova."

Anëtarët e familjes ishin të sigurt, po çfarë e shqetësonte Yin-i?

"Në Tiranë ka një restorant kinez. Një kuzhinier i atjeshëm është gjithashtu nga Sichuani. Jemi bashkëfshatarë, prandaj jemi lidhur shpesh në Shqipëri."

Ky bashkëfshtar i Yin-it quhet Zhang Chongcheng, ai vjen nga Mianyang-u, një nga zonat e prekura rëndë nga tërmeti. Ying Denghongu u shqetësua për gjendjen e tanishme të mikut të tij, me të cilin u njoh në Shqipëri.

"Ai u kthye në atdhe një javë para tërmetit. Jam i shqetësuar shumë për të, nuk e di si është ai."

Yin Denghong-u tha se kësaj here nëpërmjet aktivitetit të zisë në ambasadë, ai do të kërkonte edhe lajm për Zhang Chongcheng-un nga kinezë të tjerë në Shqipëri. A u realizua dëshira e Yin -it?

Përpjekjet nuk shkuan kot. Në ambasadë, Yin-i gjeti më në fund numrin e celularit të Zhang Chongcheng-ut dhe u lidh me të në telefon.

"U largova nga Shqipëria më 8 maj dhe mbërrita në Mianyang dy ditë më vonë. Kur ra tërmeti, po vizitoja internetin. Ndjeva lëvizje të fuqishme. Në godinën ku banoj ka një çarje të madhe, por fatmirësisht anëtarët e familje janë të sigurt."

Nëpërmjet aktivitetit të ambasadës, u lidhën përsëri dy miq, që u njohën me njëri-tjetrin në Shqipëri. Ata u gëzuan shumë.

"I falënderoj nga zemra ata që janë shqetësuar për mua. Kur isha në Shqipëri ata janë kujdesur shumë për mua."

Në aktivitetin e zisë në ambasadë, morën pjesë jo vetëm kinezët nga provinca Sichuan, ashtu si Yin Denghong, por edhe shumë kinezë nga provinca të tjera. Ata thanë se përballë katastrofës, kinezët jashtë vendit janë më të bashkuar.

Ye Sanhua, nga provinca Zhejiang merret me tregti të vogël në Shqipëri. Ajo është një nga nismëtarët e dhurimit për zonat e prekura nga tërmeti në Wenchuan.

"Pashë në kanalin CCTV-4 që shumë banorë të prekur nga tërmeti humbën ose prindërit ose fëmijët. Ndiej keqardhje të madhe në zemër. Ky hidhërim mund të ndihet nga ne, që jemi gjithashtu prindër. Qava atëherë. Më vonë, së bashku me një mik kinez, organizuam aktivitet dhurimi."

Me përkrahjen e ambasadës së Kinës në Shqipëri, ky dhurim i nisur nga Ye Sanhua u zhvillua më 18 maj në rrugën e mallrave kineze. Në Shqipëri ka vetëm nja 20 tregtore kineze, por me kontributin e të gjithëve, u grumbulluan dhurime në para me një vlerë prej 150 mijë juanësh.

Babai i Ye Sanhua-së ka vuan nga kanceri dhe ka nevojë për para për mjekim. Megjithatë, Ye-ja dhuroi 2000 dollarë. Ajo tha:

"Rrojmë së bashku me atdheun. Janë lidhur zemrat midis neve dhe banorëve të prekur nga tërmeti. Ky dhurim përfaqëson zemrën time."

Në aktivitetin e dhurimit në rrugën e mallrave kineze morën pjesë jo vetëm kinezë dhe emigrantë kinezë në Shqipëri. Veprimet e tyre dashamirëse prekën edhe shqiptarët. Gazetari i Agjencisë Hsinhua në Tiranë, Yang Ke kujton:

"Një shoqe shqiptare kaloi nga vendi i dhurimit. Ajo nuk i kuptoi hieroglifet në parullë dhe pyeti njerëzit pranë. Kur e mori vesh, ajo u kthye enkas në terrenin dhe dhuroi para."

Yang Ke mendoi se janë shumë të shtrenjta ndihmat nga shqiptarët dhe Shqipëria, në gjendje jo të mirë ekonomike. Ai tha se shqiptarët nuk harrojnë ndihmat nga Kina në shekullin e kaluar. Në tërmet, janë afruar më tej zemrat e dy popujve, kinez dhe shqiptar.

Në aktivitetin e zisë të zhvilluar nga 19 deri më 21 maj në ambasadë, morën pjesë pothuaj se të gjithë kinezët në Shqipëri. Krahas tyre, ishin të pranishëm edhe personalitete të qarqeve të ndryshme shqiptare. Ambasadori i Kinës në Shqipëri Wang Junling tha:

"Erdhën për të bërë homazhe kryeministri Sali Berisha, kryetarja e Parlamentit ? etj."

Përveç politikanëve, ambasadorit Wang i la përshtypje të thella edhe një i ri.

"Ai ishte një shqiptar i thjeshtë. Përveç shprehjes së hidhërimit, dhuroi edhe 300 dollarë."

Ambasadori Wang mendon se kjo mishëron miqësinë tradicionale midis dy popujve.

Mbaruan 3 ditët e zisë, por transmetimi i zemërmirësisë nuk ndalohet. Dëgjuesit tanë Jetmir Laloshi dhe Rozeta Shehaj na telefonuan posaçërisht, duke shprehur hidhërimin e tyre për viktimat e tërmetit.

Përpara katastrofës, shihet bashkimi i kinezëve në Shqipëri, shihet trashëgimi i miqësisë midis popullit shqiptar dhe popullit kinez, shihet edhe afrimi i zemrave midis kinezëve me njëri-tjetrin dhe midis tyre e shqiptarëve. (Zhang Zhuo/ Wang Lei)