Qysh nga kënga kryesore e Lojërave Olimpike të organizuar në vitin 1988 në Seul " Hand in Hand", të gjithë këngët kryesore të Lojërave Olimpike janë përhapur gjerësisht. Një këngë e bukur e Lojërave Olimpike është pjella e lidhjes së përsosur të sportit me artin, ajo ka jo vetëm melodi të bukur, por edhe një forcë të vecantë tërheqëse që mund të përhapet për një kohë të gjatë dhe në sferë shumë të gjerë.

Qysh nga viti 2003, Komiteti Organizativ i Lojërave Olimpike të Pekinit filloi të organizonte " Aktivitete të zgjedhjeve të këngëve të Lojërave Olimpike të Pekinit " dhe deri tani janë organizuar 4 edicione. Drejtori i drejtorisë së aktiviteteve kulturore të Komitetit Organizativ të Lojërave Olimpike të Pekinit Zhao Dongmin tha : " Qysh nga viti 2003 deri tani, ne kemi organizuar 4 edicione aktivitetesh të zgjedhjeve të këngëve të Lojërave Olimpike, në cdo edicion kemi zgjedhur këngë të bukura. Në edicionin e 4-të, kemi sasinë më të madhe të këngëve dhe muzika po bëhet gjithnjë e më me karakter ndërkombëtar."

Gjatë 4 edicioneve të aktiviteteve për zgjedhjet e këngëve Olimpike kanë dalë një numër këngësh të shquara si " Një botë dhe një endërr" etj.

Edicioni i 4-të i aktiviteteve për zgjedhjet e këngëve Olimpike të Pekinit filloi nga 21 janari deri më 10 mars të këtij viti, ku janë regjistruar 3151 vepra muzikore dhe 64000 tekste këngësh, autorët janë amatorë të thjeshtë muzikorë dhe muzikantë profesionistë brënda e jashtë vendit. Pas vlerësimeve të njëpasnjëshme të jurisë, u zgjodhën gjithësej 30 këngë të shquara. ....

Kënga që po dëgjoni titullohet " Ne jemi gati", që është një nga 30 këngët e shquara. Janë zgjedhur edhe 10 këngë të shquara për Lojërat Paraolimpike. Kënga " Të ndezim entusiazmin dhe të transmetojmë endërrën" është zgjedhur si këngë për stafetën e pishtarit të Lojërave Olimpike të Pekinit.

Gjatë aktiviteteve për zgjedhjet e këngëve të Lojërave Olimpike që zgjatën 5 vjetë janë zgjedhur një numër veprash të shquara dhe shumë të mirëpritura, këto do të jenë edhe trashëgimi kulturore të krijuara nga Lojërat Olimpike të Pekinit për Olimpiadën. Krahas afrimit të ditës së zhvillimit të Lojërave Olimpike të vitit 2008, këto këngë të zgjedhura do të përhapen gjithnjë e më shumë dhe do të dalë ndër to edhe kënga tematike e Lojërave Olimpike. Pra Lojërat Olimpike 2008 të Pekinit janë mbartëse jo vetëm të ëndrrave të cdo kinezi, por edhe të ëndrrave të të gjithë njerëzve paqedashës dhe sportdashës të mbarë botës. ( Zhai)(Klajd)