Jiang Ming është një punonjëse policie e Drejtorisë së Sigurimit Publik të qytetit Pengzhou të provincës Sichuan. Gjyshja nga nëna, gjyshja nga babai, nëna, vajza 2-vjeçare dhe të afërm të tjerë të saj, gjithsej 10 persona, vdiqën gjatë tërmetit. Pavarësisht nga pikëllimi i madh, ajo ka qëndruar prapëseprapë në vendin e saj në frontin e parë të punëve shpëtuese përballë tërmetit.

Në orën 12 të 12 majit, Jiang Ming-u foli në telefon me vajzën e saj 2-vjeçare. Pas dy orësh, në 14,28, Jiang Ming-u u nda përgjithmonë nga e bija. Jiang Ming-u tha me sy të kuq nga lotët: "Pasi pësova të gjitha gjërat, pasi të gjithë njerëzit pësuan këtë katastrofë, mund të ndiej një dashuri më të thellë. Do të bëhem më e fortë. Megjithëse kam humbur vatrën, jam këtu, dhe jemi këtu."