dëgjoni

Më 12 maj ra tërmeti i madh në qytezën Wenchuan të provincës Sichuan, si pasojë e të cilit kanë vdekur 32 mijë veta në provincat Sichuan, Gansu, Shangxi dhe provinca të tjera, e njëkohësisht, janë plagosur më shumë se 220 mijë veta. Për të shprehur hidhërimin e thellë të popullit të kombësive të ndryshme të Kinës, qeveria kineze vendosi që nga 19 deri më 21 maj të jenë ditë zie kombëtare. Gjatë kësaj periudhe do të ndalojë stafeta e pishtarit olimpik në Kinë. Në mbarë vendin dhe në institucionet e ndryshme jashtë vendit do të ulet në gjysmështizë flamuri kombëtar, duke ndaluar aktivitetet argëtuese.

Në orën 4 e 58 minuta të mëngjesit të 19 majit, në sheshin "Tian An Men", nën tingujt e himnit kombëtar, flamuri kombëtar i Kinës u ngrit ngadalë, u qëndrua në majën e shtizës, pastaj u ul në gjysmështizë. Ngritja e flamurit në gjysmështizë bëhet për të shprehur hidhërimin e qeverisë kineze për viktimat e tërmetit të provincës Sichuan. Njëkohësisht, kjo është hera e parë e uljes në gjysmështizë të flamurit kombëtar kinez për banorët e thjeshtë.

Më 19 maj, herët në mëngjes, mijëra banorë qëndruan më këmbë në sheshin "Tian An Men" duke nderuar flamurin kombëtar kinez me sy. Pas ceremonisë, gazetari intervistoi një baba dhe vajzën e tij. Babai quhet Tian Guanghui, ndërsa e bija Tian Sanshan.

"Ndër viktimat, ka shumë fëmijë bashkëmoshatarë me mua, ata janë kallur në dhe. Jam shumë e trishtuar???"

"Jam shumë i pikëlluar, megjithatë, më duket se para fatkeqësisë, vendi ynë tregoi bashkim e unitet të paparë."

Përveç banorëve lokalë të Pekinit, edhe shumë banorë të provincave të tjera që studiojnë e punojnë në Pekin erdhën në sheshin "Tian An Men" në mënyrë të vetvetishme për të marrë pjesë në ceremoninë e ngritjes së flamurit. Luo Wen Qing-u është një prej tyre, nga qyteti Shenzhen. Në orën 4 të mëngjesit, ajo erdhi në shesh. Luo Wen Qing-u tha se është e bindur se me ndihmën e të gjithë popullit kinez, banorët e zonës së prekur nga tërmeti patjetër do të rindërtojnë shtëpitë e tyre!

"Tërmeti ka ndodhur, fatkeqësinë nuk mund ta ndryshojmë, por shumë njerëz, duke na përfshirë edhe ne, i mbështetim ata, i ndihmojmë ata. Populli i provincës Sichuan duhet të jetë i patundur dhe të bëjë përpjekje për të rindërtuar shtëpitë!"

Studenti amerikan që mëson në Kinë Joe Bircher gjithashtu mori pjesë në këtë ceremoni, ai tha:

"Është shumë i trishtuar, kaq shumë njerëz kanë vdekur, ne nuk mund ta pengojmë rënien e tërmetit. Kina ka vepruar shumë mirë dhe ka bërë të gjitha përpjekjet."

Sot në mëngjes, Ministria e Punëve të Jashtme e Kinës dhe ambasadat kineze në vende të tjera gjithashtu ulën në gjysmështizë flamurin kombëtar. Më shumë se 60 ambasadorë të huaj shkuan në Ministrinë e Punëve të Jashtme të Kinës për të bërë homazhe. Gazetarja e Radios së Jashtme të Kinës Liu Yi Yao njoftoi se:

"Ambasadori i Bregut të Fildishtë është ambasadori i parë që erdhi në Ministrinë e Punëve të Jashtme të Kinës për të bërë homazhe. Ai tha se Kina dhe Bregu i Fildishtë kanë mbajtur marrëdhënie shumë të ngushta, në emrin e popullit të Bregut të Fildishtë, ai i shprehu popullit kinez hidhërimin. Ambasadori amerikan në Kinë Klark Randt tha se pala amerikane do të shtojë ndihmën ndaj Kinës. Ambasadori japonez në Kinë Yuli Miyamoto u shpreh nga ana e tij se qeveria japoneze do të bëjë përpjekje me qeverinë kineze për të rindërtuar shtëpitë e popullit kinez." (Yuan Xin)