Të dashur dëgjues, unë jam Pina, po takohemi përsëri në programin e sotëm të melodive popullore. Në këtë program do t'ju flas për instrumentisten e re e njohur kineze të veglës muzikore kineze guzheng, Yuan Sha dhe do t'ju ftoj të shijoni një grup melodish të interpretuara prej saj.

Guzheng-u është një nga veglat muzikore të lashta kineze me tela, ai lëshon tingujt "zheng, zheng", prandaj iu vu emri zheng. Timbri i tij është elegant, luksoz dhe ka forcë të pasur shprehëse.

Të dashur dëgjues, melodia që ndoqët, titullohet "Melodia e natës pranë dritares", interpretuar nga Yuan Sha. Kjo është një melodi tradicionale e elegante, me ritme të ngadalshme, që përshkruan një gjendje shpirtërore të qetë dhe të rehatshme. Nëpërmjet ndryshimit të ritmeve e timbrit melodia shpreh me qartësi zhurmën e shiut, pushimin e shiut dhe pikimin e ujit të strehës në gjethet e bananeve.

Yuan Sha 31 vjeçare është nga distrikti Tiantai i provincës Zhejiang. Që kur ishte e vogël tregoi talentin muzikor. Kur ishte 4 vjeçe ajo ishte në gjendje të binte në piano elektronike të vogël melodinë që e kishte dëgjuar. Kur ishte 5 vjeçe, duke parë në operë një gjyshe që lypte derë më derë, ajo qante me të madhe. I ati mendoi se vajza e tij kishte ndjenjë të pasur dhe mund të mosonte muzikën, kështu ai vuri përpara vajzës së vogël një guzheng. Qysh nga ajo kohë, Yuan Sha 6 vjeçare filloi të mësonte interpretimin e guzhengut. Nën kujdesin e madh të profesorëve ajo u pranua pas 4 vjetëve në shkollën fillore pranë Konservatorit Qendror të Kinës.

Të dashur dëgjues, melodia që ndoqët titullohet "Liu Qingniang", interpretuar nga Yuan Sha. Kjo melodi është e përhapur gjerësisht në Chaozhou të provincës Guangdong. Kjo melodi është melakolike, ka shije të veçantë dhe është e vështirë për të luajtur. Yuan Sha me mjeshtëri të madhe shpreh në mënyrë korrekte shijen dhe stilin e saj.

Gjatë 10 vjetëve të studimit në shkollë, Yuan Sha studioi vetëm interpretimin e guzhengut nga profesoresha Li Meng. Si nxënëse më e shkëlqyeshme Yuan Sha u pranua në Konservatorin Qendror si aspirante për mastër. Gjatë studimit ajo mori bursë vite me radhë të konservatorit. Në vitin 2001 ajo u diplomua dhe filloi të punojë deri tani si pedagoge në këtë konservator.

Të dashur dëgjues, në fund të programit të sotëm ju ftoj të shijoni melodinë "Lulet dhe hëna mbi lumë pranveror", interpretuar nga Yuan Sha. Kjo ka qenë një melodi e interpretuar me veglën muzikore kineze pipa, e cila me melodi të bukur dhe të shtruar përshkruan peizazhin tërheqës të fshatrave në jug ët lumit Jance, si një pikturë peizazhi e pastër, e freskët e mahnitëse.

Ju flet Radio e Jashtme e Kinës! Të dashur dëgjues, ju fola për instrumenten e re Yuan Sha të veglës muzikore kineze guzheng dhe ndoqët një grup melodish të intepretuara prej saj. Mirudëgjofshim të shtunën tjetër. Në mikrofon për ju( Pina).