Më 19 maj në orën 14 e 28 minuta, liderët kinezë Hu Jintao, Jiang Zemin, Wu Bangguo, Wen Jiabao, Jia Qinglin, Li Changchun, Xi Jinping, Li Keqing, He Guoqiang, Zhou Yongkang etj., së bashku me popullin e mbarë vendit të kombësive të ndryshme mbajtën zi për viktimat në tërmetin e Wenchuanit të provincës Sichuan.

Më 19 maj në mëngjes herët, në sheshin Tiananmen të Pekinit, pas ceremonisë së zakonshme të ngrijtes, u ul në gjysëmshtizë flamuri kombëtar, për të shprehur hidhërimin e thellë të banorëve të kombësive të ndryshme të Kinës për viktimat në tërmetin e madh. 

Më 19 maj paradite, titullarët diplomatikë të 80 vendeve të akredituar në Kinë si dhe përfaqësues të organizatave ndërkombëtare shkuan me radhë në Ministrinë e Punëve të Jashtme të Kinës për t'u bërë homazhe viktimave të tërmetit.

Deri më 19 maj në orën 12, tërmeti me fuqi 8 ballëshe në Wenchuan të provincës Sichuan ka shkaktuar 34 mijë e 73 viktima në krahinat Sichuan, Gansu, Shanxi, Chongqi, Yunnan, Hubei, Henan, Hunan etj., ndërsa numri i të plagosurve kaloi 240 mijë.

Këshilli i Shtetit i Kinës vendosi që nga 19 deri më 21 maj të jenë ditë zie kombëtare. Gjatë kësaj periudhe, do të ndërpritet përkohësisht stafeta e pishtarit olimpik në Kinë. Në mbarën vendin dhe në institucionet kineze jashtë vendit do të ulin në gjysmështizë flamurin kombëtar në shenjë zie. Do të ndalohen të gjitha akvititete dëfryese publike. (Wang Lei)