dëgjoni

Pas rënies së tërmetit të fortë më 12 maj në provincën Sichuan të Kinës jugperëndimore, në distriktin Wenchuan, që ndodhet në epiqendër, u ndërprenë furnizimi i energjisë dhe i telekomunikacionit dhe 100 mijë banorë vendasë humbën ndërlidhjet me botën e jashtëme. Njëkohësisht, rrëshqitjet e shtresave malore, të shkaktuara nga tërmeti, ndërprenë edhe rrugët automobilistike drejt Wenchuanit. Krahas këtyre, moti i keq dhe pas-lëkundjet e pandërprera kanë penguar hyrjen brenda Wenchuanit të ekipeve shpëtuese. Nën këto rrethanë, qeveria kineze i kërkoi ushtrisë të hyjë në Wenchuan sa më shpejtë pa kursyer shpenzimet.

Rrugët automobilistike drejt Wenchuanit nuk janë rihapur akoma, por mijëra ushtarakë e policë të armatosur kinezë kanë hyrë në Wenchuan nga ajri ose linja ujore dhe madje më këmbë, për të zhvilluar sa më shpejt punët e shpëtimit.

Më 13 maj vonë gjatë natës, një repart i policëve të armasotur hyri në Wenchuan pas marshimit më këmbë 90 km gjatë për më shumë se 20 orë. Shefi i këtij reparti u shpreh se në Wenchuan ka fatkeqësi të rëndë.

"Nga gjendja e tanishme që njohim, 1/3 e shtëpive në qendër të distriktit u shembën dhe shtëpi të tjera u dëmtuan rëndë dhe nuk mund të banojnë më. Fshatrat malore përreth u bënë në përgjithësi në shesh. Për shkak të komunikacionit, nuk mund të nxirret tanipërtani një statistikë për numrin e të humburve dhe të plagosurve."

Që nga 13 maj në mbrëmje, kur i pari repart hyri në shi në qytezën Yingxiu të distriktit Wenchuan, gjithnjë e më shumë reparte të shpëtimit hynë në distriktin Wenchuan.

Më 14 maj, trupat ushtarake hodhën nga helikopterët në Wenchuan aparate të telekomunikacionit me anë të satelitit, ilaçe, jorgane pambuku dhe materiale të tjera. Disa helikopterë ushtarakë me materiale dhe persona zbritën edhe në qendër të Wenchuanit dhe çuan për mjekim dhjetra të plagosur në qytetin Chengdu, kryeqendër të provincës Sichuan.

Një degë ushtarakësh të ndërlidhjes mbërriti me helikopterë në qendër të Wenchuanit dhe krijoi atje qendrën e ndërlidhjes. Kështu është përmirësuar gjendja e ndërlidhjes në këtë zonë. Trupat ushtarake do të hedhin nga helikopterët edhe celularë dhe do të krijojnë atje një stacion të vogël të transmetimit.

Një grup mjekësor prej 30 vetash ka hyrë në qendër të Wenchuanit dhe filloi punët e shpëtimit.

Po më 14 maj pasdite, kryeministri i Kinës Wen Jiabao arriti në Wenchuan me helikopter dhe inspektoi gjendjen e fatkeqësisë. Ai u tha banorëve vendas se repartet ushtarake do të shpejtojnë dhe mjekojnë të plagosurit sa më shpejt dhe me të gjitha përpjekjet.

"Qeveria qendrore nuk harron këtë vend dhe do të përpiqet pa tjetër të shpëtojë banorët e plagosur. Pa rrugë automobilistike, do t'i shpiem të plagosurit me helikopterë për mjekim. Tani po përpiqemi për dërgimin e helikopterëve, që sa më shumë të plagosur të mjekohen."

Njoftimet nga Wenchuan thuhet se ka nevojë urgjente për aparate të operacionit, plazmë, ilaçe, ushqime, uji të pishëm, jorgane, çadra etj., por për shkak të prishjes së rrugës automobilistike, materialet e ndihmës nuk mund të hyjnë brenda në kontingjent dhe tani transportohen kryesisht me hedhjen nga helikopteri. Ministri i Komunikacionit(Transporteve) i Kinës Feng Zhengseng tha se po përpiqet me të gjitha forcat për rihapjen e rrugëve drejt Wenchuanit.

Tani numri i ushtarakëve e policëve të armatosur në punët e shpëtimit arriti në 100 mijë veta. Trupat e shpëtimit kanë hyrë në të gjitha zonat e prekura rëndë nga tërmeti. Deri më 14 maj, numri i përgjithshëm i të plagosurve të shpëtuar ishte afro 65 mijë. (Wang Lei)