Agjencia kineze e lajmeve Hsinhua njoftoi se më 14 maj, kryeministri kinez Wen Jiabao arriti në disa zona me gjendjen më të rëndë të fatkeqësisë së tërmetit si në distriktin Beichuan, në distriktin Wenchuan etj. për të drejtuar punën e shpëtimit. Ai u shpreh se tani 100 mijë njerëz po marrin pjesë në punën e shpëtimit nga fatkeqësia në Sichuan.

Sipas statistikave, deri në orën 16 të 15 majit, numri i të vdekurve gjatë tërmetit të Wenchuanit arriti në mbi 19500.

Më 14 maj, komiteti i përhershëm i Byrosë Politike të Komitetit Qendror të Partisë Komuniste të Kinës zhvilloi përsëri mbledhje për të diskutuar dhe për të përcaktuar më tej punën e shpëtimit nga fatkeqësia. Këtë mbledhje e drejtoi sekretari i përgjithshëm i Komitetit Qendror të Partisë Komuniste të Kinës Hu Jintao.

Në mbledhje u vu në dukje se puna e shpëtimit nga fatkeqësia e tërmetit përballet me shumë vështirësi dhe sfida, krahinat e ndryshme duhet ta konsiderojnë punën e shpëtimit si detyra më e rëndësishme dhe duhet të bëjnë përpjekjet më të mëdha për të shpëtuar masat popullore të prekura nga tërmeti.

Komiteti Qendror i Partisë Komuniste të Kinës i bëri thirrje edhe popullit të mbarë vendit të bashkohet dhe të ndërmarrë veprime konkrete për të dhënë kontribut në punën e shpëtimit nga fatkeqësia. (Fani)