dëgjoni

Para 11 vjetëve u krijua nga Lu Dongzhi në Pekin muzeu i qytetërimit të poçerisë së lashtë, si një nga muzetë e parë privatë në pjesën kontinentale të Kinës, Lu Dongzhi dhe muzeu i tij tërhoqën vëmendjen e gjerë shoqërore.

Muzeu i qytetërimit të poçerisë së lashtë gjendet në një rrugë të ngushtë në jug të qytetit Pekin. Në krahasim me një park afër tij, ky muze është pak i qetë dhe ka rrallë vizitues. Megjithatë, Lu Dongzhi u shpreh se ai do të ngulë këmbë në këtë çështje:

"Këmbëngulja është e domosdoshme për një çështje, veçanërisht për këtë muze profesionist."

Muzeu i qytetërimit të poçerisë së lashtë i Lu Dongzhit është muzeu privat më profesionist dhe me koleksionin më të pasur në fushën e poçerisë së lashtë në Kinë. Në muze janë vendosur afro 3000 relikte duke përfshirë poçe me ngjyra të periudhës së neolitit para 4000 e 5000 vjetëve, poçe të dinastisë Tang në shekullin e 10-të etj. Këto relikte përfaqësojnë pothuajse tërë historinë e qytetërimit të poçerisë së lashtë të Kinës.

Në vitin 1997, në Kinë u krijuan 4 muze privatë, muzeu i Lu Dongzhvit ishte një prej tyre. Specialistët në qarqet e relikteve dhe të muzeve u habitën shumë nga koleksioni i pasur i këtij muzeu. Lu Dongzhi kujtoi:

"Në atë vit isha 35 vjeç. Pas vizitës, shumë specialistë u habitën shumë që muzeu im është shumë profesionist. Në fakt, krijimi i një muzeu është një gjë shumë e vështirë, harxhova shumë vjet për të mbledhur këto relikte."

Koleksioni i pasur dhe njohuritë profesioniste të poçerisë të Lu Dongzhit vijnë nga interesi i tij për kulturën tradicionale kineze dhe këmbëngulja. Në fund të viteve '70 të shekullit të kaluar, kur në Kinë rifilloi pranimi i studentëve të rinj në shkollat e larta, Lu Dongzhi nuk mundi të realizojë ëndrrën e tij për të studiuar në universitet për shkak të sëmundjes së zemrës, kjo ishte një goditje e rëndë për të. Lu Dongzhit i pëlqenin arti dhe letërsia qysh në moshë të re, ai vendosi të vetëstudiojë për të realizuar idealin e vet. Ai tha:

"Atë kohë krijova shumë vepra letrare e artistike si poema etj. dhe vizitova shumë artistë dhe letrarë të famshëm duke marrë këto vepra për të kërkuar të mësoja prej tyre."

Gjatë këtij procesi, Lu Dongzhi njohu shumë artistë dhe letrarë të famshëm, nën drejtimin e tyre, shumë vepra letrare të tij fituan çmim. Për shkak të rezultatit në fushën letrare, Lu Dongzhi u pranua në shoqatën e shkrimtarëve të Kinës.

Në vitet '80 të shekullit të kaluar, me fillimin e reformës dhe të hapjes me botën e jashtme në Kinë, ekonomia filloi të zhvillohet dhe kultura filloi të lulëzojë. Pikërisht në atë kohë, Lu Dongzhit i lindi interesi për koleksionimin e relikteve veçanërisht të poçerisë.

Kultura e poçerisë kineze ka një histori të gjatë. Para 8000 vjetëve, në rrjedhën e Lumit të Verdhë në veri të Kinës u dukën poçe me ngjyra. Qysh nga dinastia Tang e shekullit të 10-të, me përparimin e teknologjisë, porcelani zëvendësoi gradualisht poçerinë. Sot koleksionistët i kushtojnë më shumë vëmendje porcelanit, por Lu Dongzhi është i mendimit se poçeria ka vlerë shumë të lartë:

"Kultura e poçerisë është pjesë e rëndësishme e kulturës kineze dhe ka vlerë të lartë."

Më 15 qershor të vitit 1997, u hap muzeu i qytetërimit të poçerisë së lashtë i Lu Dongzhit. Ai tha se krijimi i muzeut të poçerisë nuk ka për qëllim grumbullimin e parave, koleksioni i poçerisë është interesi më i madh në jetën e tij:

"Jam marrë me koleksionin e poçerisë për mbi 20 vjet. Për mua, ky muze ka realizuar idealin tim. Do të bëj përpjekje të përjetshme për ta zhvilluar këtë muze."

Vitin e kaluar, në muzeun e kryeqytetit u zhvillua ekspozita e qytetërimit të poçerisë së lashtë me rastin e 10-vjetorit të krijimit të muzeut të qytetërimit të poçerisë së lashtë. Gjatë mbi 1 muaji, ekspozita priti 100 mijë vizitues, shikuesit dhe specialistët e vlerësuan lart këtë ekspozitë shumë profesioniste. Lu Dongzhi u shpreh se pas Lojërave Olimpike të Pekinit, ai planifikon të zhvillojë ekspozitën e qytetërimit të poçerisë së lashtë jashtë vendit. (Faniu)