dëgjoni

Qyteti Çongçing, si qyteti më i ri kinez i varur drejtpërdrejt nga Qendra, ruajti 7 vjet me radhë tempin e lartë të rritjes së ekonomisë. Tërheqja e njerëzve të talentuar nga krahina të ndryshme ka qenë një faktor i rëndësishëm i zhvillimit ekonomik në këtë qytet të madh, që administron një sipërfaqe prej 82 mijë e 4 qind kilometrash katrore, duke u përfshirë edhe sipërfaqja e qyteteve të tij satelite me gjithë periferinë e tyre, me 32 milionë qytetarë dhe fshatarë.

Njëri prej këtyre kuadrove të talentuar është edhe Çen Shu, kryetari i Akademisë së Shkencave Shoqërore dhe nënkryetar i përhershëm i Qendrës Studimore të Zhvillimit të qytetit Çongçing. Ai punon njëkohësisht edhe si kreyredaktor i revistës "Reforma" që është një revistë për zhvillimin e këtij qyteti. Çen Shu vlerëson lart ndryshimet e këtij qyteti.

"Unë, si një dëshmitar për zhvillimin e qytetit Çongçing, kam parë me sytë e mi ndryshimet e tij. Shprehja 'të reja në çdo muaj dhe çdo ditë' është më e përshtatshme për të treguar këto ndryshmime. Disa njerëz mund të ndiejnë mërzitje kur ndodhen për një kohë të gjatë në të njëjtin vend, por unë e shoh këtë qytet plot me gjëra të reja që më mallëngjejnë gjithmonë."

Më 16 korrik të vitit 1997, pak kohë pas shpalljes së Çongçingut si qyteti i 4-t i varur direkt nga Qendra në Kinë, Çen Shu dhe 38 kuadro të tjerë me titullin e doktorit erdhën për të marrë pjesë në ndërtimin e këtij qyteti si anëtarë të të parit "grupi shërbyes të doktorëve". Ardhja e tyre ishte një nga masat që mori qyteti Çongçing për tërheqjen e kuadrove nga ministritë dhe komisionet e qeverisë kineze dhe njësitë e tjera të organeve shtetërore. Pas një vit pune, Çen Shu vendosi të mbetet këtu, duke thënë se dëshiron të punojë në Çongçing derisa të dalë në pension, sepse këtu ndien gjalërinë e jetës.

Njëri prej kuadrove të talentuar, të ardhur në Çongçing bashkë me Çen Shu, është edhe rektori i Universitetit të Komunikacionit të Çongçingut, Tang Boming, që punoi më parë si profesor dhe udhëheqës i aspirantëve të doktoratës në Universitetin Shtetëror të Teknologjive Nagaoka të Japonisë. Megjithëse atje pati kushte më të mira të jetesës, ai vendosi të kthehet në atdhe, duke shpresuar se teoria e përvetësuar prej tij në Japoni do të luajë rolin e duhur në praktikë dhe arritjet e tij në kërkimet shkencore do të zbatohen në mënyrë të dëshirueshme dhe duke qenë i sigurt se dëshira e tij do të bëhet relitet në ndërtimin e vrullshëm të Kinës.

"Unë kam specialitetin e komunikacionit. Ndërtimi i urave, shtrimi i rrugëve dhe hapja e tuneleve kërkojnë punime praktike. Duke ndenjur ditë për ditë në laborator, mund të zgjidh disa probleme teorike, por zgjidhja e problemeve të dala në praktikën e punimeve kërkon përpjekjet e punonjësve të vijës së parë. Prandaj më lindi atëherë dëshira e madhe për t'u kthyer në atdhe që të punoj në një post të lidhur më ngushtë me punimet e ndërtimit, ku mund të tregoj më mirë epërsinë time profesionale duke dhënë kontributin tim."

Gjatë kohës kur punoi si zv-drejtor i Drejtorisë së rrugëve automobilistike të qytetit Çongçing, Tang Boming zbuloi mjaft probleme teknike që kërkonin studim me ngut dhe drejtoi studimet e mbi 20 temave, duke zgjidhur probleme të shumta të dala në prodhim dhe në administrim. Ndër arritjet e tij, ajo e projektimit të reformuar të rrugëve automobilistike është më e suksesshmja, sepse me këtë metodë projektimi, qeveria kurseu 60 milionë juanë në investime. Më pas, Tang Boming u bë drejtor i Drejtorisë së rrugëve automobilistike dhe fitoi "çmimin kombëtar të arritjeve" për sukseset e punonjësve të studiuar jashtë vendit dhe të kthyer për punë në atdhe.

Sie Sin, zv-drejtori i përhershëm i zyrës së kuadrove pranë Komitetit të Partisë të qytetit Çongçing, thotë se, gjatë më shumë se 10 vjetëve si qytet i varur direkt nga Qendra, Çongçingu ka tërhequr një numër të madh talentesh të shquara.

"Gjatë këtyre viteve, theksi i punës sonë me kuadrot iu vu tërheqjes së talenteve të shquara. I kushtuam vëmendje të veçantë tërheqjes së kuadrove të nivelit të lartë që na nevojiten me ngut dhe që nuk mund të përgatiten për një kohë të shkurtër. Në përgjithësi, ne i marrim këta kuadro nga krahina të tjera dhe nga vende të huaja. Deri tani, nëpërmjet rrugëve të ndryshme, kemi pranuar mbi 800 kuadro të nivelit të lartë, me shkollim të lartë dhe me teknikë të lartë, ndër të cilët 290 veta kanë titullin e doktorit dhe merren me profesione të ngutshme. Kemi nënshkruar edhe një marrëveshje bashkëpunimi me Akademinë e Shkencave të Kinës, në bazë të së cilës instituti i saj i inteligjencës do të vendoset në Parkun e Industrisë së Mikro-elektronikës të Çongçingut."(Zheng)