dëgjoni

Tiancini është një nga 4 qytetet e varura direkt nga qeveria qendrore e Kinës. Ai ndodhet në pjesën veri-lindore të fushës Huabei në Kinën verirore dhe në rrjedhjen e poshtme të lumit Haihe. Qyteti Tiancin ndodhet vetëm 137km larg Pekinit, prandaj quhet edhe porta e kryeqyetit. Në vitin 2008, si qytet bashkërendues i Pekinit, në Tiancin do të organizohen 12 ndeshje futbollistike të Lojërave Olimpike.

Që nga prilli i vitit 2005, Tiancini filloi punët përgatitore. Zv/drejtori i Drejtorisë së Fizkulturës dhe të Sporteve të Tiancinit, z. Xie Delong i tha korrespondentit:

"Pas punëve mbi njëvjeçare, patëm përparime në disa drejtime. Së pari, i përuruan në përgjithësi fushat sportive dhe fushat e stërvitjeve. Komiteti Olimpik Ndërkombëtar ka standarde të larta për fushën e futbollit. Fatmirësisht të gjitha fushat futbollistike olimpike në Tiancin janë të reja, prandaj nga aspekti i projektimit, këto fusha mund të plotësojnë kërkesat e Lojërave Olimpike."

Zoti Xie Delong u shpreh se gjatë ndërtimit të pallateve e stadiumeve, Komiteti Organizativ i Lojërave Olimpike të Pekinit paraqiti edhe disa kërkesa të veçanta, p.sh. si të vendosen tribuna dhe vendet e gazetarëve etj. Njëkohësisht, sipas standardit të Lojërave Olimpike, një stadium duhet të ketë bashkngjitur dhe 4 fusha stërvitjeje. Për këtë, Tiancini rindërtoi edhe disa fusha rreth stadiumit kryesor.

Në qytetin Tiancin, punët e pritjes dhe shërbimeve olimpike kanë një karakteristikë të veçantë, që do të thotë "të transferohen hotele me 5 yje në stadium". Sipas kërkesës së Komitetit Organizativ të Lojërave Olimpike të Pekinit, gjatë zhvillimit të ndeshjeve olimpike, Tiancini do të ftojë disa kompani restorantesh të nivelit të lartë dhe me karakteristika përshtatëse në stadium, që t'u shërbejnë shikuesve dhe mediave. Xie Delong është i mendimit se "transferimi i hoteleve me 5 yje në stadium" mishëron kombinimin e ndërtimit të stadiumit me punët pritëse e shërbimet. Krahas këtyre, në Tiancin janë të gatshme edhe punët pritëse dhe shërbimet jashtë stadiumit, si komunikacionet, akomodimi i shikuesve dhe vizitorëve etj.

"Përgatitjet në shërbime, i kemi zhvilluar paralelisht së bashku me ndërtimin e pallateve e stadiumeve. Tani mungon vetëm funksionimi eksperimental. Sa të vijnë në Tiancin vizitorë të huaj, kërkesat e tyre bazë në ushqim, banim dhe komunikacion mund të plotësohen në përgjithësi." 

Për zhvillimin normal të ndeshjeve, në Tiancin u krijuan në veçantri grupi i stadiumeve dhe grupi i ndeshjeve. I pari përgjigjet kryesisht për mbrojtjen e terrenit, për garantimin e funksionimit të pallateve e stadiumeve në përputhje me kërkesat e veprimtarive olimpike. Ndërsaj grupi tjetër ngarkohet me punët e garantimit të sigurisë, të teknikës dhe të logjistikës, që të sigurojë zhvillimin normal të ndeshjeve. Z. Xie Delong u shpreh se sipas kërkesave të ndeshjeve, një pjesë vullnetare do të hyjnë në grupin e ndeshjeve. Deri tani në Tiancin mbi 40 mijë u pranuan në rreshtjat e vullnetarëve olimpikë dhe 90% prej tyre janë studentë në shkolla të larta.

Xie Delong shprehu shpresën se nëpërmjet organizimit të Lojërave Olimpike 2008, do të formohet në banorët e Tiancinit atmosfera e mirë sportdashëse dhe e pjesëmarrjes aktive në lëvizjet olimpike. Ai është i mendimit se kjo është rëndësia e vërtetë e organizimit nga Tiancini e ndeshjeve olimpike. 

"Do të organizojmë ndeshje olimpike, banorët do të shikojnë ndeshje sportive në terren. Kështu dita ditës, mund të drejtojmë banorët e thjeshtë në kalitije fizike. Parulla jonë është 'Kalitijet fizike masive ecin së bashku me Lojërat Olimpike.' Nëpërmjet organizimit të ndeshjeve olimpike, do t'u krijojmë banorëve të thjeshtë edhe kushte bazë të kalitjes fizike, që të inkurajohet entuziazmi i tyre." (Wang Lei)