Kohët e fundit u zhvillua në qytetin Ulumq, kryeqendra e Rajonit Autonom të Singjian-Ujgurit, ekspozita e 16-të ekonomike dhe tregtare me botën e jashtme e Ulumqit. Si organizatori kryesor i kësaj ekspozite të Singjianit, ekspozita ekonomike dhe tregtare e Ulumqit që organizohet një herë në vit, ka mundur të tërheqë gjithnjë e më shumë biznesmenë kinezë dhe të huaj të marrin pjesë në këtë ekspozitë. Ajo është bërë grudualisht një nga takimet më të rëndësishme ekonomike dhe tregtare ndërkombëtare.

Rajoni Autonom i Singjian-Ujgurit ndodhet në pjesën veriperëndimore të Kinës e në vise të kontinenteve të Azievropës dhe ka qenë kanali i rëndësishëm i "Rrugës së Mëndafshit" të lashtë. Sipërfaqja e gjithë rajonit është mbi 1 milion e 600 mijë kilometra katrorë, gjatësia e vijës kufitare tokësore është 5 mijë e 600 kilometra që lidhet me Rusinë, Kazakistanin, Pakistanin, Indinë etj. Qyteti Ulumq është një dritare e rëndësishme e hapjes me botën e jashtme e Kinës Perëndimore. Duke folur për aktivitetet ekonomiko-tregtare me botën e jashtme, kryetari i bashkisë së këtij qyteti Neyimu Yasen tha: "Pozita gjeografike e Ulumqit është relativisht e rëndësishme. Tregtarë e shumë vendeve të Azisë Qendrore kanë ardhur këtu për të zhvilluar tregti. Sipërmarrësit e shumë qyteteve të zhvilluara të krahinave të brendshme kanë ardhur këtë qytet për të krijuar fabrikat e tyre. Vitin e kaluar, vëllimi i tregtisë i Ulumqit ishte 4 miliardë e 500 milionëdollarë amerikanë, duke u shtuar 15%."

Qysh nga organizimi në vitin 1991 i kësaj ekspozite, ajo është zhvilluar shumë shpejt. Deri në këtë ekspozitë, mbi 10 mijë ndërmarrje të mbi 70 vendeve ose rajoneve të botës morën pjesë në këto ekspozita. Vëllimi i tregtisë së jashtme në kontrata arriti në 19 miliardë e 600 milionë dollarë amerikanë.

Përmasat e ekspozitës së këtij viti ishin më të mëdha se ekspozitat më parë. Sipërfaqja e pavijoneve ekspotuese arriti në 30 mijë metra katrorë. Mbi 1000 biznesmenë të huaj të ardhur nga Rusia, Kazakistani, Singapori, India, Australia, Irani, Koreja e Jugut dhe vendet e tjera morën pjesë në këtë ekspozitë.

Duke folur për përmasat e kësaj ekspozite, nënkryetari i komisionit organizator të ekspozitës së Ulumqit, z. Zhang Yie tha: "Gjatë 15 vjetëve të fundit, ekspozita e Ulumqit është bërë gradualisht takimi madhështor ekonomiko-tregtar ndërkombëtar me përmasat më të mëdha dhe me ndikimin më të gjerë në krahinat veriperëndimore të vendit e në rajonin e Azisë Qendrore dhe është bërë dritare e urë e rëndësishme për të forcuar lidhjet ekonomiko-tregtare midis vendeve të ndryshme të botës, sidomos midis vendeve të Azisë Qendrore, Perëndimore dhe Jugore."

Është shumë i madh entuziazmi i shumë ndërmarrjeve kineze që dëshirojnë të hyjnë në tregun e Azisë Qendrore. Në pavijonet eksportuese të Shoqërisë ne përgjegjësi të kufizuar të prodhimit të makinerive "Jiahao" të Shangait, eksportoheshin disa makineri të mëdha. Një përgjegjës i kësaj shoqërie i njohu gazetarët me gjendjen e këtyre makinerive. Duke folur për qëllimin e pjesëmarrjes së tij në këtë ekspozitë, ky përgjegjës tha: "Kjo ishte hera e 6-të e pjesëmarrjes sime në këtë ekspozitë, duke nënshkruar shumë kontrata me vendet e rajonit të Lindjes së Mesme, duke përfshirë edhe Kazakistanin. Taxhikistanin, Rusinë. Qëllimi i pjesëmarrjes sime është zhvillimi i biznesit me vendet e Azisë Qendrore. Vëllimi i tregtisë ishte 20 milionë juanë."

Përveç pajisjeve të makinerive, produktet e industrisë së lehtë të Kinës ka tërhequr interes shumë të madh të pjesëmarrësve në këtë ekspozitë. Shoqëria me përgjegjësi të kufizuar "Huadong" është një ndërmarrje që prodhon pajisjet e argëtimit jashtë shpëpisë. Drejtorja e Zyrës së kësaj shoqërie në Singjian, zj. Li Xioujuan u tha gazetarëve se përdoruesit e saj janë kryesisht vende të Azisë Qendrore. Për arsye se fëmijët luajnë shpesh në këto pajisje argëtimi, duhet t'i kushtohet rëndësi sigurisë së lëndëve të para dhe të produkteve.

"Meterialet plastike për prodhimin e pajisjeve të argëtimit jashtë shtëpisë janë plastika të padëmshme të mbrojtjes së mjedisit. Lëndët e para të kësaj ndërmarrjeje janë importuar nga jashtë. Cilësia e produkteve tona është e sigurt."

Ekspozita e Ulumqit u ka sjellë ndërmarrjeve kineze dhe të huaja shumë raste shkëmbimi dhe ka krijuar një urë e lidhjeve tregtare në "Rrugën e Mëndafshit" të lashtë. Në këtë ekspozitë 5-ditore, vëllimi i përgjithshëm i kontratave tregtare të nënshkruara nga biznesmenët kineze dhe të huaj arriti në 1 miliard e 980 milionë dollarë amerikanë. Nënkryetari i Rajonit Autonom të Singjian-Ujgurit tha se si një platformë për forcimin e shkëmbimeve dhe bashkëpunimit me vendet fqinje, ekspozita e Ulumqit do të shfaqë gjithnjë e më shumë vitalitet të saj dhe do të luajë një rol të madh për forcimin e lidhjeve dhe kontakteve tregtare midis vendeve të ndryshme të Azisë Qendrore dhe të rajoneve të tjera të botës.

Të dashur dëgjues, ndoqët korrespondencën me titull. " Ekspozita ekonomiko-tregtare e Ulumqit është zhvilluar në mënyrë të vrullshme." (Sihai)