dëgjoni

Guo Tao është një nga aktorët më të famshëm në Kinë. Shumë drama dhe filma me rolin kryesor të interpretuar nga ai ka tërhequr shumë shikues dhe kanë fituar të ardhura të larta.

40-vjeçari Guo Tao është aktor i Teatrit Kombëtar Dramatik të Kinës. Ai u diplomua në vitin 1992 në fakultetin e interpretimit të Institutit Qendror Dramatik të Kinës dhe në vitet '90 të shekullit të kaluar luajti rolin kryesor në shumë drama. Shumë personazhe kryesore të interpretuara nga Guo Tao në dramat e regjisorit të famshëm Meng Jinghui si "Në pritje të Godosë", "Veranda" etj. fituan përshëndetjen e shikuesve, fjalët humoristike dhe karakteri i gjallë i tij u lënë atyre përshtypje të thellë.

Krahas dramave, Guo Tao ka interpretuar edhe shumë personazhe kryesore në film dhe në drama televizive. Por filmi që i solli Guo Taos famë të madhe në mbarë vendin është "Guri i çmendur" i xhiruar në vitin 2006. "Guri i çmendur" është një film komik me shpenzime të ulëta i regjisorit të ri Ning Hao, në këtë film, Guo Tao interpretoi një personazh të thjeshtë komik. Ky film pati sukses të madh. Guo Tao tha:

"Filmi 'Guri i çmendur' ngjalli jehonë të madhe në mbarë vendin. Ky është bërë një shembull në tregun kinez të filmit që një film i një regjisori të ri dhe me shpenzime të ulëta të ketë sukses. Pas kësaj, janë xhiruar shumë filma me shpenzime të ulëta, ndër të cilët shumë me cilësi të lartë."

"Guri i çmendur" është një film modern komik, historia e të cilit zhvillohet rreth një guri të çmuar. Dialogu humoristik dhe fabulat e ndërlikuara kapën fort zemrën e shikuesve. Interpretimi i Guo Taos është shumë i natyrshëm, ai shfaqi plotësisht karakterin e një personazhi të thjeshtë komik. Guo Tao u shpreh se pas interpretimit në filmin "Guri i çmendur", ai zbuloi se është shumë i përshtatshëm për të interpretuar një personazh të tillë.

Pas filmit "Guri i çmendur", Guo Tao interpretoi personazhin kryesor në filmin tjetër komik "Filmi i madh". Ky film përshkruan një çift bashkëshortësh që kanë humbur pasionin që për të grumbulluar para, xhiruan një dokumentar me titull: "Jeta e martesës". Gjatë xhirimit, ata gjetën përsëri dashurinë. Ndodhitë e filmit janë shumë qesharake, por Guo Tao u shpreh se ky është një film plot me urtësi. Ai tha:

"Çdo ditë ka mundësi të ndodhin gjëra absurde, por njeriu i urtë mund t'i trajtojë mirë dhe mund të nxjerrë mësime nga ato."

Kohët e fundit, novela e shkrimtarit të famshëm kinez Jia Pingwa "Gaoxing" u përshtat për film. Novela përshkruan fatin e fshatarit Liu Gaoxing dhe të fshatarëve të tjerë që punojnë në qytet. Krahas vështirësive në jetë, novela përshkruan kryesisht idenë, kërkimet dhe dashurinë e tyre. Jia Pingwa është shumë i kënaqur që Guo Tao do të interpretojë personazhin kryesor Liu Gaoxing dhe është i mendimit se Guo Tao është i aftë të shfaqë karakterin e këtij personazhi. Edhe Guo Tao është shumë i gëzuar që do të ketë rast të luajë këtë personazh. Ai tha:

"Ky është një personazh i ri për mua. Jam i mendimit se një aktor duhet të provojë interpretimin e personazheve të ndryshme." (Fani)