dëgjoni

Aktualisht zjarri i shenjtë i Lojërave Olimpike të Pekinit është në stafetën brenda Kinës, ndërsa para kësaj stafeta globale, nëpërmjet transmetimit dorë më dorë nga afro 2000 pishtarmbajtës, i demonstroi botës mrekullitë e 19 qyteteve të 5 kontinenteve. Do të dëgjoni tani një reportazh nga korrespondentja e posaçme e radios sonë Peng Yanyuan.

Stafeta e pishtarit olimpik ka fuqi të madhe ndikuese dhe nganjëherë është reklama më e mirë për qytetin që kërkon të drejtën e organizimit të Lojërave Olimpike.

"Stambolli është një qytet i bukur dhe gjithashtu qytet që kërkon të drejtën e organizimit të Lojërave Olimpike 2020, prandaj e konsiderojmë këtë ndalesë të stafetës së pishtarit olimpik si një gur themeltar për realizimin e synimit tonë."

Stambolli ishte ndalesa e dytë e stafetës globale të pishtarit të Lojërave Olimpike të Pekinit. Për të shfaqur plotësisht forcën tërheqëse të këtij qytetit, kryetari i komisionit të Stambollit për kërkimin e së drejtës së organizimit të Lojërave Olimpike, z. Yasin Aksoy, u vetëngarkua si bashkërendues i përgjithshëm i stafetës së pishtarit olimpik në Stamboll. Në fakt, historia e kultura magjepsëse e Stambollit, si dhe vendosmëria e banorëve të këtij qyteti që ka paraqitur 4 herë kërkesë për organizimin e Olimpiadës dhe 4 herë ka humbur, i la përshtypje të thellë botës gjatë stafetës së pishtarit olimpik. Ambasadori i Kinës në Turqi Sun Guoxiang tha:

"Turqit thanë se stafeta e pishtarit olimpik u dha një rast për paraqitjen e Turqisë dhe të Stambollit, që të hedhë një bazë të mirë për këtë qytet në konkurrimin për Olimpiadën 2020."

Stafeta e pishtarit olimpik, me forcën e madhe ndikuese, është gjithashtu një makinë e fuqishme farëhedhëse për ato qytete që shpresojnë të zgjerojnë tregun turistik.

Kryeqyteti i Omanit Muskat është i pari qytet që i shkroi Komisionit Organizativ të Lojërave Olimpike të Pekinit për zhvillimin e stafetës së pishtarit olimpik. Omani, ky vend e Gjirit me histori të lashtë, ka monumente të pasura kulturore dhe panorama të bukura natyrore, por nuk është i njohur për botën. Ata aspirojnë që stafeta e pishtarit olimpik do t'i krijojë Omanit mundësi të mirë për "paraqitjen përpara botës". Ambasadori i Kinës në Oman, Pan Weifang, tha:

"Omani ka dëshirë të madhe për tërheqjen e turistëve të huaj. Ata shpresojnë të tregojnë figurën e banorëve të Omanit si dhe historinë, qytetërimin, kulturën dhe traditat e tyre. Në këtë drejtim, ata mendojnë se stafeta e pishtarit olimpik është një rast i mirë."

Nëpërmjet flakës së shenjtë olimpike, ëndrra e popullit të Omanit është bërë realitet. Me zjarrin e shenjtë, janë përhapur në gjithë botën fakti historik që Muskati ka qenë port i rëndësishëm i "Rrugës së lashtë të mëndafshit" në det, si dhe tregimin magjepsës që "i pari tregtar arab që shkoi në Kinë ishte nga Omani".

Stafeta e pishtarit olimpik është gjithashtu një arenë e mirë për vendet që shpresojnë të krijojnë figurën e re në botë.

Kryeqyteti i Pakistanit Islamabad është ndalesa e parë e zjarrit të shenjtë olimpik. Mirëpo për Pakistanin rëndësia e kësaj stafete nuk kufizohet këtu. Ambasadori i Kinës në Pakistan Luo Zhaohui tha:

"Stafeta e pishtarit olimpik për qeverinë e tanishme pakistaneze është një rast i rëndësishëm. Kjo qeveri po ndodhet në periudhën e ndryshimit politik dhe ka nevojë të madhe për këtë rast që t'i shfaqë komunitetit ndërkombëtar anën pozitive, aktive, të përparuar dhe të qëndrueshme. Prandaj ata e falënderuan shumë Komisionin Organizativ të Lojërave Olimpike të Pekinit, që e përcaktoi ndalesën e parë në Pakistan, dhe mendojnë se kjo është nder dhe lavdi për ta."

Në ceremoninë e nisjes së stafetës në Islamabad, presidenti i Pakistanit Perez Musharaf, që u rizgjodh në fund të vitit të kaluar, dhe kryeministri i ri Yousuf Gillani ngritën së bashku pishtarin olimpik dhe, në atë çast, e gjithë bota vërtetoi pikënisjen e re të këtij vendi.

Jo vetëm Pakistani, po edhe shumë vende në zhvillim, ku arriti pishtari olimpik, patën rastin e çmuar për demonstrimin e zhvillimit dhe figurës së vendit.

Për shkaqe të ndryshme, Koreja e Veriut ka qenë një vend jo i njohur nga bota. Stafeta e pishtarit olimpik në Phenian i hapi Koresë së Veriut një dritare. Ambasadori i Kinës në Korenën e Veriut Liu Xiaoming tha:

"Populli koreanoverior e mirëpriti këtë stafetë të pishtarit. Ata shpresuan, dhe mendoj se ia kanë dalë, që nëpërmjet stafetës së pishtarit olimpik t'i paraqitin botës sukseset e arritura nga populli punëtor dhe trim koreanoverior, si dhe vendin e tyre të lulëzuar. Gëzohem për popullin koreanoverior!"

Ho Shi Mini ishte qyteti i fundit i huaj në stafetën globale të pishtarit të Lojërave Olimpike të Pekinit. Kryetari i Komitetit Olimpik të Vietnamit Nguyen Danh Thai e titulloi këtë ndalesë të zjarrit olimpik si "rasti i shënimit të qytetit Ho Shi Min në histori". Ambasadori kinez në Vietnam Hu Qian Wen e shpjegoi më tej rëndësinë e këtij rasti.

"Vietnami i tanishëm është i qëndrueshëm politikisht dhe ka pasur zhvillim të shpejtë ekonomik. Përparimet mishërohen në të gjitha fushat. Kjo stafetë e pishtarit olimpik ushtron ndikim pozitiv mbi prestigjin dhe figurën e qytetit Ho Shi Min dhe, më tej, do të ushtrojë ndikim të rëndësishëm edhe për tërë Vietnamin."

Stafeta e pishtarit të Lojërave Olimpike të Pekinit në vende të tjera përfundoi, duke shpërfaqur jo vetëm figurën e Kinës e të kinezëve dhe mrekullitë e çdo qyteti ku ndaloi, por më e rëndësishmja është që ajo pasqyron edhe energjinë kolosale të Olimpiadës mbi botën. Edhe pse pati qytete, si Parisi, Los Anxhelosi etj., ku stafeta e pishtarit pësoi pengesa nga një numër i vogël njerëzish, prapësëprapë flaka e shenjtë olimpike la gjëra të vlefshme, duke ngjallur në mbarë botën mendime dhe diskutime të thella për problemin "Ç'është Olimpiada". Pas shumë vjetëve, kur njerëzit e ardhshëm t'i hedhin një vështrim këtij turneu të jashtëzakonshëm, ata do të zbulojnë se kjo është "trashëgimia" e çmuar e lënë nga stafeta e pishtarit të Lojërave Olimpike të Pekinit për popujt e botës. (Wang Lei) (Artan)