dëgjoni

Ditët e fundit filloi plotësisht ndërtimi i hekurudhës me shpejtësi të lartë Pekin-Shangai, që lidhet me dy qytete të varura direkte nga qendra me përmasat më të mëdha ekonomike në Kinë. Kjo hekurudhë do të jetë me gjatësinë më të gjatë me standardin të lartë në botë që do të inaugurohet pas 5 vjetëve. Në atë kohë, kapaciteti i trasportit të kësaj hekurudhe në një drejtim do të arrijë çdo vit 80 milionë veta. Koha do të shkurtohet me 5 orë.

Gjatë pjesëmarrjes së tij në ceremoninë e fillimit të ndërtimit të kësaj hekurudhe në Pekin, kryeministri i Kinës Wen Jiabao shpalli fillimin e plotë të ndërtimit të hekurudhës me shpejtësi të lartë Pekin-Shangai.

"Ndërtimi i hekurudhës me shpejtësi të lartë Pekin-Shangai filloi plotësisht...."

Gjatësia e përgjithshme e hekurudhës me shpejtësi të lartë Pekin-Shangai është 1318 kilometra, investimet e përgjithshme janë 220 miliardë juanë. Kjo hekurudhë është një objekt ndërtimi me përmasat më të mëdha të investimeve qysh nga shpallja e Kinës së Re. Shpejtësia e projektuar është 350 kilometra në orë. Kjo hekurudhë do të përshkojë Pekin, Tienjing, Hëbei, Shandong, Anhui, Jiangsu dhe Shangai. Popullsia e këtyre 4 provincave dhe 3 qyteteve zë një të katërtat të mbarë vendit. GDP-ja e tyre zë 40% e mbarë vendit. Zv/kryeministri i Kinës Zhang Dëjiang tha se ndërtimi i hekurudhës me shpejtësi të lartë Pekin-Shangai ka rëndësi shumë të madhe për zhvillimin ekonomik të Kinës.

"Ndërtimi i një hekurudhe moderne me shpejtësi të lartë e nivelit të përparuar botëror në krahinat me dendesi popullate në Kinë, me shkallëzimin më të lartë të urbanizimit, me sasi të përgjithshme të më të madhe ekonomike dhe me kërkesat më të mëdha të transportit ka rëndësi shumë të madhe për zbutjen e gjendjes së nderë të transportit hekurudhor, për ngritjen e aftësisë së krijimit autonom të Kinës, për shpejtimin e koordinimit të strukturës ekonomike të Kinës dhe për nxitjen e zhvillimit më të mirë dhe më të shpejtë të ekonomisë dhe shoqërisë."

Siç mësohet, hekurudha e dikurshme Pekin-Shangai është një hekurudhë e vjetër 100-vjeçare, e cila nuk mund të plotësojë kërkesat e transportit të udhëtarëve. Hekurudha e re me shpejtësi të lartë Pekin-Shangai do të realizojë transportin e ndarjes së udhëtarëve dhe mallrave. Aftësia e transportit të udhëtarëve në një drejtim të hekurudhës së re me shpejtësi Pekin-Shangai do të arrijë në 80 milionë veta, ndërsa aftësia e transportit të mallrave të kësaj hekurudhe mund të arrijë në vit në mbi 1 trilion tonë. Kjo do të zgjidhë në përgjithësi gjendjen e nderë të transportit të hekurudhës së tanishme Pekin-Shanagi.

Vitet e fundit, Kina ka kryer mbi 400 prova të studimeve shkencore rreth teknologjisë së hekurudhës me shpejtësi të lartë, duke zgjidhur një sërë vështirësish teknologjike dhe duke grumbulluar përvojë të ndërtimit të hekurudhës. Kjo hekurudhë me shpejtësi të lartë Pekin-Shangai është projektuar nga Kina, pajisjet teknologjike janë prodhurar plotësisht nga ndërmarrjet e vendit. Zv/ministri i Hekurudhës i Kinës Lu Chunfang tha se ndërtimi i kësaj hekurudhe do të përmirësojë sistemin teknologjik të hekurudhës me shpejtësi të lartë të Kinës.

"Ndërtimi i kësaj hekurudhe me teknologji të pjekur dhe të përparuar jo vetëm mund të përdoret, por edhe mund të ngrejë nivelin e tërësisë së modernizimit të hekurudhës dhe do të nxitë zhvillimin e industrive përkatëse." (Sihai)