Me këmbëngulje mbi 10-vjeçare, zona e shfrytëzimit ekonomik Yangbu e provincës Hainan ka hyrë përsëri në rrugën e zhvillimit me vitalitet të madh.

Zona e shfrytëzimit ekonomik Yangbu ndodhet në gadishullin Yangbu në pjesën veri-perëndimore të provincës Hainan. Ajo gjendet në linjat kryesore ndërkombëtare të transportit detar Singapor-Hong-Kong-Shangai-Osaka dhe është një nyje që lidh Kinën me vendet e Azisë Juglindore dhe të Lindjes së Mesme.

Me portin e veçantë natyror dhe epërsinë e posaçme rajonale, Yangbu ka tërhequr shumë herë interesin e njerëzve. Para krijimit të provincës Hainan, shteti planifikoi ndërtimin e portit Yang me thellësi të madhe. Pas krijimit të provincës Hainan, Yangbu është bërë një gur shumë i rëndësishëm themelor i Hainanit për krijimin e çështjes së reformës dhe të hapjes.

Në fillim të viteve 90 të shekullit të kaluar, provinca Hainan që sapo ishte krijiuar, pati një hov të investimeve me sektorin e trojeve dhe të ndërtimit në krye. Edhe Yangbu u përfshi në të. Pas shpalljes në vitin 1993 të politikës së makrokontrollit, hovi i investimeve në sektorin e trojeve dhe të ndërtimit të Hainanit u ndërpre plotësisht. Atëherë Yangbu hyri në një periudhë të ngrirë 10-vjeçare. Duke folur për gjendjen e atëhershme, drejtori i degës së trojeve dhe të ndërtimit pranë Drejtorisë së administrimit të zonës së shfrytëzimit ekonomik Yangbu, z. Zhang Jin tha: "Në atë kohë në Yangbu pushuan të gjitha aktivitetet e investimeve. Biznesmenët e huaj nuk vinin këtu për investime. Në rrugë s' kishte njeri dhe makina, vetëm lopë dhe dele."

Gjatë mbi 10 vjetëve, Yangbu nuk harroi shfrytëzimin ekonomik të tij. Pas vitit 2002, provinca Hainan parashtroi strategjinë për nxitjen e zhvillimit të Yangbu-së, duke u mbështetur te ndërmarrjet dhe objektet e mëdha dhe ka marrë shumë masa të favorshme për të tërhequr investimet. Kështu që Yangbu është gjallëzuar shumë. Duke folur për ndryshimet e mëdha të Yangbu-së, Zhang Jini tha: "Kushtet materiale janë përmirësuar në mënyrë të dukshme. Treguesit ekonomikë janë ngritur nga viti në vit."

Siç mësohet, nga viti 2004 deri në vitin 2007, vëllimi i prodhimit të përgjithshëm të zonës së shfrytëzimit ekonomik Yangbu arriti në 7 miliardë e 400 milionë juanë nga 1 miliard e 900 milionë juanë më parë. Vëllimi i përgjithshëm i import-eksportit u shtua mbi 4 miliardë dollarë amerikanë nga 470 milionë dollarë amerikanë që ishte më përpara.

Drejtori i Drejtorisë së administrimit të zonës së shfrytëzimit ekonomik Ding Shangqing tha se vitin e kaluar vëllimi i prodhimit industrial të Yangbu-së zuri 40% të gjithë provincës, ndërsa vëllimi i përgjithshëm i import-eksportit 60% të kësaj province. Kjo tregon seështë vendosur pozita e pararojës industriale e Yangbu-së në Hainan dhe roli nxitës i Yangbu-së për ekonominë e gjithë provincës është shumë i madh.

Qysh nga shfrytëzimi ekonomik, Yangbu ka investuar gjithsej 6 miliardë e 800 milionë juanë në ndërtimin e infrastrukturës, të rrugëve, të veprave të furnizimit me ujë etj. Përmirësimi i infrastrukturës dhe i shërbimeve është bërë një faktor i rëndësishëm për tërheqjen e investimeve të huaja.

Tani numri i objekteve industriale që po ndërtohen dhe kanë filluar prodhimin, arrin në mbi 30. Në shtator të vitit të kaluar, zona e shfrytëzimit ekonomik Yangbu u përcaktua si zona e 4-t portuale pas Shangait, Tienjing-it dhe Dalianit. Për sa i përket Yangbu-së, kjo i ka shtuar përsëri vitalitet të madh. Drejtori i kësaj zone Ding Shangqing e ka përshkruar këtë kështu: Yangbu priti pranverën e dytë.

"Kjo ka shtuar me të vërtetë vitalitet të madh për zhvillimin e Yangbu-së. Prirja e zhvillimit është shumë e mirë, ndikimi mbi jashtë është zgjeruar pandërprerë."

Drejtori i Drejtorisë së zhvillimit ekonomik Guo Zhao i tha gazetarit se vëmendja e biznesmenëve të huaj nuk mund të krahasohet me dikur. Tani shumë korporata të mëdha ndërkombëtare marrin pjesë aktivisht me investime në Yangbu dhe i kushtojnë vëmendje të madhe zhvillimit ekonomik të Yangbu-së.

Drejtorja e Qendrës për nxitjen e investimeve pranë Drejtorisë së administrimit, zj. Shi Zhen tha se tani në zonën e shfrytëzimit ekonomik Yangbu ka më shumë kapitale vendëse. Ajo është e mendimit se në të ardhmen investimet e huaja do të shtohen më shumë në Yangbu. Qendra e transportit të ushqimeve të Azisë Jug-lindore që po ndërtohet, është me investime nga një ndërmarrje australiane.

"Yangbu është zona e 4-t portuale që ka funksione të transportit ndërkombëtar, përpunimit, logjistikës së mallrave etj. Qendra e transportit përgjigjet për transportimin e bananeve të prodhuara nga Hainani, Guangxi dhe Vietnami në Angli, Francë dhe Itali."

Përveç Qendrës së transportit të ushqimeve të Azisë Jug-lindore, në Yangbu po shpejtohet ndërtimi i zonës së industrisë kimike të Lindjes së Mesme, i Qendrës tregtare ndërkombëtare të gomës natyrore etj.

Drejtori i Drejtorisë së administrimit Ding Shangqing shprehu besimin e plotë për zhvillimin e ardhshëm të Yangbu-së.

Tani është periudha më e mirë e zhvillimit të Yangbu-së dhe rasti më i mirë i zhvillimit. Si banorët e Yangbu-së, edhe ne jemi të bindur se me përpjekjet 3-5 vjeçare, Yangbu do të bëhet me të vërtetë pararojë industriale e Hainanit dhe pikë shembullore e reformës dhe hapjes në Hainan. (Sihai)