dëgjoni

Në qytetin bregdetar të Kinës Lindore Shangai, bashkia po nxitë krijimet e reja në mënyrën e shërbimeve kulturore publike, me anën e krijimit të platformave të reja të shërbimeve kulturore publike, u jep masave popullore aktivitete kulturore e sportive të lehta, praktike dhe që u përputhen kërkesave.

Pjesa që po dëgjoni është inçizuar nga shfaqjet falas të organizuara për fshatarët nga qyteza Hongqiao e zonës Minhang të Shangait. Me anën e platformave të reja të shërbimeve kulturore publike, bashkia e qytetit të Shangait organizon falas për publikun aktivitete kulturore e sportive, leksione të ndryshme dhe kurse të përgatitjeve në internet.

Përjëgjësi i Qendrës së shërbimeve arsimore Dongfan , institucion i varur nga Bashkia e qytetit të Shangait z. Ni Bin i tha gazetarit se gjatë përcaktimit të objekteve, punonjësit e këtij institucioni shkuan thellë në lagjen e banorëve për të njohur kërkesat e masave popullore, dhe nga ana tjetër, publiku mund të paraqitë me anën e internetit kërkesat e tij. Më në fund, me anën e tenderit përcakton se cila trupe ose cilët programe mund të shkojnë për shërbime në bazë.

" Në vitin 2008, në bazë të analizës së anketave të shpërëndarë në vitin 2007 dhe kërkesave që kemi ditur, organizuam tender dhe shumë trupa artistike, institucione të shërbimeve shëndetësore kanë ardhur për konkurrim. Me anën e vlerësimeve të specialistëve dhe të masave, ne zgjodhëm burimet më të mira kulturore për masat popullore.

Z. Ni Pin tha se qendra e tij përmbledhë dhe prodhon produkte të shquar kulturore nëpërmjet kanaleve të ndryshme duke organizuar edhe aktivitete të formave të ndryshme.

" Ndër produktet kulturore të mbledhur dhe të prodhuar prej nesh janë DVD të formave të ndryshme artistike, gazeta e revista si dhe broshura me përmbajtje kulturore, artistike dhe të sporteve, janë edhe ekspozita lëvizëse që u përshtaten masave, shfaqje artistike të mirëpritura shumë nga masat popullore si dhe programet e shërbimeve shëndetësore e sportive".

Deri në fund të vitit 2007, qendra e drejtuar nga Ni Bin ka organizuar për masat popullore 1000 shfaqje të 40 llojeve të ndryshme artistike si opera Hu, Opera Yue, pjese estrade, shfaqje të kukullave etj ku pati më shumë se 210 mijë spektatorë. Tani ndjekja e shfaqjeve gjatë kohës së lirë në lagjet e banorëve është bërë një mënyrë shumë e rëndësishme e dëfrimeve të banorëve.

Bashkia e Shangait me anën e bashkëpunimit me organizata shoqërore, krijoi edhe forumin Dongfan, me leksione falas si përmbajtje kryesore, ku marrin pjesë shkencëtarë dhe artistë të ndryshëm. Pas një leksioni me titull "Kultura e muajit kinez ", korrespondenti e intervistoi një pjesëmarrës.

" Është hera e parë që more pjesë në një leksion të tillë ?"

" Jo shumë herë, rreth 10 herë".

" A janë të shumtë numri i dëgjuesve? "

" Po shumë".

Në këtë forum ka dy përmbatje kryesore, njera është leksion për popullarizimin e arsimit shoqëror që ka lidhje me kushtet e vendit, kushtet e qytetit të Shangait, pika të nxehta të zhvillimt shoqëror. Edhe zhvillimi individual është një pjesë e rëndësishme përbërëse, ku iu përgjigj me kohë pyetjeve të masave mbi botëkuptimin e njeriut, mbi zhvillimin profesional etj. Tjetër përmbajtje është sistemi shkencor dhe artet klasike, ku janë ftuar personalitete të njohura nga brënda e jashtë vendit të japin referatë duke zhvilluar edhe diskutime në thellësi rreth temave të rëndësishme shkencore, rrymave shkencore dhe kulturore e artistike etj.

Qysh nga qershori i vitit 2004, në forumin Dungfang janë organizuar më se 7 mijë leksione të ndryshme, që u ndoqën nga 2 milionë e 700 mijë dëgjues dhe ky forum është bërë forumi më i njohur publik në Shangai.

Lidhur me këtë z. Yang tha : " Ky forum Dungfang u jep dëgjuesve shërbime falas, në mënyrë që çdo pjesëmarrës që ka dëshirë të ngrejë nivelin e tij kulturore të ketë përfitime".

Interneti është një media e re e zhvilluar vitet e fundit. Për të shfrytëzuar këtë formë të re të medias në shërbim të masave popullore, në shumë lagje të banorëve të Shangait janë krijuar qendra informative. "Këto qendra informative nuk janë thjeshtë si internetkafe, por kanë shumë funksione." tha drejtori i kompanisë së kufizuar për zhvillimin dixhital të lagjeve të banorëve z. Li Zhiping . Ai vazhdoi " këto qendra informative publike kanë 3 funksione: Vizita në internet, transmetime dhe studime e shkëmbime. Në një qendër informative janë lidhur 30 deri në 50 kompjutera dhe me rreth 40 vende. "

Tani në gjithë qytetin e Shangait dhe ne gjithë 19 distriktet në periferi të tij janë krijuar më se 1000 qendra informative që quhen nga banorët si " horizonte të reja të jetës së banorëve".

Në këto qendra informative organizohen edhe kurse falas për të moshuarit, për të mësuar të moshuarit për përdorimin e internetit.

Plaku 67 vjecar z. Zhang i tha korrespondentit . " Unë përdor internet kryesisht për të lexuar lajmet nga bota. Pas vizitës në internet, horizonti im është zgjeruar dhe jeta ime është e pasuruar. " (Zhai)