dëgjoni

Zu Hai lindi në vitin 1976 në provincën Anhui të Kinës Lindore. Qysh në moshë të re ajo shfaqi interes të madh dhe talent të spikatur në fushën e këndimit. Kur ishte në shkollën e mesme, Zu Hai u bë një nxënëse e famshme këngëtare. Në vitin 1991, Zu Hai u pranua me rezultate të mira në shkollën e mesme pranë Institutit të Muzikës të Kinës. Pas mësimeve 3-vjeçare, ajo hyri në fakultetin e mjeshtërisë vokale të këtij instituti për të vazhduar studimet. Pas 7 vjet studimesh të zellshme, Zu Hai u diplomua me rezultate të mira dhe u pranua në ansamblin e këngëve dhe të valleve të Kinës si këngëtare. Në vitin 2003, Zu Hai u transferua në ansamblin e këngëve dhe të valleve të Ushtrisë Çlirimtare Popullore të Kinës.

Zëri i Zu Hait është shumë i pastër e i këndshëm dhe është i përshtatshëm për këndimin e këngëve popullore kineze. Gjatë këndimit, Zu Hai shfaq plotësisht karakteristikën e zërit të saj, njëkohësisht ajo i kushton shumë rëndësi krijimit të risive në mjeshtërinë e këndimit dhe lidh stilin e këndimit të këngëve popullore me mjeshtërinë e këndimit të këngëve pop duke krijuar stilin e vet të veçantë. Këndimi i Zu Hait është i natyrshëm dhe plot me ndjenja të forta duke fituar përshëndetjen e gjerë të dëgjuesve. Zu Hai u shpreh:

"Zëri i këndshëm është shumë i rëndësishëm për një këngëtar, por për të interpretuar një këngë të përsosur, duhet të vihen ndjenjat e vërteta në vendin e parë. Vetëm kështu dëgjuesit do të dëgjojnë një vepër të gjallë."

Në vitin 1995, Zu Hai publikoi albumin e parë me këngë, deri sot, ajo ka nxjerrë 15 albume individuale këngësh. Shumë këngë të saj si "Kush", "Familja ime është në Kinë", "Kënga malore", "Fatmirësia", "Mbrëmja e bukur" etj. përshëndeten shumë nga dëgjuesit dhe janë popullarizuar gjerësisht. Tani ju lutem të dëgjoni këngën "Mbrëmja e bukur" të kënduar nga Zu Hai. Kjo këngë me ritmin e hareshëm shfaq gëzimin e popullit kinez për kremtimin e festës dhe dashurinë e tij për jetën e lumtur. Në mbrëmjen artistike me rastin e Festës së Pranverës të Televizionit Qendror të Kinës të vitit 2000, Zu Hai këndoi këtë këngë duke fituar përshëndetjen e shikuesve të mbarë vendit.

Duke folur për regjistrimin e kësaj kënge, Zu Hai tha:

"Kjo është një këngë e gëzueshme dhe plot me gjallëri. Për të interpretuar mirë këtë vepër, përdora shumë mjeshtëri profesioniste të këndimit si përzierja e falsetit me zërin të vërtetë."

Sot Zu Hai është një këngëtare shumë e famshme, por ajo nuk heq dorë nga kërkimet në artin e këndimit. Ajo ka marrë pjesë shumë herë në shfaqje të mëdha artistike si mbrëmja artistike me rastin e Festës së Pranverës të Televizionit Qendror të Kinës dhe ka fituar shumë çmime në konkurse të ndryshme të këndimit. Në fund të emisionit, ju ftoj të dëgjoni këngën e saj "Kënga malore". Në këtë këngë Zu Hai përdori fjalë bisedore dhe melodinë rrjedhëse duke shfaqur jetën e lumtur të banorëve malorë. Në këngë këndohet: Djali dhe vajza takohen në mal duke kënduar këngë malore. Sa të lumtur janë ata! (Fani)