dëgjoni

Në këtë program do t'ju paraqit një grup tjetër melodish të interpretuara në fyell nga Chen Dawei. Së pari ju ftoj të shijoni melodinë me titull "Shëtitja nëpër park", interpretuar në fyell nga Chen Dawei.

Melodia që ndoqët titullohet "Shëtitja nëpër park", të cilën e ka krijuar Chen Dawei. Kjo melodi e pastër dhe e freskët dhe me ritme të shpejta e të qarta përshkruan ardhjen e pranverës dhe gëzimin e njerëzve që shkojnë në periferi të qytetit për shëtitje dhe për soditjen e natyrës së bukur.

Të dashur dëgjues, ju tregova në programin e kaluar se Chen Dawei është instrumentist solo i fyellit në Asamblin Artistik të Radios së Tianjinit. Që në moshën e vogël, Chen Daweit i pëlqente muzika dhe mësonte t'i binte fyellit. Më vonë u bë nxënësi i fundit i mjeshtërit të madh kinez për interpretimin e fyellit Liu Guanle.

Gjatë shumë vjetëve, krahas shfaqjeve Chen Dawei këmbëngulet në krijimtarinë muzikore dhe ka kompozuar shumë pjesë muzikore me fyell. Ndër to pjesët muzikore "Stepa pranverore", "Gëzimi" etj. Të cilat i ndoqët në programin e kaluar janë mirëpritur ngrohtësisht nga amatorët e fyellit dhe dëgjuesit e janë të përhapura gjerësisht. Më poshtë do të shijojmë së bashku melodinë "Zheguiling", interpretuar nga Chen Dawei në fyell.

Melodia që po ndiqni, titullohet "Zheguiling", interpretuar në fyell nga Chen Dawei. Këtë melodi e ka krijuar Chen Dawei në bazë të melodive të pjesës në jug të lumit jance që interpretohen me vegla me tela dhe vegla frymore e në bazë të operës lokale Kun. Kjo melodi është e bukur, e butë, ka ritme të shtruara dhe stil të veçantë. Këtë melodi Chen Dawei e interpreton me mjeshtëri të madhe, duke treguar aftësinë e tij të kontrollit të frymëmarrjes.

Në vitin 2002, Chen Dawei nxori albumin e tij me titull " Lauresha", ku përfshihen vetëm pjesët muzikore të krijuara dhe të përpunuara prej tij, të cilat kërkojnë rreptësi nga ana cilësore dhe janë të vështira për interpretim. Prandaj me t'u nxjerrë në qarkullim, ky album ka gjetur jehonë të madhe në gjirin e amatorëve kinezë të fyellit. Meloditë që keni dëgjuar dhe po dëgjoni në programin tonë janë nga ky album. Në fund të programit, ju ftoj të shijoni melodinë me titull "Gëzimi".

Kjo është një melodi e hareshme, modeste, krenare, e pastër dhe e ngrohtë, ajo ka marrë si materiale këngë të shkurtra popullore të provincës Hebei dhe të provincave të tjera të Kinës veriore dhe pasqyron në mënyrë të gjallë gëzimin e fshatarëve pas korrjeve të bollshme.

Ju flet Radio e Jashtme e Kinës! Të dashur dëgjues, ndoqët një grup melodish të interpretuara në fyell nga Chen Dawei. Mirudëgjofshim të shtunën tjetër. Në mikrofon për ju, Pina.