dëgjoni

Vitet e fundit, duke shpejtuar zhvillimin e industrializimit dhe urbanizimit e duke ngritur potencialin ekonomik, qyteti Fuzhou i provincës Jiangxi të Kinës Qendrore i kushton gjithnjë e më shumë rëndësi mbrojtjes së mjedisit natyror dhe ekologjik. Administrata vendore ka hartuar strategjinë për nxitjen e zhvillimit përpjesëtimor ekonomik e shoqëror, duke u nisur nga gjendja reale.

Qyteti Fuzhou ndodhet në pjesën lindore të provincës Jiangxi të Kinës. Përqindja e mbulimit me pyje e gjithë qytetit është 61.5%, burimet ekologjike janë shumë të pasura, ky qytet është një nga zonat kryesore të prodhimit të drurit dhe bambusë. Sekretari i Komitetit të Partisë Komuniste për këtë qytet, z. Zhong Ligui i tha gazetarit se duke planifikuar objektivin e zhvillimit urban, qyteti Fuzhou kërkon që të nxitë rritjen ekonomike vendore dhe t'i kushtojë më shumë rëmdësi mbrojtjes së mjedisit ekologjik.

"Fuzhou ka një histori të gjatë dhe një mjedis shumë të mirë të banimit të njerëzve. Tani njerëzit dëshirojnë të jetojnë në një vend me mjedis relativisht të mirë. Ne duhet të bëjmë gjërat që përputhen me dëshirën e masave popullore."

Fuzhou ka qenë dhe është një vend kryesor i prodhimit të drithërave në Jiangxi. Sasia vjetore e prodhimit të drithërave i ka kaluar 2 miliardë e 500 milionë tonët. Si një qytet i madh bujqësor, vitet e fundit, Fuzhou ka shpejtuar pandërprerë procesin e industrializimit dhe urbanizimit, objektet e investimeve janë shtuar pandërprerë. Duke zgjeruar hapjen me jashtë, Fuzhou i kushton rëndësi shumë të madhe mbrojtjes së mjedisit ekologjik. Zoti Zhong Ligui tha: "Që të zhvillohet Fuzhou, duhet të mbrohet mjedisi. Duke shpejtuar procesin e industrializimit dhe urbanizimit, ne kemi marrë përvoja të disa zonave që nuk zhvillojnë disa objekte me ndotje të rënda."

Distrikti Yixi i qytetit Fuzhou ka bërë koordinimin për disa industri shtyllë dhe mbylli disa ndërmarrje me ndotje të rënda, duke mbrojtur në mënyrë efikase bimët vendore.

Duke folur për shfrytëzimin e burimeve vendore, kryetari i këtij distrikti Sy Guoyi tha: "Ne kemi ndjekur këtë formë: korporatë + bazë + familje fshatare, duke nxitur fshatarët të mbrojnë burimet vendore. Gjithë distrikti ka mbi 30 mijë hektarë me bambu. Për të shfrytëzuar plotësisht këto burime, ne kemi tërhequr disa ndërmarrje të njohura të mbarë vendit për shfrytëzimin e bambuve."

Mbjellja e kërpudhave ka qenë gjithmonë burimi kryesor i të ardhurave të fshatarëve të distriktit Lichuan të qytetit Fuzhou. Në këtë distrikt ka 50 mijë njerëz që mbjellin kërpudha. Me ndihmën e administratës vendore, gjatë 2 vjetëve të fundit, fshatarët vendorë kanë përvetësuar teknologjinë e mbjelljes së kërpudhave, duke mbrojtur në mënyrë efikase pyjet vendore.

Drejtori i përgjithshëm i Korporatës me përgjegjësi të kufizuar të bujqësisë së gjelbër Likang, z. Yang Jun i tha gazetarit se teknologjia e re e mbjelljes jo vetëm ka pakësuar shkatërrimin e mjedisit ekologjik, por edhe ka ngritur efektivitetin e mbjelljes së kërpudhave.

Një fshatar i distriktit Lichuan tha se pas përvetësimit të teknologjisë së re të mbjelljes së kërpudhave, të ardhurat janë shtuar shumë. Tani familja e tij ka ndërtuar 3 dhoma, sasia e mbjelljes së kërpudhave u shtua në 11 herë.

Në qytetin Fuzhou, kudo mund të shohësh përvetësimin e teknologjisë së re të mbjelljes së kërpudhave për ngritjen e sasisë së prodhimit. Distriktet e ndryshme të qytetit Fuzhou kanë bërë strategjinë e punëve konkrete për mbrojtjen e burimeve ujore, reformën e pylltarisë etj. Për të ruajtur malet e gjelbra dhe ujërat e pastra, ato do të vazhdojnë të ecëin në rrugën e zhvillimit të vazhdueshëm. (Sihai)