Zhai: Mirëmbrëma z. Filip Lala

Filip: Mirëmbrëma

Zhai: Tashmë ne njihemi si miq dhe unë di se ju jeni një biznesmen shumë i suksesshëm Shqiptar në botë. Ju keni dhënë kontribut të madh si në ndërtimin e Shqipërisë ashtu edhe për ndërtimin e Amerikës, gjithashtu keni marrë pjesë në ndërtimin e ambasadave kineze në Nju jork dhe Ëashington. A mundet të më tregoni se si e fituat këtë te drejtë për ndërtimin e dy ambasadave Kineze?

Filip: Për gjithcka në jetë, jo vetëm në ndërtim, gjëja kryesore është ndërtimi i besimit. Kur njerëzit të afrojnë dhe të besojnë të gjithë kanë mundësi që të ndërtojnë si unë, dhe mbase më mirë se mua, kryesorja është se këta njerëz më besuan mua për të ndërtuar veprat e tyre. Prandaj është besimi gjëja kryesore që duhet të ketë njeriu dhe të tjerët për ty që të krijohet dicka e tillë.

Zhai: Në ndërtimin e ambasadave Kineze cfarë arkitekture do të përdoret, një ndërtim tradicional Kinez apo stil krejtësisht perëndimor?

Filip: Është një art i ndërtimit Kinez më shumë. Mënyra se si kam arritur të punojë në ambasadën kineze në Nju jork është se kam shum lidhje miqësore me biznesmenë kinezë në Amerikë, si sot edhe më parë. Kjo është edhe arsyeja që unë kam ardhur në kinë sepse nga marrdhëniet e mia me këta biznesmenë Kinezë që ndërtojnë në Amerikë është krijuar besimi im për ta dhe kjo më ka dhënë mundësinë që unë të jem sot këtu në Kinë për të bërë biznes.

Zhai: Dmth jeni njohur shumë mirë me artin tradicional kinez me kulturën tradicionale kineze e ndaj keni fituar këtë rast për ndërtimin e ambasadës kineze!

Filip: Sigurisht

Zhai: Kam dëgjuar se ju keni investuar edhe për ndërtimin e muzeut të Nënë Terezës në Shqipëri! Cili është qëllimi i hapjes së këtij muzeu? Për të rinjtë apo për kujtimin e frymës së saj humanitare në gjithë botën?

Filip: Duke qënë se emri i Nënës Tereza është emri më i madh i një femre që ka lindur dhe ekzistuar për njerëzimin, e qënurit shqiptare më jep nëj kënaqsi të vecantë për të organizuar dicka të tillë dhe për të ndihmua për ndërtimin e muzeut të Nënë Terezës. Nënë Tereza është nëna e gjithë botës, është kultura më e lartë e një femre, mundësia e një femre, dëshira, fuqia, respekti që një femër mund të lërë në historinë e njerëzimit. Prandaj kjo më ka lindur dëshirën për ta mbajtur emrin e Nënë Terezës të gjallë duke investuar për ndërtimin e muzeumit të Nënë Terezës në shtëpinë ku ajo është rritur dhe ka kaluar fëmijërinë.

Zhai: A është hapur ky muze?

Filip: Jo ende nuk është hapur, tani po organizohet. Unë kisha disa takime para dy javësh me disa intelektualë nga Shqipëria të cilët po përpiqen që ta ndërtojnë shtëpinë e Nënë Terezës në muzeum, në Tiranë dhe është në fazat e para të organizimit.

Zhai: Nga televizioni dhe radio jeni njohur shumë me Kinën dhe vetë keni ardhur disa herë vizitë në Kinë. Çfarë përshtypjesh keni nga Kina?

Filip: Është gjithmonë një kënaqësi të vish në Kinë. Duke qënë se Kina ka një kulturë kaq të lashtë, një filozofi kaq të thellë, është një vend kaq i bukur, gjithmonë është mahnitëse të vish në Kinë. Kështu që sa herë vij në kinë vij me një dëshirë të vecantë.

Zhai: Meqënëse jeni biznesmen shumë i zënë dhe me kohë shumë të ngjeshur, a keni vizituar ndonjë nga objektet arkeologjike kineze si Muri i Madh apo Pallatin Dimëror në Pekin?

Filip: Sigurusht që kam vizituar murin e madh Kinez, Qytetin e Ndaluar. Cdo gjë që është në kinë sot është dicka artistike. Si historia e kaluar edhe ajo cka Kina po ndërton tani është një arti vecantë në botë, është një art i pastër është një art që svdes kurrë. Cdo herë që vij në Kinë dicka e re lind prej saj. Kina të jep një frymëmarrje dhe një zhvillim shpirtëror nga kultura e madhe që ka populli kinez.

Zhai: Ne jemi shumë të kënaqur që ju kësaj here erdhët për nderin tonë në radio për vizitë. Çfarë përshtypje keni?

Filip: Me të vërtetë u habita sepse nuk e dija që radioja ekzistonte, ishte një kënaqësi që të takova ty dhe ju faleminderit për pritjen jam shumë i kënaqur. Zëri është dicka madhështore dhe zëri i radios tuaj është përhapja e kulturës, dijes, zhvillimit dhe jam tepër i kënaqur që mu dha mundësia për të folur në radion tuaj sonte.

Zhai: Ju falemnderit shumë për vizitën në radio dhe për intervistën që më dhatë dhe ju shpreh edhe njëherë mirseardhjen dhe sa herë të vini ne pëkin të vini si një anëtar i shtëpisë dhe i familjes së radios, sepse këtu ka një redaksi të gjuhës shqipe ku janë të gjithë shqipfolës porsi anëtarët e familjes suaj! Apo jo?!

Filip: Unë e dija që ka shumë shqiptarë që flasin Kinezcen! Por paska edhe kinezë që flasin shqip! U habita kur të dëgjova ty që e flet gjuhën shqipe kaq mirë! Unë kam vite që jam larguar nga Shqipëria dhe nuk e kam përdorur dhe aq shumë gjuhën shqipe dhe më habit fakti që ti e flet më mirë se unë!

Zhai: Ju falemnderit shumë!

Filip: Falemnderit!