dëgjoni

Melodia që ndoqët, titullohet "Zëri i zemrës", interpretuar nga Chen Dawei. Këtë pjesë muzikore e krijoi vetë Chen Dawei. Melodia e rrjedhshme si këngë, ashtu si një vjershë e shkurtër shpreh zërin e zemrës së krijuesit, pasionin dhe ndjenjën e tij për muzikën.

Chen Dawei ka lindur në qytetin e Tienjinit në vitin 1958 dhe tani punon si instrumentist solo i fyellit i Ansamblit Artistik të Radios së Tienjinit. Që në vogëli Chen Daweit i pëlqente muzika. Kur ishte 7 vjeç, ai hyri në një ansambël të këngëve dhe valleve si nxënës, ku ai mori një edukim të mirë artistik. Gjatë kësaj periudhe Chen Dawei mësoi nga Wang Xiaochun dhe disa pedagogë të tjerë t'i binte fyellit, duke hedhur një bazë të shëndoshë. Më vonë ai u bë nxënës i fundit të mjeshtrit kinez të fyellit Liu Guanle, teknika e interpretimit të tij në fyell është bërë gjithnjë e më e pjekur.

Melodia që do të ndiqni, titullohet "Stepa pranverore" është krijuar e interpretuar prej tij në moshën 20 vjeçare, kjo vepër e ka bërë Chen Daweinin shumë të njohur. Me interpretimin e kësaj vepre ai fitoi çmim në konkursin e fyellit të qytetit Tienjin dhe u vlerësua lart nga personat profesionistë. Tani le të shijojmë melodinë "Stepa pranverore".

Kjo melodi e bukur përshkruan pamjen tërheqëse pranverore në stepën e Kinës veriore dhe i këndon jetës së re dhe të gëzueshme të blegtorëve. Në interpretimin e Chen Daweit ka atmosferë të plotë të stepës.

Pjesët muzikore të interpretuara nga Chen Dawei kanë melodi të këndshme dhe ndjenjën e theksuar të kohës. Përveç ushtrimeve dhe shfaqjeve, Chen Dawei merret me entuzizëm shumë të madh me krijimin e pjesëve muzikore, ai ka krijuar meloditë e bukura "Zhungeer i gëzueshëm", "Shëtita nëpër park", "Gëzimi" etj., të cilat janë përhapur gjerësisht nga amatorët e fyellit. Në fund të programit , ju ftoj të dëgjoni pjesën muzikore të interpretuar nga Chen Dwei me titull "Zhungeer i gëzueshëm".

Proludi i gjatë i melodisë ju çon në stepën e pafund Zhungeer në veri të Singjiangut. Në këtë ultësirë të begatshme me burime ujore dhe kullota të pasurarriten lopët dhe dhentë e shëndoshë. Banorët e kombësisë kazake që jetojnë këtu janë punëtorë e zemërmirë, janë të aftë për të kënduar e vallëzuar. Kjo pjesë muzikore me melodinë e stilit tipik të Sinjiangut dhe me ritmet e gëzueshme dhe të shpejta përshkruan stilin e kombësisë dhe shpreh dëshirën e njerëzve për jetën e mirë. Këtë pjesë muzikore Chen Dawei e interpreton në mënyrë të përzemërt, të gjallë dhe me ngjyrë të veçantë. (pina)