dëgjoni

Para konsumit të lartë, ndotjeve të rënda dhe problemeve të burimeve e mjedisit të dala nga zhvillimi ekonomik, vitet e fundit, krahinat e ndryshme të Kinës kanë filluar zhvillimin e ekonomisë qarkulluese për të ecur në rrugën e zhvillimit shkencor. Qyteti Jiangmen i provincës Guangdong të Kinës Jugore realizoi mendimet e tij për prodhimin e pastër dhe konsumin e ulët nëpërmjet zhvillimit të ekonomisë qarkulluese.

Industria e prodhimit të letrës ka qenë gjithmonë një industri me konsum të lartë dhe me ndotje të rëndë. Por baza e prodhimit të letrës Yinzhouhu që ndodhet në bregun jugor të liqenit Yinzhou të qytetit Jiangmen, nuk është e njëllojtë me ndërmarrjet e tjera të prodhimit të letrës. Kjo ndërmarrje e prodhimit të letrës ka marrë masa të ndryshme efikase në zgjedhjen e lëndëve të para, shfrytëzimin qarkullues të avujve, ripërpunimin e letrave të përdorura etj., duke ulur shumë koston e sistemimit të ndotjeve të saj. Një përgjegjës i kësaj baze, z. Li Guoxian tha: "Në procesin e prodhimit të energjisë elektrike të centralit nxirren shumë avuj. Ndërmarrja jonë mund të shfrytëzojë avujt në nxitjen e pajisjeve të prodhimit të letrës, kështu është ulur kostoja e prodhimit."

Njëkohësisht pas trajtimit të ujërave të përdorura të centralit elektrik, këto ujëra mund të përdoren në prodhimin e letrëa dhe pyllëzimin brenda zonës së ndërmarrjes. Kështu u realizua ripërdorimi qarkullues i ujërave. Njëkohësisht ndotjet e ngurta të dala nga prodhimi i letrave mund të bëhen lëndë djegëse të kaldajës së centralit elektrik. Rishfrytëzimi i letrave të përdorura mund të kursejë shumë dru.

Përgjegjësi i centralit elektrik brenda kësaj baze, z. Qu Haoji tha se nëpërmjet shfrytëzimit të tillë qarkullues, kostoja e prodhimit të energjisë elektrike dhe e prodhimit të letrës është ulur shumë dhe potenciali konkurrues i ndërmarrjeve është ngritur më tej.

"Mendimi i ekonomisë qarkulluese ka kombinuar energjinë dhe burimet e sektorëve të ndryshëm, ka kursyer energjinë, ka pakësuar ndotjet dhe ka ngritur potencialin konkurrues të centralit elektrik dhe të bazës së prodhimit të letrës."

Siç mësohet, vitin e kaluar, vëllimi i prodhimit të përgjithshëm industrial të kësaj baze të prodhimit të letrës arriti në mbi një miliard juanë, duke u shtuar 40%. Shumë ndërmarrje brenda kësaj baze kanë shtuar investimet në objekte ndërtimi. Njëkohësisht shumë ndërmarrje kanë ardhur në këtë bazë për ndërtimin e fabrikave të tyre. Drejtorja administrative e Korporatës me përgjegjësi të kufizuar të prodhimit të letrës Wida Li Jianbin tha se në një bazë të tillë, ndërmarrjet janë pjesëmarrës dhe të interesuar të ekonomisë qarkulluese.

"Ndërmarrjet tona janë pjesëmarrëse dhe të interesuara për ekonominë qarkulluese. Ndërtimi i fabrikës këtu ka shumë dobi. Në radhë të parë mund të kursehen investimet në mbrojtjen e mjedisit, në shfrytëzimin kompleks të burimeve dhe në uljen e kostos së prodhimit. Njëkohësisht ndërtimi i fabrikës mund të ketë efektivitet ekonomik e shoqëror."

Sipas parashikimit të Drejtorisë ekonomiko-tregtare të qytetit Jiangmen, deri në vitin 2020, do të kursehen mbi 2500 metra kub dru dhe 960 mijë qymyrgur dhe do të pakësohet çdo ditë shpenzimi i 120 mijë metrave kub ujë.

Funksionari i kësaj drejtorie, z. Li Yongzhan tha se baza e prodhimit të letrave Yinzhouhu ka gjetur një rrugë të re për zhvillimin e ekonomisë qarkulluese. Kjo formë do të përhapet brenda gjithë qytetit.

"Në të ardhmen, ne do të shpejtojmë zhvillimin e ekonomisë qarkulluese të zonës industriale. Do të merren masat konkrete në sistemimin e ndotjeve ujore për të zhvilluar gradualisht ekonominë qarkulluese të qytetit Jiangmen." (Sihai)