Dy vende të lashta, e njëjta ëndërr. Një bashkim simbolik i civilizimeve Lindore dhe Perëndimore u realizua kur priftëresha me fustanin karakteristik ndezi pishtarin e dizenjuar posacërisht për Lojrat Olimpike të Pekinit në tempullin e Olimpit.

Në një ceremoni të kthjellët midis rrezeve të diellit më 24 Mars, Priftëresha e Lartë Maria Nafpliotou ndezi Flakën Olimpike me anën e një pasqyre të lugtë përpara Tempullit Hera në Olimp. Flaka më pas u mbajt në një kopje urne për të ndezur më pas pishtarin e parë për lorjat verore që do të mbahen në Pekin. Pishtari, që ka formën e një mbështjelle letre me motive resh të cilat simbolizojnë fat, është një kombinim i gdhendur nga koha i urtësisë Kineze dhe teknologjisë moderne.

"Dita e sotme simbolizon hapjen e Lojrave të para Olimpike në Kinë, ku një e pesta e popullsisë së botës i pret me padurim," tha Zhak Rozhe, Presidenti i Komitetit Ndërkombëtar Olimpik, gjatë kësaj ceremonie.

Gjatë katër muajve të ardhshëm flaka do të udhëtojë në 21 qytete rreth globit dhe në më shumë se në 100 qytete në Kinë përgjatë një stafete që "përgatit rrugën për në Pekin," shtoi Rozhe. "Lajmëtarët do të jenë qytetarë, të rinj dhe të moshuar, të aftë dhe me aftësi të kufizuara, atletë dhe anëtarë të Lëvizjes Olimpike, të cilët presin me padurim për të treguar se sejcili prej nesh mund të kontribuojë për një botë më të mirë."

Pasi flaka Olimpike filloi "udhëtimin harmonik" nën slloganin "ndize pasionin, për të njëjtën ëndërr," ish Olimpikë, politikanë, nxënës dhe njerëz të thjeshtë shprehën urimet e tyre më të përzemëta për stafetën duke shpresuar se ajo do të shpërndante mesazhin për paqe në botë ndër pesë kontinentet.

"Ndjej se është një nder i madh që së bashku dy qytetërimet 5000 vjecare, ai Kinez dhe ai Grek, të ndezin flakën Olimpike," tha Luo Xuejuan pasi mbaroi pjesën e saj të stafetës në Olimp. Ish atletja Olimpike 24 vjecare është Kinezja e parë që mbajti pishtarin Olimpik.

Katër vjet më parë Luo fitoi titullin e vetëm në not për Kinën ne Athinë për garat e notit stil i lirë për gra. E njohur si "Mbretëresha në Pishinë," ajo u kurorëzua si kampione bote për femra në 50 metra dhe 100 metra në vitet 2001 dhe 2003. Ajo deklaroi tërheqjen nga sporti në 2007 për arsye shëndetsore. Tashmë si studente e Universitetit të Pekinit për Marrdhënie Ndërkombëtare, Luo shpreson që stafeta e pishtarit të shpërndajë mesazhin e "Paqes Botërore."

Urime të ngrohta

Ditën që flaka u ndez në Olimp, Komiteti Organizativ i Pekinit për Lojrat e Olimpiadës së 29-të filloi programin "urimet më të mira për stafetën" në uebsajtin e tij zyrtar. Brënda dy ditësh, përdorues të internetit nga më shumë se 20 vënde dhe rajone, duke përfshirë Kinën, ShBA-në, Britaninë, Greqinë, Francën dhe Australinë postuan më shumë se 5000 mijë mesazhe në uebsajt.

"Ne urojmë të gjithë atletëve fat të mbarë dhe shpresojmë që Lojrat Olimpike të jenë paqësore dhe harmonike," thuhet në një email nga Klasa 6N e shkollës publike në Bankstoun, Nju South uejëlls Australi.

Një përdorues interneti nga ShBA i cili identifikohet me emrin Kris shkruan:"I uroj flakës Olimpike një udhëtim madhështor e të sigurt rreth Greqisë, botës dhe Kinës. I uroj gjithashtu Kinezëve të kenë lojrat më madhështore të zhvilluara ndonjëherë. Fat të mbarë Pekin 2008!"

Do të jetë një "nder i madh" kur flaka Olimpike të kalojë në Shën Peterburg, një nga pesë destinacionet në kontinentin Europian, më 5 prill, tha zëdhënësi i Komitetit Olimpik Rus Genadi Shvets. Të gjithë kampionët Olimpikë që jetojnë në Shën Peterburg, atletë të rinj dhe kampionë Olimpik nga e gjithë Rusia do të jenë atje për të marrë pjesë në stafetën 4 orëshe.

Shumë ditë përpara se stafeta të fillonte Presidenti i SHBA Xhorxh Bush rikonfirmoi se ai do të merrte pjesë në Lojrat Olimpike të Pekinit. Zëdhënësja e Shtëpisë së Bardhe Dana Perino tha se Bush beson se Lojrat Olimpike janë një shans për atletët për të garuar në majat e klasit të tyre.

Tepër Simbolike

Yang Dong, Drejtor i Përgjithshëm i qëndrës për Kërkimet Kulturore Olimpike pranë Universitetit të Bashkuar të Pekinit, tha se ceremonia e ndezjes së pishtarit ishte simboli i takimit të dy civilizimeve të lashta dhe vuri në dukje këmbënguljen e Pekinit për t'i bërë Lojrat Olimpike një ngjarje kulturore të larmishme dhe të orientuar nga njerëzit.

Yang tha se 293 edicione të Lojrave Olimpike ishin mbajtur nga 776 B.C në 393 A.D. E njëjta periudhë përkon me ngritjen e kulturës Kineze në Kinën e lashtë. Sportet, në atë kohë, u zhvilluan paralelisht në të dyja vëndet. Duke qënë se diferenca në kulturë ishte e madhe, vëndet e lashta i praktikuan sportet në mënyra të ndryshme. Për shembull, ndërsa Grekët i dhanë përparësi përmasave trupore, Kinezët i dhanë përparësi shëndetit dhe jetëgjatësisë, tha ai.

Sun Baoli, profesor në Universitetin e Sporteve të Pekinit, tha se Kina dhe Greqia trashëguan tradita të vecanta sportive për shkak të civilizimeve të ndryshme në agrikulturë dhe lundrim. Gjithsesi, theksoi ajo, diferencat përbëjnë një mundësi për tu bashkuar.

Sun tha se shpresonte që stafeta e pishtarit do t'i tregonte më mirë vendeve të tjera për kërkimin e paqes në botë dhe premtimin për ngritjen e një bote harmonike nga Kinezët, duke përhapur vlerat Olimpike si paqja dhe miqësia.