dëgjoni

Kohët e fundit, në pallatin e madh të koncertit të Pekinit u organizua shfaqja e Teatrit Qëndror të Operës, gjë që shënoi nisjen zyrtare të aktiviteteve madhështore në kuadrin e Lojërave Olimpike të Pekinit që do të zgjasin 6 muaj.

Në gusht të këtij viti do të organizohen në Pekin Lojërat e 29-ta Olimpike, këto Lojëra Olimpike jo vetëm janë një takim madhështor kompleks në fushën e sportit, por edhe një takim kulturor midis rajoneve dhe kombeve të ndryshme të botës. Sipas planit të Komitetit Organizativ të Lojërave Olimpike të Pekinit dhe të Ministrisë së Kulturës të Kinës, nga 20 marsi deri në fund të shtatorit do të shfaqen në Pekin më se 140 pjesë të shquara kulturore me 600 shfaqje, ndër to janë pjesë tradicionale operistike kineze, opera bashkëkohore, muzikë simfonike, koncerte me këngë e valle, koncerte të muzikës popullore dhe shfaqje të cirkut, të estradave dhe të pjesëve të tjera karakteristike kineze.

Në intervistën me korrespondentin e Radios së Jashtme të Kinës, zv-drejtori i Drejtorisë artistike të Ministrisë së Kulturës të Kinës Liu Zhongjun tha se këto do të jenë një demonstrim i përqendruar i arteve skenike me përpjesëtimet më të mëdha dhe me llojëshmëri më të shumta qysh nga vitet 50-të të shekullit të kaluar deri më sot, Ai tha se të gjitha shfaqjet që do të jepen gjatë këtyre aktiviteteve kulturore janë klasike dhe me cmim të ulët bilete.

"Të gjitha programet e shfaqjeve janë të zgjedhur nga krahinat e ndryshme të mbarë Kinës, përvec veprave të shquara të krijuar vitet e fundit, janë edhe vepra tradicionale dhe klasike. Me rastin e 100 ditëve dhe 50 ditëve të numërimit mprapsh nga hapja e Lojërave Olimpike të Pekinit do të organizohen edhe disa shfaqje tematike, që do t'u sjellin Lojërave Olimpike një atmosferë shumë të gëzueshme dhe spektatorëve një kënaqësi artistike. Këto shfaqje janë me cmime të ulëta bilete, pagesat për shfaqje kryesisht i dha administrata qeveritare. Qeveria pagoi qira për sallat e shfaqjeve si dhe shpërblime shtojce për trupat artistike në mënyurë që të sigurohen spektatorët të ndjekin këto shfaqje me cmime të ulëta të biletës.

Liu Zhongjun tha së në krahasim me shfaqjet e zakonshme tregtare, këto shfaqje janë me gjysëm çmimi, organizatorët nxjerrin edhe bileta të privilegjuar për nxënësit dhe masat e posaçme.

Përgjegjësi që merret me shitjen e biletave të aktiviteteve të rëndësishme kulturore në kuadrin e Lojërave Olimpike të Pekinit, z.Lu kaiWang ka besim të plotë për këtë treg.

"Që tani deri në fund të shtatorit, do të jepen më se 600 shfaqje, mesatarisht 100 shfaqje në muaj. Gjatë zhvillimit të Lojërave Olimpike të Pekinit, do të jepen disa gjini të ndryshme shfaqjesh, që do të jenë shumë të larmishme. Gjatë këtyre ditëve, në Pekin do të vijnë miq nga vende të ndryshme të botës, duke përfshirë sportistë, turistë etj. Ata do të kenë mundësi të zgjedhin programe të ndryshme, sipas mendimit tim, ata do të interesohen patjetër për këto shfaqje".

Sic mësohet, edhe Ministria e Kulturës e Kinës ka ftuar grupe dhe trupa të njohura artistike të vendeve të tjera për shfaqje në Pekin. Në prag të zhvillimit të Lojërave Olimpike të Pekinit, ata do t'u japin mysafirëve kinezë dhe të huaj programe dhe shfaqje të mrekullueshme. Përvec këtyre, edhe disa muze, galeri dhe pallate të arteve figurative po përgatisin ekspozita të ndryshme për të demonstuar kulturën tradicionale dhe artin modern të Kinës. ( Zhai)