dëgjoni

Dihet nga të gjithë se duhani është i dëmshëm për shëndetin dhe se, çdo vit në Kinë, afro 1 milion njerëz vdesin nga sëmundjet e shkaktuara nga pirja e duhanit. Për të krijuar një mjedis shoqëror të favorshëm për ndalimin e duhanit, qyteti Pekin shpalli kohët e fundit një rregullore, në të cilën u paraqit për herë të parë kërkesa që restorantet, holelet, qendrat e kualifikimit, kampet e pushimeve dhe lokalet e tjera të jenë të ndaluara për duhanin, gjë që tërhoqi vëmendjen shoqërore.

"Mërzitem shumë kur burri im pi cigare. Meqë nuk kam si ta ndaloj, unë i shmangem, kur ai pi sigare. Marr masa për të ajrosur shpesh dendur dhomën tonë."

Ju dëgjuat zërin e zonjës Sun Siao Yan që banon në ligjen Vangjing të Pekinit dhe që shpreh pakënaqësi për veprimin e burit të saj Li Gjanhua, i cili ka 30 vjet që pi cigare duke e marrë këtë si një pjesë të jetës së tij të përditshme.

"Mjaft raste më ngjallin dëshirën për të pirë duhan. Kur e ndiej veten të gëzuar, kur jam i mërzitur, kur pres në shtëpi ndonjë mik ose kur marr pjesë në ndonjë takim, nuk mund të mos pi cigare."Ja, kështu u mundua zoti Li për të shfajësuar.

Siç mësohet, në rregulloren e re të qytetit Pekinit, që do të vihet në zbatim në fund të majit, kërkohet qartë se, nëse ndokush pi cigare në vendet publike, pa përfillur këshillat e të tjerëve, të gjobitet me 50 juanë. Është e qartë se funksionarët e shëndetësisë të Pekinit i konsiderojnë Lojërat Olimpike të Pekinit si një rast të volitshëm për ta çuar më përpara punën e ndalimit të duhanit.

Rregullorja e re tërhoqi vëmendjen e qytetarëve. Pjesa më e madhe e qytetarëve shprehin përkrahjen e tyre për këtë rregullore, duke thënë se ndalimi i duhanit është gjë e dobishme për shëndetin e popullit dhe për krijimin e një mjedisi të shëndoshë shoqëror në kuadrin e Lojërave Olimpike që do të organizohen në Pekin në gusht të këtij viti. Një nga përkrahësit e kësaj rregulloreje është edhe zonja Sun Siao Yan, që u përmend më sipër.

"Unë e përkrah plotësisht. Pavarësisht se ku pi duhan, në shtëpi apo në vende publike, dëmton të afërmit dhe miqtë, prandaj askush nuk duhet të bëjë diçka që dëmton të tjerët dhe nuk është e dobishme as për veten e tij."

Specialistët thonë se tymi i duhanit përmban mbi 40 lloje lëndësh kancerogjene dhe mbi 10 lloje lëndësh të tjera që stimulojnë zhvillimin e kancerit. Ndër to, janë edhe nikotina, monoksidi i karbonit dhe lëndë të tjera kimike që janë më të rrezikshme për shëndetin e njeriut. Nikotina e një cigareje mund të vrasë një mi të bardhë. Ndoshta dëmet, që sjellin duhanpirësit, ia kalojnë përfytyrimit tonë. Nga arritjet e kërkimeve shskencore del se, në kohën kur pinë cigare, duhanpirësit u sjellin më shumë dëm njerëzve që janë pranë, sesa vetes së tyre.

Siç mësohet, dëmet e duhanit janë bërë sot një nga problemet më serioze të higjienës së përgjithsme në botë. Nga të dhënat statistikore të Organizatës Botërore të Shëndetësisë del se sot në botë 1 miliard e 300 milionë njerëz pinë duhan dhe çdo vit 5 milionë njerëz vdesin nga sëmundjet që kanë lidhje me duhanin. Në "Raportin mbi shëndetësinë në botë për vitin 2002" vihet në dukje se, pa u frenuar pirja e duhanit, duke filluar nga viti 2020, do të vdesin çdo vit 9 milionë njerëz nga sëmundjet e shkaktuara nga pirja e duhanit.

Sivjet është viti i tretë pas hyrjes në fuqi në Kinë të "Konventës së Kornizës për kufizimin e duhanit" të Organizatës Botërore të Shëndetësisë. Shpejtimi i punës së zbatimit të kësaj konvente dhe i ndërtimit të rrjetit të frenimit të duhanit është bërë theksi i punës së Kinës në këtë drejtim. Në 31 provincat, rajonet autonome dhe qytetet e varura nga Qëndra, do të bëhet puna vrojtuese për të grumbulluar të dhëna lidhur me përhapjen e duhanit dhe me aftësinë e kufizimit të duhanit, në mënyrë që të rritet aftësia e kufizimit të duhanit në shkallë provinciale. Zonja Gjang Yuan, funksionare e një sektori përkatës të Pekinit, tha se pas vënies në jetë të rregullores së re të sipërpërmendur të Pekinit, numri i duhanpirësve në këtë qytet do të pakësohet.

"Mua më duket se, në krahasim me vitet e kaluara, atmosfera e kufizimit të duhanit është bërë më e mirë dhe pjesëmarrësit në këto aktivitete janë shtuar. Shprehia shoqërore ka filluar të ndryshojë."

Do të fillojnë së shpejti në Pekin Lojërat e 29-ta Olimpike. Qeveria kineze i ka premtuar Komitetit Olimpik Ndërkombëtar "Lojëra Olimpike pa tum duhani" dhe do të organizojë aktivitete të ndalimit të duhanit në qytetet përkatëse. (Zheng)