dëgjoni

Gjatë 10 vjetëve të fundit, duke u mbështetur te burimet e pasura natyrore, u krijuan një sërë markash relativisht të njohura të ilaçeve, si Xiouzhen, Dongbao, Jinma etj., në qytetin Tonghua të provincës Jilin të Kinës Verilindore. Këto ndërmarrje të prodhimit të ilaçeve e kanë shndërruar epërsinë e burimeve vendore në epërsinë e zhvillimit të krijimit të shkencave dhe teknologjive, duke shtuar vitalitetin për krijimin e industrisë tradicionale dhe zhvillimin ekonomik.

"Në 84 ndërmarrje të prodhimit të ilaçeve të qytetit Tonghua, Grupi i prodhimit të ilaçeve Xiouzhen është bërë pararoja e zhvillimit të industrisë së prodhimit të ilaçeve tradicionale, duke u mbështetur te shfrytëzimi shkencor, burimet vendore dhe shtimi i investimeve në studime shkencore. Por ky grup i prodhimit të ilaçeve me vëllim të përgjithshëm të kapitaleve prej 2 miliardë e 500 milionë juanësh, ka qenë para 12 vjetësh një fabrikë e prodhimit të ilaçeve në rrezikun e falimentimit. Zv/drejtorja e përgjithshme e Grupit të prodhimit të ilaçeve Xiouzhen, zj. Gao Lu është dëshmitare e historisë së zhvillimit 12-vjeçar të këtij grupi.

"Në fillim, Grupi i prodhimit të ilaçeve Xiouzhen ka qenë një fabrikë e vogël që ndodhej në rrezikun e falimentimit. Humbjet e saj arritën në 4 milionë juanë. Në atë kohë, kjo fabrikë kishte vetëm disa persona dhe nuk kishte dhomë të mirë eksperimentale e sistem të shfrytëzimit të markës."

Grupi i prodhimit të ilaçeve Xiouzhen ndodhet në malet Changbai, ku ka rrënjë të pasur mjekësore që quhen rrënjë njeriu me vlerë shumë të lartë mjekësore dhe ekonomike. Për shkak të nxjerrjes së tepërt, rrënja e njeriut ndodhet në rrezikun e zhdukjes. Për të shfrytëzuar dhe për të mbrojtur në mënyrë efikase bimët mjekësore vendore, Grupi i prodhimit të ilaçeve Xiouzhen ka krijuar parkun industrial për të mbjellur rrënjë njeriu artificiale.

Për të ngritur vlerën e produkteve dhe markave e për të nxitur zhvillimin e ndërmarrjes, Grupi Xiouzhen ka shtuar investimet në shfrytëzimin dhe prodhimin e ilaçeve.

Zonja Gao Lu tha se Grupi Xiouzhen ka mbi 300 specialistë dhe punonjës.

"Grupi ynë i kushton rëndësi shumë të madhe krijimit të sistemit shkencor dhe teknologjik.Gjatë disa vjetëve të fundit, me aplikimin e teknologjive të reja, në shfrytëzimin e dytë të produkteve të vjetra dhe të produkteve të reja, ne kemi marrë teknologjinë e re të nxjerrjes dhe të shpërndarjes së ilaçeve kineze sipas kërkesave të standardizimit."

Nga janari deri në gusht të vitit të kaluar, të ardhurat nga shitja e ilaçeve të Grupit Xiouzhen arritën në një miliard e 400 milionë juanë, duke u shtuar 80% në krahasim me të njëjtën periudhë të vitit të kaluar. Tani produktet e prodhuara nga Grupi Xiouzhen shiten në shumë vende të botës. (Sihai)