dëgjoni

Krahas afrimit nga dita në ditë të Lojërave Olimpike të Pekinit, puna e shfrytëzimit të tregut të Lojërave Olimpike ka hyrë në fazën kyçe. Tani ka mbaruar puna e regjistrimit të ndërmarrjeve financuese për Lojërat Olimpike të Pekinit. Një sërë ndërmarrjesh të dalluara kineze dhe ndërkombëtare janë bërë financuese të Lojërave Olimpike. Këto ndërmarrje jo vetëm kanë dhënë kontribut e përkrahje në fonde, materiale, teknologji dhe shërbime, por edhe kanë zhvilluar aktivitete publike, duke ngritur në mënyrë efikase njohjen e markave të tyre.

Tani 63 ndërmarrje janë bërë ndërmarrje financuese të Lojërave Olimpike të Pekinit, ndër të cilat përfshihen 12 partnerë bashkëpunimi të Komitetit Olimpik Ndërkombëtar, si

Coca-Cola, General Electric, Kodak etj; dhe 11 partnerë bashkëpunimi të vitit 2008 të Pekinit, si Banka e Kinës, Volkswagen etj.

Këto ndërmarrje kanë dhënë fonde të mjaftueshme, materiale etj., duke hedhur bazë të fortë materiale në organizimin e Lojërave Olimpike. Për këtë, drejtorja e Degës së shfrytëzimit të tregut pranë Komisionit Organizator Olimpik të Pekinit, zj. Yuan Bin tha: "Këto ndërmarrje i kanë kombinuar ngushtë figurën e produkteve e markave të veta, përhapjen e lëvizjes olimpike dhe propagandimin e Lojërave Olimpike të Pekinit, duke shtuar njohjen e tyre. Njëkohësisht këto ndërmarrje kanë përhapur njohurinë e lëvizjes olimpike dhe kanë popullarizuar idenë e frymën e Lojërave Olimpike, duke dhënë kontribut shumë të rëndësishëm për Lojërat Olimpike."

Si vendi më i madh në zhvillim në botë, organizimi i Lojërave Olimpike do ta nxitë Kinën të shndërrohet në një arenë të pakrahasueshme. Për sa u përket ndërmarrjeve kineze, Lojërat Olimpike të vitit 2008 në Pekin do t'u sjellin atyre shumë raste të mira tregtare, ndërsa për sa u përket ndërmarrjeve ndërkombëtare, Lojërat Olimpike të vitit 2008 në Pekin do t'u japin atyre një platformë të mirë për hyrjen e tyre në tregun kinez.

Zv/drejtori i përgjithshëm i Korporatës Atos Origin, Patrik Adiba tha se si financimi i Lojërave Olimpike do të favorizojë shtimin e njohjes së Atos Originit dhe do të shpejtojë zhvillimin e biznesit të saj në Kinë.

"Me shtimin e njohjes së Korporatës Atos Origin, ajo ka zhvilluar bashkëpunim me gjithnjë e më shumë ndërmarrje kineze. Ne jemi të mendimit se Lojërat Olimpike të Pekinit do të shpejtojnë zhvillimin e biznesit të Atos Originit në Kinë. Gjatë disa vjetëve të kaluar, Kina ka pasur një zhvillim shumë të madh në fushën e industrisë së përpunimit, por tani kërkesat e sektorëve të shërbimeve do të jenë gjithnjë e më të mëdha. Gjatë disa vjetëve të ardhshëm, Korporata Atos Origin do të luajë një rol nxitës në fushën e shërbimeve të teknologjisë informative të Kinës."

Lojërat Olimpike të Pekinit do të tërheqin kontributin e shumë ndërmarrjeve të fuqishme të botës.

Si partnere bashkëpunimi global e Komitetit Olimpik Ndërkombëtar dhe si partnere bashkëpunimi global e stafetës së pishtarit të Lojërave Olimpike të Pekinit, Korporata Samsung organizoi aktivitetin e zgjedhjes së pishtarmbajtësit. Kjo korporatë ftoi shumë personalitete publike shoqërore ta mbajnë këtë përgjegjësi, ndër të cilët përfshihen fshatarë, mësues, specialistë në mbrojtjen e mjedisit, mjekë dhe shumë njerëz të thjeshtë. Drejtori i përgjithshëm i Korporatës Samsung në Kinë, z. Park Yoon Heyi tha: "Ne kemi zbatuar në mënyrë elastike formën e votimit në internet, duke zgjedhur 265 njerëz të thjeshtë. Ata kanë pasur entuziazëm shumë të madh për zhvillimin shtetëror dhe stabilitetin shoqëror. Megjithëse nuk njihen gjerësisht nga shoqëria, këta njerëz ka dhënë kontribut të paçmueshëm për shoqërinë kineze dhe zhvillimin kulturor. Korporata Samsung është e mendimit se ata mund të përfaqësojnë me të vërtetë pjesëmarrjen e popullit kinez në aktivitetet e stafetës së pishtarit të Lojërave Olimpike të Pekinit."

Grupi Lenovo është ndërmarrja e parë në Kinë që bëhet financuese e fuqishme botërore. Duke zhvilluar aktivitetet e shitjes, Grupi Lenovo nuk harron përgjegjësinë e tij shoqërore si një ndërmarrje vendore dhe ka marrë pjesë me plan në çështjet e ndryshme publike. Për të mobilizuar pjesëmarrjen e më shumë kinezëve në Lojërat Olimpike, nga viti 2006, Grupi Lenovo ka zhvilluar aktivitetet e 'udhëtimeve të Lenovos në 100 distrikte të Kinës për përkrahjen e Lojërave Olimpike të Pekinit'. Numri i pjesëmarrësve në këto aktivitete arriti në mbi 8 milionë. Zv/drejtori i përgjithshëm i Grupit Lenovo Chen Shaopeng tha se qëllimi i aktiviteteve është që më shumë njerëz të gëzojnë lumturinë e Lojërave Olimpike.

Ne shpresojmë gjithashtu se njerëzit që banojnë në zonat e largëta kufitare do të kenë rast për të marrë pjesë në Lojërat Olimpike dhe për të gëzuar lumturinë e Lojërave Olimpike, sepse Lojërat Olimpike të Pekinit do të jenë një takim madhështor i kombit kinez. Grupi ynë është një financues i fuqishëm botëror i Lojërave Olimpike të Pekinit dhe mban një përgjegjësi shoqërore.

Krijimi i "Lojërave Olimpike të gjelbra" është një premtim i Lojërave Olimpike të Pekinit për vitin 2008 dhe orientim i përpjekjeve të të gjithë financuesve. Si partnere bashkëpunimi global e Komitetit Olimpik Ndërkombëtar, Korporata General Electric punon gjithmonë për mbrojtjen e mjedisit. Drejtori i përgjithshëm i Korporatës me përgjegjësi të kufizuar në Kinë pranë GE-së Steve Bertamini tha se GE-ja do të zhvillojë më tej strategjinë e Lojërave Olimpike të gjelbra në Kinë dhe do të nxitë aplikimin e teknologjive të larta të kursimit të energjisë dhe të mbrojtjes së mjedisit për të ndihmuar në zhvillimin e vazhdueshëm të Kinës dhe në krijimin e "Lojërave Olimpike të gjelbra të Pekinit".

"GE-ja premtoi solemnisht para Kinës se ne jo vetëm dëshirojmë të kontribuojmë forcat tona, por edhe dëshirojmë të investojmë teknologjitë dhe fondet tona për të ndihmuar Pekinin në realizimin e objektivit të Lojërave Olimpike të gjelbra. Ne kemi bërë shumë punë për forcimin e lidhjeve me jashtë, duke treguar sukseset e organizimit të Lojërave Olimpike të gjelbra të Pekinit."

Kryetari i Komitetit Olimpik Ndërkombëtar Jacques Rogge vlerësoi se financuesit e niveleve të ndryshme të Lojërave Olimpike të Pekinit kanë marrë pjesë në aktivitetet e ndryshme publike, e kanë dhënë kontribut aktiv për zhvillimin e frymës olimpike, duke fituar raste të shfaqjes në arenën ndërkombëtare dhe duke krijuar figurën e mirë. (Sihai)