Qyteti Jining është djepi i kulturës konfuciane, kjo kulturë është përhapur nga ky vend në rajone të ndryshme të mbarë botës. Siç mësohet, qyteti me gjurmë të kulturës kineze jo vetëm do të mishërojë kulturën e Konfucit dhe të Menzit, por do të demonstrojë edhe forma të ndryshme kulturore të 56 kombësive të Kinës. Në të do të mishërohen koncepti i vlerës dhe synimet e përbashkëta estetike të kombit kinez, do të mishërohen edhe bukuria klasike dhe bashkëkohore, karakteri kombëtar dhe botëror.

Dijetari i njohur kinez, nënkryetari i Komitetit të Përhershëm të Asamblesë Kombëtare Popullore të Kinës Xhy Jialu, tha :" Në Kinë ka shumë objekte kulturore, jo vetëm libra të panumërt, por edhe objekte të panumërta arkeologjike. Në provinca të ndryshme ka edhe objekte të pasura kulturore mbi tokë.

Si kinezët që jetojnë brënda ose jashtë, ashtu dhe miqtë e huaj, ndoshta nuk do të kenë mundësi të marrin një edukim kulturor dhjetravjeçar, nuk do të kenë qartë se ç'është kultura e kombit kinez, që nuk është vetëm Muri i Madh Kinez apo ushtarët prej terrakote. Duke folur për qytetin me gjurmë të kulturës kineze, unë shpresoj që në këtë tokë 300 kilometra katrorë, pavarësisht kush do të jetë, sa të qendrosh dy a tri ditë, të bëjë vizitë në disa pika të tij turistike, ai do të marrë vesh se e tillë është kultura e kombit kinez, e tillë është edhe kjo frymë e këtij kombi".

Xhy Jialu tha se ndërtimi i qytetit me gjurmë të kulturës kineze është në favor të demonstrimit në mënyrë të përqendruar të kulturës së shquar tradicionale të kombit kinez për vendin dhe botën. Përkujdesja, trashëgimia dhe vazhdueshmëria e konceptit thelbësor të vlerës, ideologjisë thelbësore shpirtërore dhe e besimit e moralit thelbësor të kombit kinez të formuar prej 5 mijë vjetësh do të luajnë një rol aktiv për ndërtimin e një shoqërie të harmonishme në Kinë. ( Zhai)