dëgjoni

Ditët e fundit, pas 6 vjet diskutimesh, u shpall nisja zyrtare e ndërtimit të qytetit me gjurmë të kulturës kineze dhe mbledhja nga e gjithë bota e projektit të ndërtimit të përgjithshëm, planit të ndërtimit të zonës kryesore dhe projektit të objektit të parë të ndërtimit. Mbledhja e këtyre projekteve filloi më 1 mars dhe do të përfundojë më 1 shtator. Projektet që fitojnë çmime do të demonstrohen gjatë festivalit ndërkombëtar të kulturës së Konfucit në Qufu të Shandonit.

Ndërtimi i qytetit me gjurmë të kulturës kineze është propozuar në fillim nga 69 shkencëtarë të njohur dhe persona patriotë të qarqeve të ndryshme të Kinës. Sipas planit, qyteti me gjurmë të kulturës kineze do të ndërtohet në Jining të provincës Shandon në malin Jiulong, që ndodhet midis qytetit të njohur kulturor historik Qufu dhe qytetit Zhoucheng. Siç mësohet, themeluesit e civilizimit kinez Fuxi, Yandi, Huangdi, Shaohaodi dhe Yao, Shun, Yu, kanë lënë këtu gjurmët e tyre.

Në lindje të malit Jiulong ndodhet vendlindja e themeluesit të Konfuzizmit? Konfucit, kurse në perëndim të këtij mali ndodhet vendlindja e personit të rëndësishëm të familjes konfuciane Menzi. Shumë ndërtesa dhe vende arkeologjike të ruajtura në këtë zonë janë shenja të rëndësishme të kulturës kineze.

Drejtori i Komitetit të ndërtimit të qytetit me gjurmë të kulturës kineze Jiang Daming tha : "Ndërtimi i qytetit me gjurmë të kulturës kineze është një vepër madhështore kulturore për të çuar më tej kulturën e shquar tradicionale kineze dhe për të shtuar forcën tërheqëse të kulturës kineze. Vendi i veprës u përcaktua në qytetin Jinin, vendlindja e Konfucit dhe e Mensit. Kjo vepër ka përqendruar forcën tërheqëse të kulturës kineze dhe shpirtin e kësaj kulture, duke u bashkuar me kinezë të mbarë botës për të nxitur bashkimin e atdheut dhe solidaritetin kombëtar, për të nxitur krijimet e reja të kulturës kombëtare si dhe shkëmbimet kulturore me botën e jashtme dhe zhvillimin e civilizimeve të shumëllojshme."

Vargmalet Jiulong kanë gjithsej 13 maja të larta dhe janë 5 kilometra të gjata. Ato kanë jo vetëm gojëdhëna të bukura magjike, por në mes të maleve janë ruajtur edhe shumë objekte arkeologjike, si varrezat Moya të dinastisë Han para 2 mijë vjetëve, figura të bukura skulpturore të gdhendura në shkëmbinj të maleve të dinastisë Tang të shekullit të 10-të etj.

Kombi kinez prej kohësh e ka zakon të bëjë lutje për adhurimin e paraardhësve. Biznesmeni i njohur hongkongas, z. Zeng Xianzi, është pasardhësi i ideologut të njohur kinez të lashtësisë Zeng Zi. Ai është i mendimit se ndërtimi i qytetit me gjurmë të kulturës kineze ka rëndësi të madhe. Ai tha : "Jam nipi i brezit të 74-të të Zeng Zi-së. Vitet e fundit, unë dhe njerëzit e familjes time shkojmë përvit në qytetin Jining të provincës Shandong në aktivitetet përkujtimore të adhurimit të paraardhësit Zeng Zi. Sa herë që shkoj, kam përshtypje të thella. Kombi kinez është një komb që i kushton një rëndësi lidhjes së prejardhjes nga i njëjti gjak. Teoria e Konfucit ka ushtruar një ndikim disa mijëvjeçar mbi zhvillimin shoqëror të Kinës, sot Konfuci është bërë simbol i krenarisë së bijve dhe bijave kineze në botë. Ndërtimi i qytetit me gjurmë të kulturës kineze në vendlindjen e Konfucit, Zenzit dhe Menzit do të përkrahet gjerësisht nga bashkatdhetarët jashtë vendit." ( Zhai)