dëgoni

Palaçoja është një lloj roli i rëndësishëm në operën e Pekinit. Ata zakonisht nuk janë rol kryesor në skenë dhe bëjnë kryesisht për të qeshur gjatë shfaqjes, por ky rol është i vështirë për t'u luajtur dhe kërkon talentin e lartë të aktorëve. Sun Zhengyang është aktori i famshëm i operës së Pekinit për palaço dhe quhet "palaçoja e famshme në Kinën Jugore".

77-vjeçari Sun Zhengyang është një plakush, megjithëse interpreton rolin e palaços në skenë, ai është një burrë i pashëm në jetë. Sot Sun Zhengyang jep ende shpesh shfaqje, për shkak të përvojës shumëvjeçare të interpretimit, personazhi i interpretuar nga ai fiton shumë përshëndetjen e shikuesve. Duke folur për historinë e mësimit të operës së Pekinit, Sun Zhengyang tha:

"Kur isha në moshën 5 vjeçare, fillova të mësoj operën e Pekinit së bashku me motrën. Në fillim s'më pëlqente shumë roli i palaços sepse interpretimi i palaços është i vështirë. Krahas mjeshtërisë së këndimit dhe të interpretimit, një aktor i palaços i operës së Pekinit duhet të mësojë edhe opera të tjera tradicionale vendore të Kinës."

Në moshën 6-vjeçare, Sun Zhengyang dha për herë të parë shfaqje në skenë dhe interpretoi një lopcar të vogël. Gradualisht ai filloi t'i pëlqejë roli i palaços i operës së Pekinit. Në vitet '40 të shekullit të kaluar, Sun Zhengyang u pranua në shkollën e operës të Shangait për mësime, atje ai mësoi me zell nga shumë mjeshtra të operës së Pekinit dhe filloi të bashkëpunojë me aktorë të tjerë për të dhënë shfaqje duke grumbulluar përvojën e pasur të interpretimit. Në vitin 1949, Sun Zhengyang mori pjesë në trupën e famshme të operës së Pekinit në Kinë - Trupën e Operës së Pekinit të Shangait dhe filloi të bashkëpunojë me aktorë të famshëm të operës së Pekinit si Zhou Xinfang, Tong Zhiling etj. për shfaqje.

Në operën e Pekinit, roli i palaços është zakonisht një rol ndihmës, por gjatë shfaqjes shumëvjeçare, Sun Zhengyang ka krijuar disa vepra me palaçon si rol kryesor. Në bazë të përvojës së interpretimit të paraardhësve të palaços të operës së Pekinit, Sun Zhengyang ka krijuar pandërprerë risi në anën e interpretimit duke dhënë kontributin e madh për pasurimin e interpretimit të palaços të operës së Pekinit. Sun Zhengyang tha:

"Komedia është një art i vështirë. Jam i mendimit se palaçoja nuk do të thotë shëmtia, përkundrazi ai duhet t'i ndihmojë shikuesit të gjejnë bukurinë."

Mjeshtëria e interpretimit e Sun Zhengyangut është shumë e lartë, njëkohësisht ai është i aftë të mësojë karakteristikat e aktorëve të tjerë të operës së Pekinit duke krijuar stilin e vet të interpretimit. Shikuesit e quajnë "palaçoja e famshme në Kinën Jugore".

Vitet e fundit, Sun Zhengyang ka shkuar shumë herë në Tajvan të Kinës për shfaqje. Ai mori pjesë në shfaqjen e shumë pjesëve të reja të përshtatura nga pjesë të vjetra të operës së Pekinit. Për shembull në pjesën "Legeni i zi" e shfaqur pak kohë më parë, ai interpretoi personazhin "Zhang Biegu". Interpretimi i Sun Zhengyangut ishte shumë gazmor, ai tha:

"Në Tajvan dhamë shumë pjesë të reja të operës së Pekinit dhe shtova shumë mjeshtëri të reja në interpretimin. Kjo ishte një provë e mirë për ngritjen e nivelit artistik."

Sun Zhengyang u shpreh se opera e Pekinit është kënaqsia më e madhe në jetën e tij. Sot ai ngul këmbë në ushtrime, nëse gjendja shëndetësore është e mirë, ai do të vazhdojë të japë shfaqje në skenë. (Fani)