dëgjoni

Në maj të vitit 2007, Komitetit Olimpik Ndërkombëtar publikoi linjën globale të stafetës së pishtarit të Lojërave Olimpike 2008 dhe Hong-Kongu është një ndalesë e kësaj stafete. Çfarë plani ka Hong-Kongu për pritjen e pishtarit olimpik? Më poshtë do t'ju njohim me përgatitjet e Hong-Kongut në këtë drejtim si dhe tregimet e tij gjysmë-shkullore me pishtarin olimpik.

Sipas linjës globale të stafetës së pishtarit të Olimpiadës së Pekinit, zjarri i shenjtë olimpik do të mbërrijë në Hong-Kong më 2 maj 2008. Pasi morën vesh këtë lajm, qarqet e ndryshme të Hong-Kongut janë të mendimit se kjo do të bëhet një nga ngjarjet e mëdha në historinë e sportit të Hong-Kongut, sepse pas ngritjes së lëvizjes së Olimpiadës moderne, Hong-Kongu kishte vetëm një takim me pishtarin olimpik. Ky takim ndodhi në vitin 1964, në kuadrin e Lojërave Olimpike të Tokjos dhe stafeta e pishtarit të atij edicioni të Olimpiadës kaloi nga Hong-Kongu. Nga ana tjetër, në Hong-Kong, që gjendet mbi 2000 km larg Pekinit, a do të ketë një atmosferë të mirë olimpike për zhvillimin e garave të hipizmit? Kjo ka tërhequr shumë vëmendje. Kalimi nga Hong-Kongut i pishtarit të Olimpiadës së Pekinit pa dyshim do të t'i japë këtij qyteti një rast shumë të mirë për përhapjen e Olimpiadës dhe për tërheqjen e pjesëmarrjes së banorëve. Gjatë një interviste për korrespondentin e radios sonë, Kryetari i Komisionit Olimpik të Hong-Kongut Timothi Fok u shpreh:

"Shpresoj se nëpërmejt kanaleve të ndyrshme, banorët e thjeshtë hongkongas, jo vetëm ata sportistë të dalluar, të marrin pjesë në Olimpiadën, që të krijohet një atmosferë në përputhje me organizimin e garave olimpike."

Për organizimin e një atmosfere sa më të mirë për Olimpiadën, duhet ideuar me kujdes të madh linja e stafetës së pishtarit. Sekretari i përgjithshëm vullnetar i Komisionit Olimpik të Hong-Kongut, z. Pang Chong është një nga hongkongasit e pakët që kanë eksperiencë për stafetën e pishtarit olimpik. Në vitin 1964 gjatë stafetës së pishtarit të Olimpiadës së Tokjos, Pang Chong-u, si atlet, ishte një nga pishtarmbajtësit. Pishtarin që mbante para 44 vjetëve kur stafeta kaloi nga Hong-Kongu, Pang Chong-u e ruan si i çmuar edhe sot në shtëpinë e tij. Në saje të kësaj eksperience, kur mori vesh se pishtari i Olimpiadë së Pekinit do të kalojë përsëri nga qyteti i tij, Pang Chong-u u duk shumë i ngacmuar. Ai e kujtoi hollësisht procesin e stafetës së pishtarit olimpik të vitit 1964 në Hong-Kong.

"Atëherë, aeroplani u ul në aeroportin Kai Tak dhe pastaj pishtari u çua me anije në Chung Wan, ku ndodhet Pallati i Madh i Hong-Kongut, që sapo u përurua. Pishtari u vendos në Pallatin e Madh dhe çdo person mund të hynte brenda për t`a parë. Tërë linja e stafetës filloi nga Keuloni deri në Hong-Kong dhe pas u kthye në Keulon. Një linjë shumë e gjatë, pra të gjithë banorët hongkongas mund t`a shihnin."

Në bazë të përvojës së kaluar, funksionari përkatës i Hong-Kongut u shpreh se në ideimin e linjës së stafetës në Hong-Kong, do të përfshijë të gjitha pikat me përfaqësim në Hong-Kong. Kështu, jo vetëm do t'i demonstrojë gjithë botës panoramën e bukur të Hong-Kongut, por do të nxitë edhe entuziazmin e hongkongasve për Olimpiadën.

Duke folur për stafetën e pishtarit, nuk mund të mos flas për mbajtësit e pishtarit. Si anëtar i Komitetit Olimpik Ndërkombëtar, Komisioni Olimpik i Hong-Kongut ka të drejtën e pavarur për zgjedhjen e pishtarmbajtësve. Lidhur me këtë, kryetari i këtij komisioni Timothi Fok vuri në dukje se sportistë e artistë të njohur janë të domosdoshëm, sepse ata përfaqësojnë suksesin e Hong-Kongut, por njëkohësisht vetëm pjesëmarrja e sa më shumë banorëve të thjeshtë do të mishërojnë shpirtin e Olimpiadës. Kur kalojë nga Hong-Kongu, pishtari i Olimpiadës së Pekinit do t'u transmetojë popujve të mbarë botës tjetër informacion të rëndësishëm. Z. Pang Chong tha:

"Në vitin 2008, ka kaluar mbi 10 vjet që Hong-Kongu u kthye në gjirin e Kinës. Nëpërmjet këtij rasti, do ta demonstrojmë Hong-Kongun pas kthimit, që është më i mirë se në vitin 1997." (Wang Lei)