Hainani është një provincë në skajin jugor të Kinës dhe ishulli i dytë më i madh në Kinë. Provinca Hainan u krijua zyrtarisht në vitin 1988 dhe është zona e posaçme ekonomike me sipërfaqen më të madhe në Kinë. Në fillim të krijimit të saj, ekonomia e provincës Hainan ishte e prapambetur. Por tani ekonomia e Hainanit doli nga gjendja e vështirë, duke ecur në rrugën e zhvillimit të shëndoshë.

"Për shkak të popullsisë së paktë dhe të komunikacionit të pazhvilluar ishullor, rritja ekonomike e Hainanit ishte gjithmonë e ngadaltë. Në vitin 1987, vëllimi i prodhimit të përgjithshëm i gjithë provincës Hainan ishte vetëm 5 miliardë juanë. Në vitin 1988, bashkëpunëtori i vjetër i Akademisë së Shkencave Shoqërore të Kinës, z. Liao Xun arriti për herë të parë në qytetin Haikou, kryeqendra e provincës Hainan, ai u habit shumë për ekonominë e prapambetur vendore.

"Pamja e qytetit ishte njësojë me pamjen e fshatit, kudo rriteshin pula, rosa, derra dhe qentë. Në këtë qytet kishte vetëm disa rrugë kryesore."

Bashkëpunëtori i vjetër Liao u ftua nga administrata e provincës hainan për të punuar. Megjithëse ekonomia e Hainanit ishte relativisht e prapambetur, perspektiva e zhvillimit e zonës së posaçme ekonomike me sipërfaqen më të madhe në Kinë ishte shumë e mirë. Prandaj ai vendosi të qëndrojë aty për të punuar. Tani Liao Xun është nëndrejtori i Institutit Administrativ të Hainanit. Ai tha se në atë kohë, njerëzit ishin të mendimit se me mbështetjen te politikat e favorshme shtetërore, ekonomia e Hainanit do të kishte patjetër një zhvillim të madh.

"Për të shpejtuar zhvillimin ekonomik të hainanit, u zhvilluan studime të hollësishme për të gjitha politikat e favorshme që ka ndërmarrë qeveria. Politika për eksportin e produkteve ishte më efikasja dhe ka nxitur lulëzimin e turizmit vendor. Qysh atëherë, ekonomia e Hainanit është zhvilluar nga dita në ditë."

Në fillim të viteve 90 të shekullit të kaluar, qeveria kineze filloi reformën e banimit për të zhvilluar tregun e trojeve dhe të banesave. Kjo i ka sjellë Hainanit një rast shmë të madh tregtar. Më pas në këtë ishull me një popullsi prej 1 milionë e 600 mijë banorësh u krijuan mbi 20 mijë shoqëri tregtare të trojeve dhe të banesave. Gjatë 3 vjetëve, çmimi i banesave në Hainan u rrit 5 herë. Krahas shtimit të pandëprerë të shoqërive tregtare të trojeve dhe të banesave, tregu i trojeve dhe i banesave në Hainan humbi kontrollin, duke shkaktuar një gjendje të ndërlikuar. Për këtë, në vitin 1993 qeveria kineze mori një sërë masash rregulluese.

Në vitet 90 të shekullit të kaluar, administrata e provincës Hainan parashtroi ta shndërojë Hainanin në një provincë të re industriale të Kinës.

Zëdhënësi i shtypit i Degës së Bujqësisë pranë provincës Hainan, z. Chen Yongwang tha se kushtet natyrore në Hainan janë shumë të mira dhe përshtaten për rritjen e zarzavateve. Deri në vitin 2007, sipërfaqja e rritjes së zarzavateve në dimër në tërë provincën u 4 fishuan. Prodhimi i zarzavateve në dimër është bërë burim kryesor i të ardhurave të fshatarëve.

"Nëpërmjet koordinimit të strukturës ekonomike, prodhimi i zarzavateve në dimër ka përcaktuar pozitën bazë të prodhimit të zarzavateve të Hainanit në mbarë vendin tonë. Në vitin 2007 sasia e prodhimit të zarzavateve arriti në 4 milionë tonë. Ky është një ndryshim shumë i madh.

Në drejtimin e planifikimit racional, turizmi i ishullit Hainan është zhvilluar në mënyrë të vrullshme. Tani në provincën Hainan janë ndërtuar mbi 900 hotele. Këto hotele mund të presin mbi 20 milionë turistë në vit. Provinca Hainan ka zbatuar kalimin e kufirit pa viza për grupet turistike të 21 vendeve ose rajoneve të botës. Në vitin 2007, provinca Hainan priti mbi 18 milionë turistë kinezë dhe të huaj, duke zënë vendin e parë në mbarë vendin tonë. Drejtori i Drejtorisë së Turizmit të provincës Hainan, z. Zhang Qi tha se objektivi i zhvillimit turistik të Hainanit është krijimi i ishullit për turizmin ndërkombëtar. Hainani ka epërsi shumë të mëdha në burimet turistike.

Nëndrejtori i Degës së zhvillimit dhe të reformës pranë provincës Hainan tha se Gjatë zhvillimit ekonomik, Hainani i përmbahet mbrojtjes së mjedisit ekologjik dhe e konsideron mbrojtjen e mjedisit si detyrën e parë. Hainani synon për konsumin më të paktë të burimeve për të fituar efektivitetin më të madh ekonomik e shoqëror.

Ne jemi të mendimit se ekonomia e Hainanit ka hyrë në periudhën e rritjes së vazhdueshme. (Sihai)