(Dalian)

dëgjoni

Qysh nga zbatimi i strategjisë për rigjallërimin e bazës së vjetër industriale të Kinës Verilindore, provinca Liaoning që ndodhet në pjesën verilindore të Kinës, ka parashtruar dhe ka zbatuar strategjinë për nxitjen e zhvillimit ekonomik kontinental, duke u mbështetur te ekonomia e zonave bregdetare. Si një qytet i rëndësishëm i zonave bregdetare të Liaoning-t, qytet Dalian ka përmirësuar më tej mjedisin e investimeve dhe ka zgjeruar hapjen me jashtë. Me përmirësimin e mëtejshëm të mjedisit, gjithnjë e më shumë shoqëri shumëkombëshe janë vendosur në Dalian.

Pak kohë më parë Korporata ndërkombëtare me përgjegjësi të kufizuar e prerjes së metaleve IMC u vendos në zonën e zhvillimit ekonomik dhe teknologjik të Dalianit. Zv/drejtori i përgjithshëm i kësaj korporate Du Hongwei mori pjesë në zgjedhjen e vendit për ndërtimin e fabrikave të korporatës. Duke folur për ndërtimin e fabrikave në Dalian, ky zv/drejtor i përgjithshëm tha: "Daliani jo vetëm ka zbatuar si duhet politikën për tërheqjen e biznesmenëve, por edhe ka bërë shumë punë për t'u shërbyer atyre. Më në fund korporata jonë vendosi që të ndërtojë fabrika atje."

Korporata ndërkombëtare me përgjegjësi të kufizuar e prerjes së metaleve IMC prodhon kryesisht mjetet e prerjes së metaleve me cilësi të lartë për sektorët e automjeteve, të përpunimit të makinerive etj. Saktësia e produkteve është shumë e lartë edhe kërkesa për cilësinë e ajrit është shumë e madhe. Para ndërtimit të fabrikës, afër saj kishte një oxhak me një lartësi prej 30 metrash, ky oxhak kishte mundësi të ndikonte mbi mjedisin e fabrikës. Korporata u shqetësua shumë për këtë problem. Zona e zhvillimit ekonomik dhe teknologjik e mësoi këtë dhe e zgjati këtë oxhak. Duke folur për këtë gjë, zv/drejtori i përgjithshëm i kësaj korporate tha: "Për të përmirësuar mjedisin, zona e zhvillimit ka paguar para për zgjatjen e oxhakut. Drejtuesit e korporatës shprehën kënaqësi dhe janë shumë të gëzuar."

Në të ardhmen, biznesmenët e huaj që dëshirojnë të vijnë për të investuar në Dalian, nuk do të shpërdërojnë kohën për disa gjëra të vogla. Zv/drejtorja e Drejtorisë së Bashkëpunimit Ekonomiko-Tregtar me jashtë të qytetit Dalian Mei Yuzheng tha se duke u nisur nga interesat e investueve, në fillim të këtij viti, Daliani ka parashtruar "projektin e zgjidhjes së investimeve në objekte kryesore". Ky projekt është për të ndihmuar biznesmenët e huaj të zgjidhin probleme reale tëhasura në ndërtimin e objekteve për të shpejtuar kohën e ndërtimit të objekteve.

"Kur biznesmenët e huaj parashtrojnë mendimin e investimeve, ne duhet të ndërmarrin politika përkatëse rreth fushave dhe objekteve ku ka mundësi të hyjnë biznesmenët e huaj. Kështu ata mund të bëjnë si duhet investime në këto objekte."

Për të nxitur më tej tërheqjen e biznesmenëve dhe investimeve, sivjet Daliani ka krijuar një platformë për tërheqjen e investimeve, duke dhënë shumë shërbime. Krijimi i kësaj platforme është për të inkurajuar më shumë objekte të dalluara të hyjnë në Dalian.

"Sivjet është vit i tërheqjes së biznesmenëve dhe të investimeve, gjë që përputhet me kërkesën e konceptit shkecor. Daliani po punon për zhvillimin industrial, duke zgjedhur objektet me ndotje të ulta, me vlerë të lartë, me investime të mëdha dhe me teknologji të reja e të larta.

Përveç këtyre, në drejtimin e politikës, ndërmarrjet me investime shumëvjeçare të Dalianit kanë filluar zgjerimin e biznesit të tyre. Politikat e ndryshme të favorshme të dalianit kanë nxitur zhvillimin e ndërmarrjeve. Edhe biznesi i shumë shoqërive të huaja po zgjerohet më tej. (Sihai)