dëgjoni

Melodia popullore me titull "Lotosi në ujë" e interpretuar nga Mou Shanping në sheng është krijuar mbështetur në operën lokale të provincës Shandong të Kinës lindore. Kjo melodi përshkruan virytet e larta të lotosit që rritet në baltë por ruan pastërtinë e vet, duke shprehur mendimin se njerëzit duhet të kenë virtytet fisnike të lotosit.

Në pjesën e parë të këtij programi që dhamë, ju tregova se sheng-u është një vegël muzikore frymore e lashtë kineze dhe filloi të përdorej qysh në shekullin e 11-të para erës sonë, e cila ka dimbër të qartë e kumbues dhe forcën e madhe shprehëse.

Mou Shanping është instrumentisti i njohur kinez i sheng-ut. Që kur ishte i vogël ai interesohej shumë për muzikën dhe mësoi t'u binte veglave popullore muzikore xiao etj. Duke mësuar traditat popullore, Mou Shanping ka guxuar të krijojë të rejat dhe ka krijuar stilin e vet. Interpretimi i tij është njëkohësisht i fortë dhe i butë, ka shije të veçantë dhe vlerësohet lart nga instrumentistët e tjerë. Tani le të shijojmë melodinë popullore të interpretuar prej tij me titull "Kënga e varkëtarëve në liqenin Weishanhu".

Wishanhu është një liqen në provincën Shandong të Kinës lindore, ku ka pezazh të bukur dhe produkte të pasura ujore. Kompozitori e ka krijuar këtë melodi mbështetur në këngët popullore të zonës së liqenit, kjo melodi përshkruan punën e peshkatarëve në liqen dhe gëzimin e tyre duke u kthyer me varkat e ngarkuara plot me peshq të zënë.

Mou Nan është një instrumentist i ri kinez i sheg-ut. Ai ka lindur në vitin 1970, që kur ishte 12 vjeç mësoi nga i ati Mou Shanping t'i binte sheng-ut, në moshën 17 vjeçare ai u pranua në Konservatorin e Shangait për të studjuar në specialitetin e sheng-ut. Pas diplomimit ai ka punuar e punon deri tani në Institutin e Artit të provincës Shandong. Mjeshtria e interpretimit të tij është e gjithanshme, dimbri është i qartë, i pastër e kumbues dhe ka një forcë mashkullore.

Në fund të programit të sotëm ju ftoj ta shijoni melodinë me titull "Luajmë hupur në kuaj bambuje", interpretuar nga Mou Nan. Kjo melodi përshkruan fëmijët e gjallë dhe të mitur, të cilët me shkopinj bambuje si kuaj, luajnë duke imituar kalorësit që luftojnë në fushat e betejës. (pina)