dëgjoni

Në Pekin, Gjimnaziumi i Punëtorëve dhe stadiumi i Punëtorëve janë të njohur nga të gjithë njerëzit si "pallate të vëllezërit". Si ndërtesa simbolike të Pekinit në vitet 60 të shekullit të kaluar, janë zhvilluar në to Lojërat Aziatike, kampionati botëror i pingpongut, kupa aziatike e futbollit, si dhe shumë veprimtari e shfaqje të mëdha, të cilat u ka lënë njerëzve shumë kujtime të bukura. Pasi erdhi shekulli i ri, këta vëllezër që kanë mbushur afro 50 vjeç duken pak të vjetër dhe për të pritur Lojërat Olimpike të Pekinit, ata pranuan rindërtimin dhe pas rindërtimit dhe zbukurimit profesionist, ata na shfaqen tani me një pamje të njohur dhe të re.

Stadiumi i Punëtorëve i Pekinit do të përdoret si stadium futbolli për Lojërat e Pekinit. Ky stadium u ndërtua më 31 gusht në vitin 1959 dhe ishte një nga ndërtesat e famshme të Pekinit në 10 vjetorin e krijimit të Kinës së re. Pjesa e tij qendrore mund të nxërë maksimalisht 80 mijë spektatorë.

Projekti për rindërtimin e Stadiumit të Punëtorëve filloi nga 18 prilli i vitit 2006 dhe të gjitha punët u zhvilluan kryesisht sipas kërkesave të Komitetit Olimpik Ndërkombëtar, FIFA-s dhe Komitetit Organizativ Olimpik të Pekinit. Në këtë proces, është forcuar struktura kryesore e stadiumit e janë rregulluar krejtësisht fusha me bar dhe pista me tartan. Në këto punë, rirregullimi i fushës me bar tërhoqi vëmendjen më të madhe të njerëzve. Inxhinierët e futën nën fushë me një lloj kablli që mund të ngrohet nga energjia elektrike. Me këtë mënyrë, kjo fushë me bar do të shndërrohet në ngjyrë të gjelbër para ardhjes së verës, çka do t'u japë Punëtorëve më shumë kohë për ruajtjen e barit. Kjo metodë ka pasur efektivitet të mirë dhe e gjithë fusha është riparuar dhe është ruajtur siç u planifikua. Pala ndërtuese na tregoi se deri në Olimpiadën e Pekinit, kjo fushë me bar do të jetë aq e bukur sa ajo e stadiumit Wembley në Angli.

Pas rregullimit, kjo fushë me bar na duket si një plak që i është tranplantuar një zemër e re energjike. Tashmë, kur të futesh prapë këtu, do të zbulosh që i gjithë stadiumi është rinovuar plotësisht. Në qendër të stadiumit, ndodhet fusha e futbollit me bar të gjelbër, rreth së cilës ka 8 pista me tartan me distancë 400 metra. Në rajonin e spektatorëve, janë instaluar karriget prej fibre xhami të përzier me vinilit, të cilat janë me pesë ngjyra të ndritshme. Lart mbi shkallët e stadiumit, janë instaluar mbi 300 projektorë të fuqishëm për ndriçim, prandaj megjithëse disa ndeshje të futbollit do të zhvillohen në darkë, stadiumi do të ndriçohet si ditën. Krahas këtyre, edhe bokset e muzikës janë vendosur mesatarisht në të gjithë stadiumin. Në jug të stadiumit, ndodhet ekrani elektronik më i madh në Azi, i cili mund t'u tregojë shikuesve pamje të ndeshjes nga kënde të ndryshme.

500 metra në perëndim të portës veriore të Stadiumit të Punëtorëve, mund të gjejmë Gjmnaziumin e Punëtorëve të Pekinit, ku do të zhvillohen ndeshjet e boksit të Lojërave Olimpike të Pekinit. Ky gjimnazium u ndërtua në vitin 1961 dhe ka qenë gjithmonë vend zhvillimi rëndësishëm i veprimtarive të mëdha në Pekin. Rindërtimi i kësajhere ka ruajtur pamjen e jashtme dhe strukturën kryesore që kishte Gjimnaziumi dhe bëri vetëm pastrim e rinovim, madje nuk ndryshoi zbukurimin që kishte mbi dyert. Prandaj, ata që e njohin mirë Gjimnaziumin e Pekinit, nuk do të habiten fare pas këtij projekti.

Në këtë projekt, ndryshim më i madh është bërë në dritaret. Të vjetrat kanë qenë prej duralumini normal, çka nuk plotësonte kërkesën e mbrojtjes së mjedisit. Pas projektit, të gjitha dritaret e vjetra janë zëvendësuar nga duralumini i ri që është në të mirë të mjedisit. Këto dritare të reja janë të përbëra nga dy copa xhami, mes të cilëve është futur gaz i mpirë, çka izolon shumë mirë zhurma. Rruga Gongti beilu është një linjë kryesore e komunikacionit të Pekinit, në të gjithmonë ka makina të shumta gjatë ditës, dhe në darkë është shumë e zënë rruga Guijie që ndodhet afër Gjimnaziumit. Pas shndërrimit të dritareve, megjithëse ka shumë zhurma jashtë, brenda stadiumit do të jetë shumë qetë. Ndërkohë, kjo dritare e re mund të ruajë mirë temperaturën, prandaj do të kursejë afro 50% energji në ngrohjen e ambientit.

Sipas tregimeve të palës së ndërtimit, në Gjimnaziumin e Punëtorëve, krahas disa pajisjeve të përparuara në ajrosjen, ndriçimin, furnizimin me energji, janë shtuar edhe 240 vende për gazetarë, mbi 30 vende për personat VIP dhe një dhomë pushimi po për këta persona me sipërfaqe 40 metra katrorë. Ky ndryshim e ka bërë gjimnaziumin një pallat sportiv më të sigurt dhe më të rehatshëm.

Duke i shikuar nga larg, Stadiumi i Punëtorëve dhe Gjimnaziumi i Punëtorëve ndodhen afër njëri-tjetrit si vëllezër. Pas projektit të rindërtimit, i kemi parë këta vëllezër me pamje të re dhe jemi të bindur se këto dy ndërtesa më moderne do të na krijojnë një mjedis më të rehatshëm gjatë Lojërave Olimpike të Pekinit. (Jiang Lei)