dëgjoni

Sheng-u është një vegël muzikore frymore e lashtë kineze dhe qysh në shekullin e 11-të filloi të përdorej gjërësisht. Sheng-u që ka dimbër të qartë e kumbues dhe forcën e madhe shprehëse, përdoret në ekzekutimin kompleks të orkestrave popullore kineze, ose luhet solo. Melodia që ndoqët titullohet "Kënga pranverore në lumin Xiangjiang". Xiangjiang-u është një lumë në provincën Hunan të Kinës jugore. Kjo melodi nëpërmjet elementeve muzikore popullore të Hunanit përshkruan panoramat e bukura në të dy brigjet e lumit Xiangjiang, peizathin pranveror të fushave dhe tablonë e punës entusiste të njerëzve.

Wong Zhenfa është një instrumentist i njohur kinez i sheng-ut. Kur ishte i ri, ai fitoi më se njëherë çmimet kombëtare dhe të qytetit Shangait në ekzekutimin e veglave muzikore popullore, ka shkuar për shfaqje e vizitë në Francë, Australi, Japoni, Singapor etj dhe organizoi me sukses në Gjermani koncert recital në sheng, ku u vlerësua lart dhe u mirëprit ngrohtësisht nga spektatorët. Wong Zhenfa ka bërë përpjekje edhe për përmirësimin e kësaj vegle muzikore. Sheng-u me 37 pipa i studjuar dhe i prodhuar prej tij përdoret gjërësisht brend e jashtë vendit. Tani le të shijojmë melodinë me titull "Melodia Jin".

Fjala "Jin" është emri i shkurtuar i provincës Shanxi të Kinës veriore. Kjo melodi e përpunuar në bazë të melodive të operës lokale të provincës Shanxi dhe e interpretuar në sheng me mjeshtri të shumëllojshme, ka stil të theksuar të muzikës popullore të kësaj province.

Edhe Xu Chaoming është një instrumentist i njohur i shengut në Kinë. Interpretimi i tij është i hollësishëm dhe elegant, ai është i aftë të interpretojë në sheng tradicional, sheng të përmirësuar me 37 pipa, lusheng etj. Në të njëjtën kohë ai është edhe një arsimtar me përvojë të pasur dhe kompozitor, ka kirjuar melodinë me titull "Çuarja e çajit" etj.

Në fund të programit të sotëm do të dëgjojmë së bashku melodinë me titull "Nata me hënë në Linka", krijuar dhe interpretuar në sheng nga Xu Chaoming. Kjo melodi e përpunuar në bazë të muzikës tibetiane përshkruan të rinjtë tibetianë të cilët këndojnë dhe vallëzojnë të gëzuar nën rrezet e ndritshme të hënës. (Pina)