Siç mësohet, për të mbrojtur pamjet historike të qytetit të vjetër, komiteti i ndërtimit të qytetit të Pekinit dhe sektorët përkatyës kanë nxjerrë bashkarisht " Rregulloret e riparimit të shtëpive të vjetra dhe të teknologjive të mbrojtjes së tyre ", duke kërkuar zhvillimin e punës riparuse në bazë të këtyre rregulloreve.

Zv-kryetari i Komitetit të Ndërtimit të qytetit të Pekinit Zhang Jiaming tha : " Në projektimin dhe përdorimin e materialeve për riparimin e shtëpive dhe oborreve të tjera janë ndjekur kategorikisht rregulloret e sipërpërmendura, në mënyrë që pas riparimeve, të gjitha objektet të jenë në përputhje me standartet e zonës së mbrojtur. "

Gjatë procesit të riparimit dhe sistemimit të qytetit të vjetër, Komiteti i Planifikimit të qytetit të Pekinit, Komiteti i Ndërtimit të Pekinit dhe Drejtoria e objekteve arkeologjike të Pekinit kanë organizuar grupe specialistësh për mbrojtjen e qytetit të vjetër për orientimin dhe kontrollin e këtyre punëve.

Specialisti i njohur i mbrojtjes së objekteve arkeologjike të Kinës . z. Shie Chensheng vlerësoi lart " Rregulloret e riparimit të shtëpive të vjetër dhe të teknologjive të mbrojtjes së tyre ", dhe është i mendimit se përvoja e Pekinit për mbrojtjen e qytetit të lashtë historik të Pekinit duhet të përhapet edhe në mbarë Kinën." Këto rregullore të nxjerra nga bashkia e qytetit të Pekinit janë konkrete dhe të zbatueshme, duke unifikuar mbrojtjen e pamjeve të qytetit të lashtë të Pekinit me ngritjen e nivelit të jetesës së banorëve. Sipas mendimit tim, kjo është një mënyrë shumë e mirë dhe është një gur themeltar për mbrojtjen e qytetit të njohur historik kulturor të Kinës, ajo duhet të përhapet në mbarë Kinën, sepse ky është një kurs strategjik largpamës".

Drejtori i Drejtorisë së objekteve arkeologjike të Pekinit Kon Fanchi tha se riparimi dhe sistemimi i qytetit të vjetër janë theksi i punës për mbrojtjen e qytetit të njohur historik kulturor të Kinës. Ai tha se tani në Pekin janë formuar një sistem i mbrojtjes ku bëjnë pjesë sektorët e mbrojtjes së objekteve arkeologjike, zona e mbrojtjes historike kulrurore dhe tërësia e qytetit të njohur historik kulturor. Nga viti 2000 deri tani, Bashkia e qytetit të Pekinit ka investuar 930 milionë yuanë duke mobilizuar edhe 5 miliardë yuanë fonde nga shoqëria për riparimin dhe mbrojtjen e objekteve arkeologjike dhe janë arritur rezultate te dukshme.

Ai tha : " E gjithë mbrojtja e qytetit të njohur të Pekinit është një punë e përhershme. Përmirësimi i kushteve të një sasie të madhe oborresh shtëpiake dhe rrugicash dhe ringjallja sa më mirë e mjedisit tradicional kanë shumë probleme për të zgjidhur. Si të koordinohen mirë mbrojtja e tërësisë së qytetit të njohur të Pekinit me zhvillimin e ardhshëm të qyteti, si të zhvillohet qyteti i Pekinit në përputhje me mbrojtjen e qytetit të vjetër ? Ngritja e ndërgjegjes së publikut dhe shtimi i mundësisë financiare shtetërore kanë nxitur më tej mbrojtjen e gjithë qytetit të njohur historik të Pekinit. ( Zhai)