(pekini)

dëgjoni

Pekini është një qytet i njohur historik e kulturor në botë, është edhe një kryeqytet i madh ndërkombëtar i porsa zhvilluar. Gjatë procesit të modernizimeve të qytetit, për të mbrojtur pamjet historike e kulturore të qytetit të vjetër të Pekinit, bashkia e qytetit të Pekinit po zhvillon një punë me përpjesëtimet më të mëdha gjatë këtij gjysëm shekulli, për riparimin e shtëpive të vjetra dhe për transformimin e infrastrukturës së qytetit.

Dëgjues të dashur, në nënrubrikën e sotme " Kultura në fokus" do t'ju njohim me mbrojtjen e pamjeve kulturore të këtij qyteti të njohur historik.

Ditët e fundit, Komiteti i planifikimit të Bashkisë së Pekinit, komiteti i ndërtimit të qytetit të Pekinit dhe drejtoria e objekteve arkeologjike të Pekinit publikuan së bashku projektin e riparimit dhe sistemimit të qytetit të vjetër të Pekinit në vitin 2008, dhe bashkia e qytetit të Pekinit do të investojë 1 miliardë yuanë fonde të posacme për realizimin e një pune me përmasat më të mëdha, që pas shpalljes së RP të Kinës në vitin 1949, për riparimin e shtëpive dhe për transformimin e infrastrukturës së qytetit të Pekinit.

Zv-kryetari i Komitetit të ndërtimit të Pekinit, z. Zhang Jiaming tha : "Në vitin 2008, Bashkia e qytetit të Pekinit ka paraqitur objektin e riparimit të 40 rrugicave dhe 1400 oborreve shtëpiake, duke riparuar dhe sistemuar rreth e rrotull lagjeve, oborreve dhe pikave kryesore piktoreske brenda zonave të mbrojtura arkeologjike, njëkohësisht do të ruhen mirë objekte të mbetur nga historia dhe do të përmirësohen kushtet e banimit të banorëve. Kjo punë ka filluar qysh nga viti i kaluar dhe do të realizohet këtë vit."

(qianmen)

Pekini ka historinë e një kryeqyteti të lashtë më se 800 vjecar. Qyteti i vjetër i Pekinit që ndodhet në qendër të Pekinit ka një sipërfaqe prej më se 60 kilometrash katrore, ku janë sipërfaqe të mëdha me rrugica të lashta dhe me oborrë të lashtë shtëpiak, që shprehin thelbin e historisë dhe kulturës së Pekinit dhe që pasqyrojnë në mënyrë të përqendruar pamjet e kryeqytetit të lashtë të Pekinit, në këtë zonë janë edhe shtëpi më të vjetra të Pekinit që nuk përputhen tani me kërkesat e jetës së banorëve të sotëm dhe kanë shumë rreziqe të fshehta.

Për të mbrojtur pamjet historike të qytetit të vjetër të Pekinit, Bashkia e qytetit të Pekinit ka paraqitur parimin orientues të sistemimit të qytetit të vjetër "riparimi kryesor i shtëpive të rrezikshme, përmirësimi i infrastrukturës dhe shpërëngulja e përshtatshme e banorëve". Duke filluar nga viti 2005, bashkia ka investuar mesatarisht 580 milionë yuanë në vit për riparimin e shtëpive të vjetra dhe të rrezikshme. Anëtari i Komitetit të planifikimit të qytetit të Pekinit , z. Cao Yuejin tha :" Duke luajtur rolin orientues të bashkisë, të zhvillojmë mbrojtjen dhe sistemimin e oborreve shtëpiake, rrugicave dhe zonave të qytetit të vjetër me qëllim rinimin gradual në përpjesëtime të vogla, si rezultat, krahas përmirësimit të kushteve të banimit të qytetarëve, janë mbrojtur edhe pamjet e kryeqytetit të lashtë dhe janë përmirësuar dhe rindërtuar disa rrugica dhe oborre shtëpiake me ngjyra të theksuara pekinase që janë të rehatshme për jetën e banorëve. "

(shichahai)

Siç mësohet, për të mbrojtur pamjet historike të qytetit të vjetër, komiteti i ndërtimit të qytetit të Pekinit dhe sektorët përkatyës kanë nxjerrë bashkarisht " Rregulloret e riparimit të shtëpive të vjetra dhe të teknologjive të mbrojtjes së tyre ", duke kërkuar zhvillimin e punës riparuse në bazë të këtyre rregulloreve.

Zv-kryetari i Komitetit të Ndërtimit të qytetit të Pekinit Zhang Jiaming tha : " Në projektimin dhe përdorimin e materialeve për riparimin e shtëpive dhe oborreve të tjera janë ndjekur kategorikisht rregulloret e sipërpërmendura, në mënyrë që pas riparimeve, të gjitha objektet të jenë në përputhje me standartet e zonës së mbrojtur. " ( Zhai)