dëgjoni

Pak kohë më parë, violinisti i famshëm amerikan me prejardhjen kineze Lin Zhaoliang dha shfaqje në Pekin, melodia e këndshme e violinës e interpretuar nga ai ua ëmbëlsoi zemrën shikuesve të pranishëm.

Lin Zhaoliang lindi në vitin 1960 në Tajvan të Kinës dhe filloi të mësojë t'i bjerë violinës qysh në moshën 5-vjeçare. Duke kujtuar kohën e mësimit të violinës, Lin Zhaoliang tha:

"U rrita në një qytet të vogël tajvanez Xinzhu. Kur isha në moshën 5-vjeçare, një ditë pashë që një fëmijë fqinj po i binte violinës dhe linda interes për këtë instrument muzikor. Më vonë, prindërit më dhuruan një violinë dhe më sollën në shkollë për të mësuar t'i bie. Kështu qysh nga mosha 5-vjeçare, nuk kam ndërprerë asnjë ditë për t'i rënë violinës."

Lin Zhaoliang ka talentin e lartë në fushën e violinës, njëkohësisht me mësimin e zellshëm, kur ishte në moshën 10-vjeçare, Lin Zhaoliang fitoi çmimin e parë në konkursin e violinës të Tajvanit për fëmijë. Më vonë, Lin Zhaoliang shkoi në institutin e muzikës në Australi dhe në SHBA për studime. Në moshën 17-vjeçare, Lin Zhaoliang filloi të fitojë famë në botë. Ai tha:

"Kur mbarova mësimet në shkollën e mesme në moshën 17-vjeçare, mora pjesë në konkursin ndërkombëtar të violinës 'Mbretëresha Sofia' të Spanjës dhe fitova çmimin e parë. Kjo ishte pikë kthese në jetën time muzikore, unë fillova të jap shfaqje në Spanjë. Këto shfaqje janë përvoja e çmuar për mua sepse shfaqja në skenë ka dallime të mëdha me ushtrimet."

Lin Zhaoliang u shpreh se mësimi i violinës është një proces plot me vështirësi dhe kënaqësi. Gjatë këtij procesi ndodhi një gjë interesante, një herë, Lin Zhaoliang i huajti një violinisti tjetër violinën e vet, kur dëgjoi interpretimin e tij, Lin Zhaoliang zbuloi me habi se tingulli muzikor i violinës ndryshoi. Lin Zhaoliang u shpreh se ai zbuloi për herë të parë magjinë e jashtëzakonshme të violinës. Ai tha:

"Jam një njeri optimist dhe më pëlqen shumë muzika, prandaj mësimi i violinës është një proces plot me kënaqësi. Por në procesin e mësimit muzikor ka shumë vështirësi, për të kapërcyer këto vështirësi, nevojitet frymëzimi muzikor. Jam i mendimit se frymëzimi muzikor dhe entuziazmi kanë rëndësi shumë të madhe për muzikantët."

Tingulli i violinës i interpretuar nga Lin Zhaoliangu është shumë i këndshëm. Gjatë shfaqjes, Lin Zhaoliang u kushton shumë rëndësi shkëmbimeve me shikuesit, ai u shpreh se interpretuesi duhet të zvogëlojë më tej distancën me shikuesin, kështu shikuesit mund të shijojnë më mirë melodinë e bukur. Ai tha:

"Kam interes të gjerë për muzikën si për shembull muzika klasike, muzika ramantike edhe muzika e shekullit të 20-të. Shpresoj se kur interpretoj vepra të ndonjë kompozitori, shikuesit mund të njohin mendimt e mia për këtë kompozitor nëpërmjet tingullit të violinës. Për një vepër, çdo violinist mund ta interpretojë në stilin e ndryshëm, kjo është një gjë interesante."

Për mbi 20 vjetë, Lin Zhaoliang konsiderohet gjithmonë gjerësisht si një nga violinistët më të shquar në botë. Duke folur për eksperiencën shumëvjeçare të shfaqjes, Lin Zhaoliang u shpreh:

"Teknika është shumë e rëndësishme, pa teknikë nuk mund t'i bjerë mirë violinës. Por mendoj se ndjenja është më e rëndësishme se teknika. Një muzikant i mirë duhet të shndërrojë muzikë në ndjenja duke iu transmetuar shikuesve."

Lin Zhaoliang shpreson se ai do t'i ndihmojë më shumë muzikantët e shquar kinezë të shkojnë në skenën ndërkombëtare me qëllim që veprat e tyre të dëgjohen nga dashamirësit muzikorë të më shumë vendeve. (Fani)